KaYohane

IZenzo

KwabaseRoma

eyo-1 neye-2 KwabaseTesalonika

KumaHebhere

2 KwabaseKorinte

1 KwabaseKorinte

eyo-1 neye-2 kaTimoti

KumaGalati

1, 2, & 3 KaYohane

<div class="version vid281 iso6393xho" data-vid="281" data-iso6393="xho">
 <div class="book bkLUK">
 <div class="chapter ch7" data-usfm="LUK.7">
 <div class="label">7</div><div class="s1">Ukuphiliswa komkhonzi womthetheli-khulu</div><div class="r">(UMat. 8:5-13)</div><div class="p"> 1Ke kaloku, emveni kokuba ebewagqibile onke amazwi akhe, besiva abantu, wangena eKapernahum.</div><div class="p"> 2Waye ke umkhonzi womthethelikhulu othile, owabethandwa nguye, esifa, eza kubhubha. 3Uthe ke akuva ngaye uYesu, wathuma kuye amadoda amakhulu amaYuda, emcela ukuba eze kumsindisa umkhonzi wakhe. 4Akufika ke kuYesu, ambongoza enyamekile, esithi, &#218;kufanele oko lowo &#249;ngamenzelayo oko; 5kuba &#250;yaluthanda uhlanga lwethu, wasakhela nendlu yesikhungu yena. 6Wahamba ke uYesu nabo.</div><div class="p">Akubon' ukuba ke &#224;kasekude endlwini, umthetheli-khulu wathuma izihlobo kuye, esithi kuye, Nkosi, ung&#224;zikhathazi, kuba andikulingene ukuba ungade ungene phantsi kophahla lwam; 7kungoko nam nding&#224;kufanelanga ukuda ndize; thetha ngezwi lodwa, w&#243;philiswa umkhonzi wam; 8kuba nam ndingumntu omiswe phantsi kwegunya labanye, ndinamasoldati aphantsi kwam; ndithi kweli, Yiya, liye; kweliya, Yiza, lize; kumkhonzi wam, Yenza oku, akwenze.</div><div class="p"> 9Ezivile ke uYesu ezi zinto, wamangaliswa nguye, waguqukela kwindimbane ebimlandela, wathi, Ndithi kuni, andifumananga lukholo lungaka nakwaSirayeli. 10Abo babethunyiwe babuyela endlwini, bamfumana umkhonzi obengumlwelwe ephilile.</div><div class="s1">Ukuvuswa konyana womhlolokazi waseNayin</div><div class="p"> 11Kwathi ngomhla olandelayo, waya emzini ekuthiwa yiNayin. Kwaye kuhamba naye iqela labafundi bakhe, nendimbane enkulu. 12Ke kaloku, akusondela esangweni lomzi lowo, kwabonakala kuthwalelwa phandle umntu ofileyo, ekuphela konyana ozalwa ngunina; waye yena engumhlolokazi. Yaye nendimbane elingeneyo yomzi inaye. 13Ithe ke iNkosi yakumbona, yasikwa yimfesane ngenxa yakhe, yathi kuye, Musa ukulila. 14Yafika ke yalichukumisa ithala, bema ke ababethwele. Yathi, Ndodana, ndithi kuwe, Vuka. 15Wavuka wahlala umfi lowo, waza ke wathetha. Yamnikela ke kunina.</div><div class="p"> 16Bangenwa ke kukoyika bonke. Babemzukisa uThixo, besithi, Kuvele umprofeti omkhulu phakathi kwethu; besithi, Ubavelele uThixo abantu bakhe. 17Lwaphuma ke olo ludaba lungaye, lwahamba kwelakwaYuda liphela, nakuloo mmandla wonke.</div><div class="s1">UYohane umbhaptizi uthumela abafundi ababini kuYesu</div><div class="r">(UMat. 11:1-19)</div><div class="p"> 18Bazibika kuYohane abafundi bakhe zonke ezi zinto. 19Ebizele kuye babini bathile kubafundi bakhe, uYohane wabathuma kuYesu esithi, Wena ungulowo uzayo na, silinde omnye, sini na? 20Efikile ke kuye amadoda lawo, athi, UYohane umbhaptizi usithume kuwe esithi, Wena ungulowo uzayo na, silinde omnye, sini na?</div><div class="p"> 21Ke kaloku, kwangelo lixa, waphilisa abaninzi kuzo izifo, nakuzo izibetho, nakoomoya abakhohlakeleyo, wathi iimfama ezininzi wazibabala ukubona. 22Waphendula uYesu wathi kuwo, Hambani niye kumbikela uYohane izinto enizibonileyo nenizivileyo; okokuba iimfama zibuya zibone, iziqhwala ziyahamba, abaneqhenqa bayahlanjululwa, izithulu ziyeva, abafileyo bayavuswa, amahlwempu ayazishunyayezwa iindaba ezilungileyo. 23Unoyolo othe akakhutyekiswa ndim.</div><div class="p"> 24Ke kaloku, bakubon' ukuba bemkile abathunywa bakaYohane, waqala wathi kwisihlwele ngaye uYohane, Nay&#233; niphume naya kubona ntoni na entlango? Yaye iyingcongolo na, izanyazanyiswa ngumoya? 