Imizekeliso

IE Ngokulandelelana kweziganeko

IZIBHALO EZINGCWELE

<div class="version vid281 iso6393xho" data-vid="281" data-iso6393="xho">
 <div class="book bkLUK">
 <div class="chapter ch9" data-usfm="LUK.9.37+LUK.9.38+LUK.9.39+LUK.9.40+LUK.9.41+LUK.9.42+LUK.9.43+LUK.9.44+LUK.9.45+LUK.9.46+LUK.9.47+LUK.9.48+LUK.9.49+LUK.9.50+LUK.9.51+LUK.9.52+LUK.9.53+LUK.9.54+LUK.9.55+LUK.9.56+LUK.9.57+LUK.9.58+LUK.9.59+LUK.9.60+LUK.9.61+LUK.9.62">
 <div class="p">37Ke kaloku kuthe ngomhla olandelayo, bakubon' ukuba bahlile entabeni, wahlangatyezwa sisihlwele esikhulu. 38Kwabonakala kuvela indoda esihlweleni apho, yankqangaza isithi, Mfundisi, ndiyakukhunga, mbone unyana wam; kuba ndimzele wamnye. 39&#217;yabona, uthatyathwa ngumoya, akhale kwangesiquphe, umbethe athi xhwenene, ade alephuze amagwebu; uze uthi, umqobile, umke kuye ngenkankulu. 40Ndabakhunga ke abafundi bakho ukuba bawukhuphe; ababa nako.</div><div class="p"> 41Waphendula uYesu wathi, Sizukulwanandini singakholwayo, sigwenxa, koda kube nini na ndikuni, ndininyamezele? Mzise apha unyana wakho. 42Akubon' ukuba useza ke, isuke idemon yamntlala, yambetha, wathi xhwenene kunene. Wawukhalimela ke uYesu umoya ongcolileyo, waphilisa umntwana, wambuyisela kuyise. 43Bakhwankqiswa ke bonke bubungangamela bukaThixo.</div><div class="s1">UYesu okwesibini ukuxela kwangaphambili ukufa kwakhe</div><div class="r">(UMat. 17:22,23)</div><div class="p">Bakubon' ukuba bamangalisiwe bonke zizinto zonke awazenzayo uYesu, wathi kubafundi bakhe, 44Wabekeleni nina iindlebe la mazwi; kuba uNyana woMntu uza kunikelwa ezandleni zabantu. 45Kodwa bona babengaliqondi eli lizwi; laye lifihliwe kubo, ukuze bangaliboni. Babesoyika nokumbuza ngalo eli lizwi.</div><div class="s1">Oyena mkhulu ebukumkanini bamazulu</div><div class="r">(UMat. 18:1-3)</div><div class="p"> 46Ke kaloku kwangena ukucamanga phakathi kwabo kokuthi, angaba ngubani na omkhulu phakathi kwabo. 47Ekubonile ke uYesu ukucamanga kwentliziyo yabo, uthabathe umntwanana, wammisa ngakuye. 48Wathi kubo, Othe wamamkela lo mntwanana egameni lam, wamkela mna; nothe wamkela mna, wamkela lowo wandithumayo. Kuba lowo umncinane phakathi kwenu nonke, ngoyena mkhulu.</div><div class="s1">Ongachaseneyo nathi ungecala lethu</div><div class="r">(UMarko 9:38-41)</div><div class="p"> 49Waphendula uYohane wathi, Mongameli, sabona othile ekhupha iidemon egameni lakho; samalela, ngokuba engalandelani nathi. 50Wathi uYesu kuye, Musani ukumalela; kuba ongachasene nathi, ungecala lethu.</div><div class="s1">AmaSamariya akamamkeli uYesu</div><div class="p"> 51Ke kaloku kwathi, yakuzaliseka imihla yokunyuselwa kwakhe phezulu, wazimisela ngokuqinileyo ukuya eYerusalem. 52Wathuma abathunywa phambi kobuso bakhe; behambile ke, bangena emzaneni wamaSamariya ukuba bamlungiselele. 53Akamamkela, ngokuba ubuso bakhe bebubheke eYerusalem.</div><div class="p"> 54Bekubonile ke oko abafundi bakhe, ooYakobi noYohane bathe, Nkosi, uyafuna na ukuba sitsho, kuhle umlilo ezulwini, ubatshise kuphele, njengoko noEliya wenjenjalo? 55Wathi guququ, wabakhalimela wathi, Anazi ukuba ningabomoya onjani na; 56kuba uNyana woMntu eng&#224;ze kutshabalalisa miphefumlo yabantu, uz&#233; kusindisa. Baza baya mzaneni wumbi.</div><div class="s1">Ukulandela uYesu</div><div class="r">(UMat. 8:18-23)</div><div class="p"> 57Kwathi ke, bakubon' ukuba bayahamba ngendlela, wathi othile kuye, Ndiya kukulandela, apho uthe waya khona, Nkosi. 58Waza uYesu wathi kuye, Iimpungutye zinemingxuma, neentaka zezulu zineendawo zokuhlala; ke yena uNyana woMntu akanayo nendawo angalalisa kuyo intloko yakhe.</div><div class="p"> 59Wathi ke kuwumbi, Ndilandele. Uthe ke yena, Nkosi, ndivumele khe ndimke, ndiye kungcwaba ubawo kuqala. 60Wathi ke uYesu kuye, Bayeke abafileyo, bangcwabe abafileyo babo; ke wena hamba uye kushumayela ubukumkani bukaThixo.</div><div class="p"> 61Wathi ke nomnye, Ndiya kukulandela, Nkosi; kodwa ndivumele kuqala, khe ndiye kubulisa abo basendlwini yam. 62Uthe ke uYesu kuye, Akukho namnye usibekileyo isandla sakhe epuluweni, abe emana ekhangela kokusemva, ubulungeleyo ubukumkani bukaThixo.</div>
 </div>
 </div>
</div>

Funda iTestamente eNtsha iphelaIsampulu

IsiBhalo

Malunga nesi Sicwangciso

Izicwangciso eziyeleleneyo

Imizekeliso

IE Ngokulandelelana kweziganeko