LUKU 4
4
1JESU, gigòna Gbigbọ Wiwe, lé gò sọn Jọdani, yè sọ plan ẹn to Gbigbọ mẹ yì zùngbọ me je azán kande, 2yè whle e pòn sọn legba de. To azán nele mẹ, é ma dù núde: whenuena yé sọ pé, huvẹ to hùhù i. 3Legba sọ dọ hlan ẹn, dọmọ, Eyín hie yín Ovi Jiwheyẹwhe tọn, degbèna zannu he ni lẹzun akla. 4Jesu sọ gblọn bo dọ hlan ẹn, dọmọ, Yè kanwe dọ, Gbẹtọ ma to ogbè gbọn akla dopokedẹ dali gba. 5Lẹgba sọ hẹn en yì osé he yì aga de ji, bo yí ahọlu yigba aihọn tọn lẹpo hia ẹ to nukun whiwhe dopo mẹ. 6Lẹgba sọ dọ hlan ẹn, dọmọ, Hiẹ wẹ yẹn na yí ase he, po gigo yetọn po na: na enẹ wẹ yè yí do alọ me na mi; mẹdepope yen jlo yen na yí i na. 7Enẹwutu eyín hiẹ litai to nukọn ṣie, onú helẹ pó na yín towe. 8Jesu sọ gblọn bo dọ hlan ẹn, dọ, Tọ́n sọn godo na mi, Satani; na yè wlanwe dọ, Hiẹ na litaina Okluno Jiwheyẹwhe towe, ewọ dopokẹdẹ we na hie ni nọ sèn. 9E sọ hẹn en yi Jelusalẹm, bo zé e do awà tẹmpli tọn ji aga, bo sọ dọ hlan ẹn, dọmọ, Eyín hiẹ yín Ovi Jiwheyẹwhe, tọn, lọ́n sọn ofi yì odò: 10Na yè wlanwe dọmọ,
Ewọ na na asè angẹli etọn lẹ na hiẹ tọn wutu, nado họ́ we:
11Alọ yetọn me wẹ yé na zé we do aga,
Na hiẹ to whedepopenu ma nado klẹn afọ towe do zannu go.
12Jesu sọ gblọn bo dọ hlan en, do Yè sọ dọ domọ, Hiẹ ma na whle Oklunọ Jiwheyẹwhe towe pòn.
13Whenuena lẹgba so dotana whlepon lẹpo, e fọ́nyì sọn e de na osã de.
14Jesu sọ lẹ́gọ̀ to huhlọn Gbigbọ tọn mẹ wá Galili: linlin etọn sọ di pó agbègbè ji lẹpo lédo. 15E sọ to mẹplón to sinagọgu yetọn lẹ mẹ, yé omẹ pó sọ to gigopa nẹ̃.
16E sọ wá Nazalẹti, ofi he yè pọ́n e go whén te, dile walọ etọn te, é biọ sinagọgu mẹ to gbọjezángbè, bo sọ fọ́n site nado hiawé. 17Yèsọyíowé yẹwhegán Esaia tọn na ẹn. Whenuena é hùn owé lọ, é mọ ofi yè wlan dọ
18Gbigbọ Oklunọ tọn tin to oji e,
Na é ko sámisisana mi nado dọyẹwheho wẹndagbe tọn hlan wamọnọ lẹ wutu:
Ewọ ko do mi hlan nado lá dèdote hlan mẹglọnọ,
Podọ mimọ nukunnu tọn hlan nukuntọ́nnọ lẹ,
Nado de yé he yè gbleawuna lẹ do medekannuje mẹ.
