Imizekeliso

IE Ngokulandelelana kweziganeko

IZIBHALO EZINGCWELE

<div class="version vid281 iso6393xho" data-vid="281" data-iso6393="xho">
 <div class="book bkACT">
 <div class="chapter ch21" data-usfm="ACT.21.15+ACT.21.16+ACT.21.17+ACT.21.18+ACT.21.19+ACT.21.20+ACT.21.21+ACT.21.22+ACT.21.23+ACT.21.24+ACT.21.25+ACT.21.26+ACT.21.27+ACT.21.28+ACT.21.29+ACT.21.30+ACT.21.31+ACT.21.32+ACT.21.33+ACT.21.34+ACT.21.35+ACT.21.36+ACT.21.37+ACT.21.38+ACT.21.39+ACT.21.40">
 <div class="p">15Ke kaloku emva kwezo ntsuku, sabopha impahla, senyuka saya eYerusalem. 16Kwahamba ke nathi abathile nakubafundi abavela eKesareya, besisa thina kuMnaso waseSipro, obengumfundi kwakudala, esaba lundwendwe lwakhe.</div><div class="s1">Umzamo kaPawulos wokwakha imvisiswano namaKristu angamaYuda</div><div class="p"> 17Ke kaloku, sakufika eYerusalem, basamkela ngovuyo abazalwana. 18Ngengomso ke, uPawulos wangena kunye nathi kuYakobi; ayekho namadoda amakhulu onke. 19Ubabulisile, wamana ebacacisela zonke ngazinye izinto awazenzayo uThixo phakathi kweentlanga, ngalo ulungiselelo lwakhe.</div><div class="p"> 20Bathe ke bona bakukuva oko, bayizukisa iNkosi, batsho nokuthi kuye, Uyabona, mzalwana, oko angako amawakawaka amaYuda akholiweyo; abe ke onke ewuzondelele umthetho. 21Atyelwe ke ngawe, ukuba uyawafundisa onke amaYuda aphakathi kweentlanga, ukuba ahlukane noMoses, usithi, makangabalusi abantwana bawo, angahambi ngawo amasiko. 22Kuthiweni na ke? Kakade kuya kuhlanganisana inkitha; kuba aya kuva ukuba &#249;fikile. 23Ngoko yenza le nto sikuxelela yona: kukho kuthi apha amadoda aman&#233;, anesibambiso azibophe ngaso; 24wathabathe ke, uzenze nyulu kunye nawo, ube nokudleka ngenxa yawo, ukuze agugule iintloko; bazi bonke ukuba ezo nto bazityelweyo ngawe azilutho, nawe ngokwakho uhambe uwugcinile umthetho. 25Kodwa ngazo iintlanga ezikholiweyo, sabhala sagqiba kwelokuba zingabambi nto injalo; kuphela ibe kukuzigcina entweni ebingelelwe izithixo, nasegazini, nasentweni ekrwitshiweyo, nasembulweni.</div><div class="p"> 26Wandula uPawulos wawathabatha ke amadoda lawo, wathi ngengomso, ezenze nyulu kunye nawo, wangena etempileni, eqondisisa inzaliseko yeentsuku zokwenza nyulu, ude usondezwe umnikelo ngenxa yabo bonke ngabanye.</div><div class="s1">Isaqunge eYerusalem nokubanjwa kukaPawulos</div><div class="p"> 27Ke kaloku, xa iintsuku ezisixhenxe ezo beziza kuphela, athi amaYuda avela kwelaseAsiya, akumbona etempileni, asidubaduba sonke isihlwele, amsa izandla, enkqangaza esithi, 28Madoda, maSirayeli, sizani. Nanku lo mntu ufundisa bonke ezindaweni zonke okuchasene nabantu, nomthetho, nale ndawo; othe ngaphezu koko wawangenisa amaGrike etempileni, wayenza inqambi le ndawo ingcwele. 29Kuba abebone ngeenxa engaphambili uTrofimo wase-Efese, ndawonye naye phakathi komzi; abeba uPawulos umngenise etempileni.</div><div class="p"> 30Washukuma umzi uphela, babalekela ndawonye abantu; bamthabatha uPawulos, bamrholela ngaphandle kwetempile; zavalwa kwaoko iingcango. 31Ke kaloku, xa babeza kumbulala, lwafika udaba kumthetheli-waka webutho, lokuba iYerusalem iphela idubadubekile; 32owathi kwangelo lixa wathabatha amasoldati nabathetheli-khulu, wabaleka, wehla waya kubo. Bakumbona ke umthetheli-waka namasoldati, bayeka ukumbetha uPawulos.</div><div class="p"> 33Waza wasondela umthetheli-waka, wambamba, wathi makakhonkxwe ngemixokelelwane emibini; wayebuza ukuba angaba ungubani na, nokuthi wenze ntoni na. 34Abanye ke phakathi kwesihlwele babhomboloza enye into, abanye enye. Akuba engenako ke ukuyazi inyaniso ngenxa yesiphithiphithi, wathi makasiwe enqabeni yomkhosi. 35Xeshikweni wafikayo ke kumatye okunyuka, usuke wathwalwa ngamasoldati, ngenxa yamandla esihlwele; 36kuba yayilandela inkitha yabantu, inkqangaza isithi, Msuseni.</div><div class="p"> 37Xa ke wayeza kungeniswa enqabeni yomkhosi, wathi uPawulos kumthetheliwaka, Kuvumelekile na ukuba ndithethe into kuwe? Wathi ke yena, Uyasazi na isiGrike? 38Akunguye na kanene laa mYiputa, wathi phambi kwale mihla wenza isaqunge, wakhukulisela entlango laa madoda angamawaka aman&#233; azizigebenga? 39Uthe ke yena uPawulos, Mna ndingumntu ongumYuda waseTarso, umntu okowabo lingumzi ongadume ngako welaseKiliki; ndiyakucela ke, ndivumele ndikhe ndithethe kubo abantu. 40Ke kaloku, akubon' ukuba umvumele, wema uPawulos ematyeni okunyuka, wawangawangisa ngesandla kubo abantu. Kwakuthiwa cwaka kakhulu, wadanduluka ngentetho yesiHebhere, esithi:</div>
 </div>
 </div>
</div>

Funda iTestamente eNtsha iphelaSample

IsiBhalo

Malunga nesi Sicwangciso

Related Plans

Imizekeliso

IE Ngokulandelelana kweziganeko