LUKU 7
7
1GODO é dotana ohó etọn lẹpo to otọ́ gbẹtọ lẹ tọn mẹ, é biọ Kapẹlnaumi mẹ.
2Afànumẹ mẹkanwekowhangán tọn de, he yín mẹvivẹ hlan ẹn, yín awutunọ, bo sọ wleawu na kú. 3Whenuena é sè gbọn Jesu tọn dali, é do mẹho Ju lẹ tọn hlan en, bo vé ẹ dọ, é nido wá, bo hen azọ̀n afànumẹ etọn tọn gbọ. 4Whenuena yé sọ wá Jesu de, yé vé ẹ talala dọ, E jẹ mehe ewọ do wà ehe lọ na. 5Na é yiwanna akọta mìtọn, ewọ lọsu sọ dó sinagogu mìtọn dopo na mí. 6Whenenu wẹ Jesu sẹ̀ hodo yé jei. Whenuena é ma sọ den do owhé lọ gbè, mẹkanwekowhangan lọ do họ́ntọn lẹ hlan ẹn, dọ Oklunọ, a dotukla dewe blo: na yen ma jẹ bo hiẹ do biọ ohò ṣie glọ gba. 7Enewutu yen ma sọ lẹn dọ yẹn losu jẹ nado wá de we gba: ṣigba dọ ohó lọ, yè nasọ hẹnazọ̀ngbọna yọpọsunnu ṣie. 8Na mẹhe yè yí do oglọ asè tọn wẹ yẹn ga, yen sọ tindo awhanvipẹ to oglọ ṣie, yẹn dọ hlan ode, dọ, Yì, é nọ yì; hlan awetọ dọ, Wá, é nọ wá; podọ hlan afànumẹ ṣie dọ, Wà ehe, é sọ nọ wà e. 9Whenuena Jesu sè onú hele, é jawu do e, é sọ lé pànnukọn mẹhe to hihodo e lẹ, bo dọmọ, Yẹn dọ hlan mì, Yẹn ma mọ yise daho di ehe, lala, é ma yín to Islaeli mẹ. 10Yé mẹhe é dohlan lẹ, sọ lẹgò yì owhé, bo sọ mọ afanumẹ lọ ko jẹ gángán.
11E sọ wá jọ, to aihọngbè, é biọ otò daho de mẹ, he yè ylọ Naini; nuplọntọ etọn lẹ yì po e po, po agùndaho de po. 12Whenuena é sọ dòn sẹpọ́ jẹ họngbo otòdaho lọ tọn, do ayi e go, yè zé mẹkúkú de jẹgbonu ja, visunnu dopo onọ etọn tọn, é sọ basi asusiosi: gbẹtọ susu otodaho lo me tọn sọ tin to e de. 13Whenuena Okluno mọ en, lẹblanu etọn wà ẹ, é sọ dọ hlan ẹn, dọmo, A sọ viavi blo. 14E sọ wá, bo do alọ apotinjan lọ go: mẹhe zé e lẹ sọ site sududu. E sọ domọ, Ovisunnu, yen dọ hlan we, Fon. 15Mẹhe kú sọ fon sinai, bo sọ sè hódọ. E sọ jo e blan onọ etọn. 16Obu sọ jẹ ome popo ji: yé sọ to gigopana Jiwheyewhe, dọmọ, Yẹwhegán daho de fọ́n to mí mẹ; podọ, Jiwheyẹwhe ko dla omẹ etọn lẹ pọ́n. 17Podọ linlin he, gbọn ewọ tọn dali to didi to Judé pete me, po agbegbeji lédólédo lẹpo po.
18Nuplọnto Johanu tọn lẹ sọ dọ onú helẹ pó ton nẹ 19Johanu sọ ylọ omẹ awe to nuplọntọ eton lẹ mẹ, bo do yé hlan Jesu de, dọmọ, Be hiẹ wẹ mehe ja. Kavi mí ni to nukundo mẹdevo? 20Whenuena omẹ lẹ lọ wá e de, yé dọmọ, Johanu Báptisti wẹ do mí hlan de we, dọ, Hiẹ wẹ mẹhe ja? Kavi mí ni to nukundo mẹdevo? 21To ojlẹ nẹ mẹ é hẹnazọ̀ngbọna omẹ susu sọn awutujẹ lẹ mẹ, podọ sọn gbigbọ ylankan lẹ si, é sọ na nukunnúmimọ nukuntọ́nnọ susu. 22Whenẹnu wẹ Jesu gblọn dọ hlan yé, dọ, Mì yì, bo dọhó onú he mì mọ, po ehe mì sè po tọn hlan Johanu; nukuntọ́nnọ lẹ to númọ, sékunọ lẹ to zọnlinzin, yè hẹn potọnọ lẹ zùn wiwe, tókunọ lẹ to núsè, yè to osiọ lẹ fọ́n do ogbè, podọ hlan wamọnọ lẹ we yè to wẹndagbe yẹwheho tọn dọ. 23Podọ donanọ we ewọ mẹdepope he ma na mọ nujijọ ahlida tọn de to yẹn me.
24Whenuena médagun Johanu tọn lẹ fọ́nyì, é sè didọ hlan agùndaho lẹ lọ gbọn Johanu tọn dali, dọmọ, Etẹwẹ mì tón yì zùngbo mẹ yì nado pọ́n? ofán he jẹhọn to whinwhán? 25Yèdọ etẹwẹ mì tón yì nado mọ? Dawe he yè do avọ̀ wọdọwọdọ na? Pọ́n yéheyè ṣinyọn avọ̀ gigo tọn na, bo agbasa miọnna dagbedagbe le tin to owhé ahọlu lẹ tọn gbè. 26Yèdọ etẹwẹ mì tón yì nado mọ? Yẹwhegán? Nugbo yen dọ hlan mì, E húgan yẹwhegán. 27Ehe wẹ mẹhe tọn yè wlanwé, dọmọ,
Pọ́n, yẹn do médagun ṣie hlan nukọn towe,
Mẹhe na jla aliho towe do to nukọn towe.