25Naye niphume naya kubona ntoni na kodwa? Yaye ingumntu ovethe iingubo ezitofotofo na? Yabonani, abo banxiba iingubo eziqaqambileyo, badle ubuncwane, ngabasezindlwini zookumkani. 26Nay&#233; niphume naya kubona ntoni na kodwa? Yaye igumprofeti na? Ewe, ndithi kuni, n&#243;de wagqithisa kumprofeti. 27Lo ngulowo kubhaliweyo ngaye kwathiwa,</div><div class="b"></div><div class="q1">Niyabona, mna ndiyamthuma umthunywa wam ngaphambi kobuso bakho,</div><div class="q1">Oya kuyilungisa indlela yakho phambi kwakho.</div><div class="qr">(UMal. 3:1)</div><div class="b"></div><div class="m"> 28Kuba ndithi kuni, Akukho namnye, kwabazelweyo ngabafazi, umprofeti omkhulu kunoYohane umbhaptizi; kanti ke nomncinanana kwabanye ebukumkanini bukaThixo, mkhulu kunaye.</div><div class="p"> 29Bathi bonke abantu, bakuva, nababuthi berhafu, bagwebela uThixo, bebhaptiziwe ngobhaptizo lukaYohane. 30Ke bona abaFarisi nabaqondisi-mthetho bazitshitshisela icebo likaThixo, kuba bengabhaptizwanga nguye.</div><div class="p"> 31Ithe ke iNkosi, Ndiya kubafanisa nantoni na ke ngoko abantu besi sizukulwana? 32Bafana nantoni na? Bafana nabantwana abahleli endaweni yembutho, bekhwazana besithi, Sanigwalela, naza nina anaduda; sanihlabela isililo, naza nina analila. 33Kuba uzile uYohane umbhaptizi engadli sonka, engaseli wayini; nithi ke, &#218;nedemon. 34Uzile uNyana woMntu esidla, esela; nithi, Khanibone umntu olidla-kudla, olisela-wayini, umhlobo wababuthi berhafu nowaboni! 35Noko ke ubulumko bugwetyelwe kokuphuma ebantwaneni babo bonke.</div><div class="s1">Umfazi ongumoni uthambisa iinyawo zikaYesu</div><div class="p"> 36Ke kaloku omnye umFarisi ubemcela ukuba adle naye; waza wangena endlwini yomFarisi lowo, wangqengqa. 37Kwabonakala kukho mfazi emzini apho, obengumoni; wathi, &#224;kwazi ukuba uhleli endlwini yomFarisi, wazisa ihlala lelabhastile,&#8226; linamafutha aqholiweyo. 38Wema ezinyaweni zakhe ngasemva, elila; waqala ukuzinyela iinyawo zakhe ngeenyembezi, ezisula ngeenwele zentloko yakhe, ezanga kakhulu iinyawo zakhe, ezithambisa ngamafutha lawo.</div><div class="p"> 39Akukubona ke oko umFarisi lowo ubembizile, wathetha ngaphakathi kwakhe, esithi, Lo mntu, ukuba ube engumprofeti, ange esazi ukuba ngumfazi ongubani na, oluhlobo luni na, lo umchukumisayo; ngokuba ungumoni.</div><div class="p"> 40Waphendula uYesu wathi kuye, Hina, Simon, ndinendawo yokuthetha kuwe. (Athi ke yena, Thetha, Mfundisi.) 41Kwaye kukho mboleki-mali uthile, enabantu ababini abanamatyala kuye; omnye wayenetyala leedenariyo&#8226; ezimakhulu mahlanu, omnye ke zimashumi mahlanu. 42Bakuba ke bengenanto yokuhlawula, usuke wabaxolela bobabini. Khawutsho ke, nguwuphi na kubo oya kumthanda ngokungaphezulu? 43Waphendula uSimon wathi, Ndiba ngulowo uxolelwe ngokungaphezulu. Wathi ke yena kuye, Wahlul&#233; walungisa.</div><div class="p"> 44Wajika wakhangela kumfazi, wathi kuSimon, &#217;yambona na lo mfazi? Ndingen&#233; endlwini yakho, akundinikanga manzi eenyawo zam; ke yena uzinyele iinyawo zam ngeenyembezi, wazisula ngeenwele zentloko yakhe. 45Akundanganga wena; ke yena, kuseloko ndangenayo, akayekanga ukuzanga kakhulu iinyawo zam. 46Intloko yam akuyithambisanga ngaoli; ke yena iinyawo zam uzithambise ngamafutha aqholiweyo. 47Ngenxa yoko ndithi kuwe, Izono zakhe uzixolelwe, bezizininzi; ngokuba &#250;thand&#233; kakhulu; ke yena oxolelwe kancinane, uthanda kancinane. 48Wathi ke kuye, Zixolelwe izono zakho.</div><div class="p"> 49Baqala abo babehleli naye esithebeni ukuthi ngaphakathi kwabo, Ngubani na lo uxolela nezono? 50Uthe ke kumfazi, Ukholo lwakho lukusindisile, hamba ngoxolo.</div>
 </div>
 </div>
</div>

