Imizekeliso

IE Ngokulandelelana kweziganeko

<div class="version vid281 iso6393xho" data-vid="281" data-iso6393="xho">
 <div class="book bkMAT">
 <div class="chapter ch8" data-usfm="MAT.8">
 <div class="label">8</div><div class="s1">Oneqhenqa uyaphiliswa</div><div class="r">(UMarko 1:40-45; uLuka 5:12-14)</div><div class="p"> 1Ke kaloku, akuhla entabeni apho, walandelwa ngabantu abaninzi.</div><div class="p"> 2Nanko kusiza oneqhenqa, waqubuda kuye, esithi, Nkosi, ukuba uyathanda, unako ukundihlambulula. 3Wasolula isandla uYesu, wamchukumisa, esithi, Ndiyathanda, hlambuluka. Lahlambuluka kwaoko iqhenqa lakhe. 4Athi uYesu kuye, Lumka angaxeleli bani; hamba uye kuzibonisa kumbingeleli, usondeze umnikelo awamisa wona uMoses, ube bubungqina kubo.</div><div class="s1">Ukuphiliswa kwesicaka somthetheli-khulu</div><div class="r">(ULuka 7:1-10)</div><div class="p"> 5Ke kaloku, akubon' ukuba uYesu ungene eKapernahum, kweza kuye umthetheli-khulu embongoza, 6esithi, Nkosi, isicaka sam silele ngendlu, sinedumbe, sithuthunjelwa ngokoyikekayo. 7Athi uYesu kuye, Ndoza ndisiphilise mna. 8Waphendula umthetheli-khulu, wathi, Nkosi, andikulingene ukuba ude ungene phantsi kophahla lwam; thetha ilizwi lodwa, sophiliswa isicaka sam. 9Kuba nam ndingumntu ophantsi kwegunya labanye, ndinamasoldati phantsi kwam; ndithi kweli, Yiya, liye; kweliya, Yiza, lize; kwisicaka sam, Yenza oku, sikwenze.</div><div class="p"> 10Evile ke uYesu wamangaliswa, wathi kwabalandelayo, Inene ndithi kuni, andifumananga lukholo lungaka nakwaSirayeli. 11Ndithi ke kuni, Baninzi abaya kufika bevela empumalanga nasentshonalanga, bangqengqe ndawonye noAbraham noIsake noYakobi ebukumkanini bamazulu. 12Kodwa bona abantwana bobukumkani baya kukhutshelwa emnyameni ongaphandle; khona apho kuya kubakho ukulila nokutshixiza kwamazinyo. 13Waza wathi uYesu kumthetheli-khulu, Hamba ke, makwenzeke kuwe ngokokholo lwakho. Saphiliswa kwangalo elo lixa isicaka sakhe.</div><div class="s1">Umkhwekazi kaPetros nabanye abaninzi bayaphiliswa</div><div class="r">(UMarko 1:29-34; uLuka 4:38-41)</div><div class="p"> 14Ke kaloku uYesu wangena endlwini kaPetros, wabona umkhwekazi wakhe elele, esifa yicesina. 15Waza wachukumisa isandla sakhe, yamyeka icesina; wavuka ke, wabalungiselela.</div><div class="p"> 16Kuthe ke kwakuhlwa, kwaziswa kuye into eninzi yabaphethwe ziidemon; wabakhupha oomoya abo ngelizwi, wathi nabo bonke abafayo wabaphilisa; 17ukuze kuzaliseke okwathethwayo ngoIsaya umprofeti, esithi, Yena ngokwakhe wabuthabatha ubulwelwe bethu, wazithwala izifo zethu.</div><div class="qr">(UIsaya 53:4)</div><div class="s1">Ukulandelwa kukaYesu</div><div class="r">(ULuka 9:57-62)</div><div class="p"> 18Uthe ke uYesu, akubona abantu abaninzi bemphahlile, wathi makumkiwe kuyiwe ngaphesheya.</div><div class="p"> 19Kweza mbhali uthile, wathi kuye, Mfundisi, ndiya kukulandela apho ungaya khona. 20Athi uYesu kuye, Iimpungutye zinemingxuma, neentaka zezulu zineendawo zokuhlala; yena uNyana woMntu akanandawo apho angalalisa khona intloko. 21Uthe ke omnye wabafundi bakhe kuye, Nkosi, ndivumele ndiye kungcwaba ubawo kuqala. 22Wathi ke uYesu kuye, Landela mna, ubayeke abafileyo bangcwabe abafileyo babo.</div><div class="s1">Ukuzoliswa koqhwithela</div><div class="r">(UMarko 4:35-41; uLuka 8:22-25)</div><div class="p"> 23Engenile ke emkhombeni, bamlandela abafundi bakhe. 24Kwasuka kwabakho uqhwithela olukhulu elwandle, ngokokude umkhombe ugutyungelwe ngamaza; waye ke yena elele ubuthongo. 25Beza abafundi bakhe bamvusa, besithi, Nkosi, sisindise, satshabalala! 26Athi kubo, Yini na ukuba nibe ngamagwala, bantundini balukholo luncinane? Waza wavuka, wayikhalimela imimoya nolwandle; kwabakho ukuzola okukhulu. 27Bamangaliswa ke abantu abo, besithi, Ngumntu mni na lo, le nto alulanyelwayo nayimimoya nalulwandle?</div><div class="s1">Abaphethwe ziidemon baseGadara</div><div class="r">(UMarko 5:1-20; uLuka 8:26-39)</div><div class="p"> 28Kuthe akufika ngaphesheya, ezweni lamaGergasi, kwaqubisana naye abantu ababini abaphethwe ziidemon, bephuma emangcwabeni, belugcalagcala, kwada kwayinkohla ukuba kudlule umntu ngaloo ndlela. 29Basuka bakhala besithi, Yintoni na enathi nawe, Yesu, Nyana kaThixo? Apha uz&#233; kusithuhumbisa na phambi kwelona xesha?</div><div class="p"> 30Bekukho ke mgama kubo ugxuba olukhulu lweehagu lusidla. 31Zaye ke iidemon zimbongoza, zisithi, Ukuba uyasikhupha, sivumele siye kungena elugxubeni lweehagu oluya. 32Wathi kuzo, Yiyani. Zaphuma ke, zaya kungena elugxubeni lweehagu; lwasuka lonke ugxuba lweehagu lwaphaphatheka, lwehla eweni, lw&#233;la elwandle; zatshabalala emanzini.</div><div class="p"> 33Bathe ke abo babezal&#250;sa basaba, baya ekhaya, babika into yonke, kwanendawo yababephethwe ziidemon. 34Wasuka wonke umzi waphuma, waya kumhlangabeza uYesu; bathi bakumbona, bambongoza ukuba agqithe kuloo mida yabo.</div>
 </div>
 </div>
</div>

Funda iTestamente eNtsha iphelaIsampulu

IsiBhalo

Malunga nesi Sicwangciso

Izicwangciso eziyeleleneyo

Imizekeliso

IE Ngokulandelelana kweziganeko