28Yẹn dọ hlan mì, dọmọ, To yé he yè ji son yọnnu mẹ lẹ mẹ ode ma tin klohú Johanu Baptisti: ṣigba ewọ he yín whehu to ahọludu Jiwheyẹwhe tọn mẹ, yín kiklo hu ewọ. 29Podọ gbẹtọ lepo whenuena yé sè, po tòkuẹsinyantọ lẹ po sùwhena Jiwheyẹwhe, yíyí baptisin Johanu tọn do baptizi yé. 30Ṣigba Faiesi lẹ, po osénnọ lẹ po sọ gbé linlẹn Jiwheyẹwhe tọn dai na: yéde, yè ma sọ baptizi ye to e de. 31Oklunọ sọ dọmọ, Etẹ go yẹn na yí gbẹtọ whendo he tọn jlé do? Etẹwẹ yé sọ di? 32Yé tin jijlẹ do yọpọvu he sinai to ahi mẹ lẹ go, bo to gbèjlẹ hlan yénọzo, bo dọmọ, Miwìẹ kúnván hlan mì, mì ma duwè i mìwlẹ sọ blawu, mì ma viavi. 33Na Johanu Baptisti wá, madù akla, manù ovẹ̃n, mìwlẹ dọmọ, E do aovi de. 34Ovi gbẹtọ tọn wá, bo to dùdù bo sọ to nùnù: mìwlẹ sọ dọmọ, Pọn gbẹtọ adọnọ, vẹnnùmunọ, hóntón tokuesinyantọ po ylandonọ lẹ po tọn 35Ṣigba yè sùwhena nuyọnẹn sọn ovi etọn lẹpo de.
36Podọ mẹdopo sọn Falesi lẹ mẹ jlo ewọ dọ e ni do dùnú hẹ ẹ. E sọ bio owhé Falesi lọ tọn gbè, bo sọ jagla nado: dùnú. 37Do ayi e go, nawe de he ko tin to otòdaho lọ mẹ, mehe basi ylandonọ, whenuena é yọnẹn dọ Jesu jagla to núdù to owhé Falesi lọ tọn gbè, é hẹn núsisagbán alabasta nuwhẹnkun tọn wá, 38bo sọ site to afọ etọn go, to godo etọn, bo to avivi, bo sọ sè dasìn yí do to afọ etọn kló, bo yí oda he to ota etọn do to súnsúnsúhsún i, bo sọ to onù yí do afọ etọngo, bo sọ yí amisisa sá do yé. 39Dinvie whenuena Falesi, mẹhe ylọ ẹ lọ, mọ ẹn, è dọ to ede homẹ, dọ, Dawe he, eyin ewọ yín yẹwhegán lọ, é do yón mẹhe hunkọ nawe he to alọ do e go yín: dọ ylandonọ de wẹ ewọ. 40Jesu sọ gblọn dọ hlan ẹn, dọmọ, Simọni, yẹn do núde na dọ hlan we. E sọ domọ, Mẹplọntọ, to didọ 41A-kuẹsatọ de tin he tindo ahọdutọ awe: ode duahọ abọgan-kuẹ fowekanweko do e, awetọ sọ dù kandeao hó. 42Whenuena yé ma tindo núde nado suahọ, é jona yé omẹ awe lẹ vọnu. Enẹwutu, dọ, to yé ome awe lẹ mẹ, mẹnu we na yiwan nẹ̃ húgan? 43Simọni sọ gblọn bo dọmọ, Yẹn len dọ ewọ he é jona gbahú wẹ. E sọ dọ hlan ẹn, dọmọ, Hiẹ dọ nugbo. 44E sọ lé pànnukọn nawe lọ, bo dọ hlan Simọni dọmọ, Hiẹ mọ nawe he? Yẹn biọ owhé towe gbè, hiẹ ma na osìn mi na afọ ṣie: ṣigba ewọ odasìn wẹ é do to afọ kló na mi, bo sọ yí oda etọn do to yé súnsún sẹ̀. 45Hiẹ ma na nùdonùgo mi: ṣigba ewọ ma gbọ nùdonùgonà afọ ṣie gba; 46Ota ṣie hiẹ ma yí amì do sá amisisa na: ṣigba ewọ ko yí nuwhẹnkun sá do afọ go na mi. 47Enẹwutu wẹ yẹn dọ hlan we, dọ, Ye jo ylando etọn he sù lẹ nẹ, na e yiwanna susu: ṣigba ewọ he yè jo vude na, ewọ lọ wẹ yiwanna vude. 48E sọ dọ hlan en, dọ, Yè jo; ylando towe na we. 49Yé he jagla to nudùdu kòn po e po lẹ sọ sè didọ to yéde ṣẹnṣẹn, dọmọ, Mẹnu wẹ ehe to ylando jona ome ga? 50E sọ dọ hlan nawe lọ domọ, Yise towe ko whlẹn we gán; to yìyì jijọho mẹ.
Àwon tá yàn lọ́wọ́lọ́wọ́ báyìí:
LUKU 7: BWL23
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Holy Bible in Gun-Alada © Bible Society of Benin and Bible Society of Nigeria, 1923.
