LUKU 5
5
1DINVIE e sọ wá jọ whenuena gbẹtọ lẹ hodo e nado sè ohó Jiwheyẹwhe tọn, é sọ site to otándo Genesalẹti tọn tó, 2e mọ vátlẹ awe nọte to otándo lọ tó: ṣigba whehùtọ lẹ jẹte sọn yé mẹ, bo sọ to odó yetọn klọ. 3E sọ biọ dopo vàtlẹ lẹ tọn mẹ, he Yín Simoni ton, é sọ vé ẹ ni jagò yì godo pẹvide son age go. E sọ sinai, bo to gbẹtọ le plón sọn vàtle lo me. 4Whenuena é gbọ oho do, e dọ hlan Simọni, dọmọ, Sise do odo ohù tọn mẹ; na mì ni kòn odò mìtọn na bẹpli 5Simọni sọ gblọn bo, dọmọ, Okluno, ozámnẹ oso lepo wẹ mí ko jetukla, bo ma wlé nudepope: ṣigba to ohó towe ji yẹn na kòn odò lo do odo mẹ. 6Whenuena yé sọ wà ehe, yé ṣinyọn whevi susu dopọ: odò yẹtọn sọ tlen. 7Yé so mìalọ hlan ogbé yetọn he tin to vàtlẹ awetọ mẹ lẹ, na yé nido wá gọalọna ye. Ye sọ wá, bo gó vàtle awe lepo, somọ bọ yé sọ sọ sisiọ. 8Whenuena Simọni Pita mọ ẹn, é jeklo to oklo: Jesu tọn kòn, bo dọmọ, Yì sọn dè; na gbẹtọ ylandonọ wẹ yẹn, Oklunọ È. 9Na avọ̀ vò e po mehe tin po e po lẹ, na bẹpli whevi: tọn he yé ko bé. 10Mọ sọ wẹ Jakobu po Johanu po, ye ovi Zebede tọn lẹ, he yin ogbẹ Simọni ton. Jesu so dọ hlan Simọni, dọ, A dìbu blo, sọn dinvie yì, hiẹ na wlé gbẹtọ lẹ. 11Whenuena yé hẹn vàtle yetọn lẹ wá age, ye jo popo dai, bo hodo e.
12E sọ wá jọ, whenuena é biọ dopo to oto dahò lẹ tọn mẹ, pọ́n, dawe he opò ṣinyọn de; mẹhe, whenuena é mọ Jesu, é jẹklo to nukọn eton, bo vè e dọ, Oklunọ, eyín hie jlo, hiẹ sọgan hẹn mi zùn Wiwe. 13Ẹ sọ dlẹn alo etọn, bo sọ yí alọ do ẹ go, bo dọmọ, Yen jlo: na hiẹ ni zùn wiwe. To afọdoponẹji, opò sọ jo e do. 14E sọ dosẹ́n nẹ̃ mẹ nado dọ na mẹde: ṣigba yì aliho towe, bo do dewe hia hlan: yewhenọ, bo sọ na nunina na olẹwe towe kedẹdi le Moṣe degbè do na okúnnu de hlan mì. 15Ṣigba humọ wẹ linlin to yìyì gbọn ewọ tọn dali lédo pé, agùndaho lẹ sọ wá pli dopọ nado sè ohó etọn, podo nado yínhinhenje gángán sọn lanmẹmasinyẹn yetọn lẹ mẹ. 16E sọ jagò ná ede yì zùngbo mẹ, bo sọ hodẹ̀.