<div class="version vid281 iso6393xho" data-vid="281" data-iso6393="xho">
 <div class="book bkLUK">
 <div class="chapter ch8" data-usfm="LUK.8">
 <div class="label">8</div><div class="s1">Abafazi ababemlungiselela uYesu ngeempahla zabo</div><div class="p"> 1Kwathi emva koko, wayihamba imizi ngemizi, nemizana ngemizana, ezivakalisa ezishumayela iindaba ezilungileyo zobukumkani bukaThixo; babenaye abalishumi elinababini. 2Nabafazi abathile ababephiliswe koomoya abangendawo nasebulwelweni, uMariya okuthiwa ngowaseMagadala, ekwakuphume kuye iidemon zosixhenxe, 3noYohana, umfazi kaKuza, igosa likaHerode, noSusana, nabanye abaninzi; bona babemlungiselela ngeempahla zabo.</div><div class="s1">Umzekeliso womhlwayeli</div><div class="r">(UMat. 13:1-23)</div><div class="p"> 4Ke kaloku, kwakubon' ukuba kuntontelene isihlwele esikhulu, bathi nabemizi ngemizi bawomela kuye. 5Wathi ngomzekeliso, Umhlwayeli waphuma waya kuyihlwayela imbewu yakhe. Ekuhlwayeleni kwakhe yawa enye ngasendleleni, yanyathelwa, zathi iintaka zezulu zayidla zayigqiba. 6Yimbi yawa elulwalweni, yathi isahluma, yatsha ngenxa yokuba ibingenakunyakama. 7Yimbi yawa phakathi kwemithana enameva, yasuka imithana enameva yahluma kunye nayo, yayiminxa. 8Yimbi yawa kuwo wona umhlaba olungileyo, yahluma, yavelisa isiqhamo kalikhulu. Uthe ezithetha ezi zinto, waye edanduluka esithi, Lowo uneendlebe zokuva makeve.</div><div class="p"> 9Baye ke abafundi bakhe bembuza besithi, &#218;ngaba uyintoni na lo mzekeliso? 10Uthe ke yena, Nikuphiwe nina ukuzazi iimfihlelo zobukumkani bukaThixo; ke kwabanye bona kungemizekeliso, ukuze bebona nje bangaboni, besiva nje bangaqondi.</div><div class="p"> 11Ke kaloku umzekeliso nguwo lo: 12Imbewu le lilizwi likaThixo. Abo ke bangasendleleni ngabo bevayo, andule afike uMtyholi, alisuse ilizwi entliziyweni yabo, ukuze bangakholwa basindiswe. 13Abo ke baselulwalweni ngabasakuthi, bakuliva, balamkele ngovuyo ilizwi; aba ke &#224;banangcambu; bona bakholwa umzuzwana, ze bathi ngexa lokuhendwa balahle. 14Leyo ke yawayo emithaneni enameva, ngabo bathi, belivile, bahambe benamaxhala nobutyebi neziyolo zobu bomi, baminxwe, baze bangavelisi siqhamo. 15Ke leyo isemhlabeni omhle, ngabo bona bathi ngentliziyo entle, elungileyo, bakuliva ilizwi, balibambe, bavelise iziqhamo benomonde.</div><div class="s1">Umzekeliso wesibane</div><div class="r">(UMarko 4:21-25)</div><div class="p"> 16Akukho ke uthi, esilumekile isibane, asisibeke ngesitya, athi mhlawumbi asibeke ngaphantsi kwesingqengqelo; usibeka esiphathweni saso, ukuze abo bang&#233;nayo bakubone ukukhanya. 17Kuba akukho nto ifihlakeleyo ingayi kubonakala; kanjalo akukho ifihlakeleyo ingayi kwazeka, ize ekuhl&#233;ni. 18Lumkani ngoko ukuva eniva ngako; kuba osukuba enako, uya kunikwa; nosukuba engenako, uya kuhluthwa noko ngathi unako.