19Nado lá owhè alọkẹyi Oklunọ tọn. 20E sọ há owé lọ, bo gò ẹ jo na lizọnyítọ lọ, bo sinai. Yé mẹhe tin to sinagọgu me lepo sọ bò nukun do e go. 21E sọ sẹ̀ didọ hlan yé, dọ, Egbé wẹ Owé wiwe he di to otọ́ mìtọn mẹ 22Yé omẹ pó sọ dekunnu nẹ̃, awu sọ to yé ji na ohó ojọmiọn tọn he to tintan sọn onù eton mẹ. Yé sọ dọmọ, Ehe ma wẹ ovi Josẹfu tọn lọ? 23E sọ dọ hlan yé, dọ, Matinnuha mì na dọ oló he hlan mi, dọ, Bokọnọ, hẹnazọ̀ngbọna dewe; nudepope he mí ko sè yè wà to Kapẹlnaumi, wà ẹ to otò towe mẹ to ofi ga. 24E sọ dọmọ, Nugbo wẹ yen dọ hlan mì, Yẹwhegán de ma yín álokẹyi to otò ewlọsu ton mẹ gba. 25Ṣigba nugbo wẹ yẹn do hlan mì, dọ, Asusiọsi susu we tin to Islaeli to Eli whenu, whenuena yè su olọn owhè atọ̀n po osùn ṣidopo po, whenuena huvẹ daho tón lẹdo to aigba lẹpo ji; 26yè ma do Eli hlan mẹdepope to yé mẹ gba, adavo hlan yọnnu asusiọsi de to Selepta, aigba Sidọni tọn mẹ. 27Opòtọ susu wẹ tin to Islaeli mẹ to Elise yewhegán whenu; mẹhe yè lèwe ma tin to yé mẹ; adavo Naamani Siliatọ: 28Yé mẹhe tin to sinagọgu mẹ lepo, whenuenayé sè onú helẹ, gọ́na homẹgble daho, 29yé sọ fọ́n, bo tùn in jẹgbonu sọn otò daho mẹ, bo sọ dòn ẹn yì osé tónu fie yé do otò daho yetọn do, nado sisẹ ẹ sọtado na. 30Ṣigba é gbọn gblagbla yeton mẹ bo sọ yì.
31Ẹ sọ jete wá Kapẹlnaumi, otò daho Galili tọn de, é sọ plọn yé to gbọjezángbè. 32Avò sọ vò yé do núplónme etọn go: na ohó etọn gó na asè. 33Dawe de sọ tin to sinagọgu mẹ, mẹhe ko tindo gbigbọ aovi mawe tọn de, é yí ogbè lélé de do dawhá, 34dọmọ, Jo mi do abọe; etẹwẹ mí do nado wà to de we, hiẹ Jesu Nazaleti tọn? hiẹ wá nado hù mi súdo we? yen yón mẹhe hie yín, Omẹ Wiwe Jiwheyẹwhe tọn. 35Jesu sọwọhẹ ẹ, dọmọ, Nabe, bo tón sọn é go. Whenuena aovi sọ li i ai to yé ṣẹnṣẹn, é tón sọn é go, é ma sọ gbleawu nẹ. 36Awu sọ ji yé omẹ pó, yé sọ to didọ to yéde ṣẹnṣẹn, dọ, Ohó té hunkọ wẹ ehe? Na asè po huhlọn po wẹ é do degbèdo gbigbọ mawe lẹ, bọ yé sọ tón. 37Linlin sọ di gbọn ewọ tọn dali pó ofi popo to oto he lédo lẹ mẹ.
38E sọ fọ́n sọn sinagọgu bo biọ owhé Simọni tọn gbè. Ova ko li onọ asi Sìmọni tọn tọn ai, yé sọ vè e na ewọ. 39E sọ nọte do e ji, bo wọhẹ ova lọ; é sọ jo e do: to fidoponẹ é fọ́n bo sọ to devizónwà hlan yé.
40Whenuena owhè to ohò yì, yé mẹhe tindo awutunọ he to azọ̀nmadizọ̀n jẹ dele plan yé wá e de, é do alọ ye ji dopodopo, bo sọ hẹn yé jegángán. 41Aovi lẹ tón sọn omẹ susu go ga, bo to awhádo dọmọ, Hiẹ wẹ Khsti, Ovi Jiwheyẹwhe tọn. E to wiwọhẹ yé, bo ma dikena yé ni dọhó; na yé ko yọnẹn dọ ewọ wẹ Klisti wutu.
42Whenuena ai họ́n, é tón wá, bo sọ yì ofi zùngbo tọn de mẹ: gbẹtọ lẹ sọ to dindìn in pé, bo sọ wá e de, bo hẹn en dote, na é ma nado tón sọn yé de. 43E sọ dọ hlan yé; dọ, E ma jẹ na yẹn ni nọ ma dọ yẹwheho ahọludu Jiwheyẹwhe tọn hlan otò daho devo lẹ ga gba, na enẹwutu wẹ yè do mi hlan.
44E sọ dọ yẹwheho to sinagọgu Go lili tọn lẹ mẹ.
Àwon tá yàn lọ́wọ́lọ́wọ́ báyìí:
LUKU 4: BWL23
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Holy Bible in Gun-Alada © Bible Society of Benin and Bible Society of Nigeria, 1923.