17E sọ wá jọ to gbedopo, whenuena é to meplón, Falesi lẹ, po osẹ́ngán osén tọn lẹ po sinai to finẹ dali, yé tọn sọn gbeta Galili tọn lẹpo me, podọ sọn Judé, podọ sọn Jelusalẹm: huhlọn Oklunọ tọn sọ tin to finẹ bọ e na do hẹnazọ̀ngbọnamẹ. 18Do áyi e ko, gbẹtọ lẹ zehẹn to adózan ji, dawe de he to awukuzọnjẹ: yé sọ to òtẹn din nado zé e biọ họmẹ, podọ nado zé e dai to nukọn etọn. 19Whenuena yé ma mọ aliho he yé na gbọn do zé e biọ họmẹ, na gbẹtọ susu wutu, yé hẹ hòta aga, bo sọ hẹn ẹn jẹte gbọn zanuvomẹ po adọzan etọn po do ṣẹnṣẹn to Jesu nukọn. 20Whenuena é sọ mọ yise yetọn, e dọ hlan en, dọ, Dawe, yè jo ylando towe na we. 21Wekantọ lẹ, po Falesi lẹ po sọ sè nulẹn, dọmọ, Mẹnu wẹ ehe to nazinzan dọ he? Mẹnu wẹ sọgan jo: ylando ná ome, adavo Jiwheyẹwhe dopokẹdẹ? 22Ṣigba whenuena Jesu mọ ayi linlẹn yetọn, é gblon dọ hlan yé, dọmọ, Etẹwẹ mì to linlen to ayiha mìtọn mẹ? 23Be etẹwe boawú hú, nado dọmọ, Yè jo ylando towe na we: kavi nado dọmọ, Fọn, bo zìnzọnlin? 24Ṣigba na mì nido yọnẹn dọ Ovi gbẹtọ tọn tindọ asè to aihọn ji nado jo ylando na omẹ, (é dọ hlan ewọ he yín awakuzònnọ lọ, dọmọ,) Yẹn dọ hlan we, Fọ́n, bo zé adózan towe, bo yì owhé towe gbè. 25Afọdoponẹji, é so fọ́n to nukon yetọn, bo zé onu he ji é mlonai te, bo so yì, bo wá owhé etọn gbè, bo to gigopana Jiwheyẹwhe 26Avò sọ vò ye omẹ pó, yé sọ to gìgopana Jiwheyẹwhe, obu sọ di yé, yé to didọmọ, Mìwlẹ mọ onú jawu to egbe.
27To onú helẹ godo, é sọ tonjẹgbonu, bo mọ tokuesinyantọ de he yè nọ ylọ oyín etọn Levi, é sinai to denu; é sọ dọ hlan en, dọ, Hodo mi. 28E sọ jo onú lẹpo dai, é fọ́n bo sọ hodo e. 29Levi sọ basi jonọnúdùdù daho de nẹ to owhé etọn gbè: agùndaho tòkuẹsinyantọ le tọn, po ome devo lẹ po sọ tin to finẹ, bo jagla po yẹ po. 30Podọ Falesi lẹ po wekantọ yetọn le-po to hunhlun do nuplọntọ eton lẹ go, dọmọ, Etẹwutu wẹ mìwlẹ to núdù bo sọ to nùnù po tòkuẹsinyantọ lẹpo pó ylandonọ lẹ po? 31Jesu sọ gblọn bo dọ hlan yé, dọ, Yé mehe to gángán ma din bokọnọ gba; adavo mehe yín awutunọ le, 32Yen ma sọ wá nado ylọ dódónọ lẹ gba, adavo ylandanọ lẹ hlan vọjọ kòn. 33Yé sọ dọ: hlan ẹn, dọ, Etẹwutu wẹ nuplọntọ Johanu tọn le nọ blanù tọ whepoponu, bo sọ nọ basi odè, mọkẹdẹ wẹ nuplọntọ Falesi lẹ tọn ga; ṣigba towe lẹ to dùdù bo sọ to nùnù? 34Ewọ sọ dọ hlan yé, dọ, Be mì sọgan hẹn yọ̀pọ he tin to abò asiyọ́yọ́ tọn mẹ lẹ blanù, whenuena asisunọ tin to yé de? 35Ṣigba azán lẹ ja, whenuena yè na dè asisunọ sọn yé de, whenẹnu wẹ yé na blanù to azán nẹlẹ mẹ. 36E sọ dọ oló de hlan yé ga; dọmọ, Mẹde ma nọ tlẹn avọ̀nu de sọn awu yọ́yọ́ de go bo yí do awu hóhó de go gba; é nikã tlẹn yọ́yọ́ lọ, podọ ga avọ̀nu sọn yọ́yọ́ lọ mẹ ma na sọgbe do hóhó lọ go gba. 37Podọ mẹde ma nọ yí ovẹ̃n yọ́yọ́ do ayugo hóhó le mẹ gba; ovẹ̃n yọ́yọ́ lọ nikã à ayugo lẹ lọ, ewọ lọsu bo na sọ yín sisakọnyingbe, ayugo lẹ lọ bo na sọ dòn. 38Ṣigba ovẹ̃n yọ́yọ́ wẹ do yín yíyí do ovẹn-yugo yọ́yọ́ lẹ mẹ. 39Podọ mẹde ma ko nọ nù ovẹ̃n hóhó bo sọ jlo yọ́yọ́ gba: na ewọ dọmọ, Dagbe wẹ hóhó lọ.
Àwon tá yàn lọ́wọ́lọ́wọ́ báyìí:
LUKU 5: BWL23
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Holy Bible in Gun-Alada © Bible Society of Benin and Bible Society of Nigeria, 1923.