</div><div class="s1">Izizalwane zenene zikaYesu</div><div class="r">(UMat. 12:46-50)</div><div class="p"> 19Ke kaloku kwafika kuye unina nabazalwana bakhe, baza &#224;baba nako ukufikelela kuye ngenxa yesihlwele. 20Wabikelwa ke, kusithiwa, Unyoko nabazalwana bakho bemi ngaphandle, befuna ukukubona. 21Waphendula ke yena wathi kubo, Uma nabazalwana bam ngaba bona balivayo ilizwi likaThixo, balenze.</div><div class="s1">UYesu uzolisa uqhwithela</div><div class="r">(UMat. 8:23-27)</div><div class="p"> 22Kwathi ngamhla uthile, waya kungena emkhombeni kwanabafundi bakhe, wathi kubo, Masiwele, siye ngaphesheya kwedike; banduluka ke. 23Ke kaloku, bakubon' ukuba bayahamba ngomkhombe, walala ubuthongo. Kwehla uqhwithela lomoya edikeni apho, waye uzala ngamanzi usengozini.</div><div class="p"> 24Beza ke bamvusa, besithi, Mongameli, Mongameli, satshabalala. Wavuka ke yena, wawukhalimela umoya nokulatyuza kwamaza; zapheza ezo zinto, kwabakho ukuzola. 25Wathi ke kubo, Luphi na ukholo lwenu? Bathe, kuba besoyika, bamangaliswa, besitshono ukuthi, Ngubani na ke lo, le nto ayithethela imimoya kwanamanzi, zimlulamele ezo zinto?</div><div class="s1">Obephethwe ziidemon waseGadara</div><div class="r">(UMat. 8:28-34)</div><div class="p"> 26Bahambela ngomkhombe ezweni laseGadara, elikhangelene nelaseGalili. 27Ke kaloku, akuphumela emhlabeni, kwaqubisana naye indoda ethile iphuma emzini, esekukade ineedemon. Yayingambathi ngubo, ingahlali ndlwini, isuka ihlale emangcwabeni. 28Ithe ke yakumbona uYesu, yakhala kunene, yawa phambi kwakhe, yathi ngezwi elikhulu, Yini na enam nawe, Yesu, Nyana kaThixo Osenyangweni? Ndiya kukhunga ukuba ungandithuthumbisi. 29Kuba ebewuthethele umoya ongcolileyo ukuba uphume emntwini lowo. Kuba bekuba futhi umthi hlasi; wayebotshwa ngemixokelelwane nangamakhamandela, egciniwe; asuke azijace izibophelelo aqhutyelwe yidemon entlango.</div><div class="p"> 30UYesu wambuza ke esithi, Ungubani na igama lakho? Uthe ke yena, NdinguMkhosi; kuba kwakungene kuye iidemon ezininzi. 31Wayembongoza ukuba angazithetheli ziye kungena enzonzobileni. 32Bekukho ke apho ugxuba lweehagu ezininzi, lusidla entabeni; zaye zimbongoza, ukuba azivumele ziye kungena kuzo. 33Wazivumela ke. Ziphumile ke iidemon emtwini lowo, zangena ezihagwini; lwaza ugxuba olo lwaphaphatheka, lwehla eweni, lwela edikeni, lwarhaxwa.</div><div class="p"> 34Bakukubona ke okuhlileyo abo babezalusa, basaba, baya babika ekhaya nasemaphandleni. 35Baphuma ke abantu, baya kukubona okuhlileyo; beza kuYesu, bamfumana ehleli umntu lowo, beziphume kuye iidemon, ambathisiwe, enengqondo ephilileyo, engasezinyaweni zikaYesu; baza boyika. 36Bathi ke nabo babonileyo, bababikela ukuba uthiweni na ukuphiliswa obephethwe ziidemon. 37Yamcela yonke inkitha yommandla wabaseGadara, ukuba emke kubo; ngokuba babebanjwe kukoyika okukhulu. Uthe ke yena, engene emkhombeni, wabuya.</div><div class="p"> 38Ke kaloku indoda leyo, zaye ziphume kuyo iidemon, yayimkhunga ukuba ibe naye. Ke yena uYesu wayindulula, esithi, 39Buyela endlwini yakho, ubacacisele oko zingako izinto uThixo akwenzele zona. Yemka, yavakalisa kuwo wonke umzi oko zingako izinto uYesu ayenzele zona.</div><div class="s1">Intombi kaYayiro. Intokazi eyayinethombo legazi</div><div class="r">(UMat. 9:18-26)</div><div class="p"> 40Kwathi ke kaloku, ekubuyeni kukaYesu, zamamkela izihlwele; kuba bonke babemlindile. 41Kwabonakala kusiza indoda egama linguYayiro; yaye yona ingumphathi wendlu yesikhungu. Yawa ezinyaweni zikaYesu, yayimbongoza ukuba eze endlwini yayo. 42Kuba yabe inentombi, iyizala inye, eminyaka ngathi ilishumi linamibini izelwe; yaye yona iqhawuka. Ke kaloku, ekuyeni kwakhe apho, izihlwele bezimxinile.</div><div class="p"> 43Nentokazi eyayinethombo legazi iminyaka elishumi linamibini, eyayithe yona phezu koko yadleka impahla yayo iphela ngamagqirha, ayaba nako ukuphiliswa bani, 44yeza ngasemva, yachukumisa umqukumbelo wengubo yakhe, lee qoko kwangoko ithombo legazi layo.</div><div class="p"> 45Wathi uYesu, Ngubani na lo undichukumisileyo? Bakuba bekhanyela bonke, wathi uPetros nabo babenaye, Mongameli, izihlwele zikuxina, zikukhandanisa nje, &#249;thi na, Ngubani na lo undichukumisileyo? 46Uthe ke uYesu, &#218;kho ondichukumisileyo; kuba mna ndiyawazi amandla aphumileyo kum.</div><div class="p"> 47Ithe ke intokazi leyo, yakubona ukuba ayifihlakele, yeza igubha, yawa phambi kwakhe, yaxela emehlweni abo bonke abantu, ukuba bekungasizathu sini na ebimchukumisile, nokuphiliswa kwayo kwangoko. 48Uthe ke yena kuyo, Yomelela, ntombi yam, ukholo lwakho lukuphilisile; hamba ngoxolo.</div><div class="p"> 49Kuthi, esathetha, kufike othile, evela kwamphathi-ndlu yesikhungu, esithi kuye, Ibhubhile intombi yakho; musa ukumkhathaza uMfundisi. 50Ekuvile ke oko uYesu, umphendule wathi, Musa ukoyika; kholwa wena kuphela, yosindiswa.</div><div class="p"> 51Ke kaloku, engenile endlwini, akavumelanga mntu ukuba angene naye, kwaba kuphela nguPetros, noYohane, noYakobi, noyise wentombi, nonina. 52Baye ke bonke belila, beyimbambazelela. Wathi ke yena, Musani ukulila; ayifile, ilele nje kodwa. 53Basuka bamwa ngeentsini, besazi ukuba ifile. 54Uthe ke yena, wabakhuphela phandle bonke, wayibamba ngesandla, wabiza esithi, Ntombi, vuka. 55Wabuya umoya wayo, yesuka yema kwangoko; wamisa ukuthi mayinikwe into, idle. 56Besuka abazali bayo bathi nqa; wabathethela ukuba bangakuxeleli bani okuhlileyo.</div>
 </div>
 </div>
</div>

ULukaIsampulu

IsiBhalo

Malunga nesi Sicwangciso

Izicwangciso eziyeleleneyo