IMIZEKELISO 14:29-33
IMIZEKELISO 14:29-33 IZIBHALO EZINGCWELE (XHO75)
Ozeka kade umsindo unengqondo eninzi; Ke yena ozekanekayo ucaphula ukumatha. Bubomi benyama intliziyo epholileyo; Ke lona ikhwele yimpehla emathanjeni. Ocudisa isisweli ungcikiva uMenzi waso; Olibabalayo ihlwempu uyamzukisa. Ongendawo uyangqulwa bububi bakhe; Ke ilungisa linehlathi ekufeni kwalo. Entliziyweni yonengqondo buyaphumla ubulumko; Ke embilinini wesinyabi buyazazisa.
IMIZEKELISO 14:29-33 IBHAYIBHILE (XHO96)
Umntu onomonde uba nengqiqo; kambe ke yena ocaphuka msinya usuka enze ubudenge. Umntu ozolileyo uba nempilo; ke lona ikhwele yimpehla emathanjeni. Umntu ocinezela ihlwempu ugxeka uMdali walo; ke yena obalungiselelayo abahlelelekileyo udumisa uMdali. Umntu okhohlakeleyo ubhangiswa bububi bakhe; kanti ke yena olilungisa unenqaba azimela ngayo nasekufeni. Ubulumko busekhaya kumntu obhadlileyo; kanti buyazibika naphakathi kweziyatha.
IMIZEKELISO 14:29-33 Contemporary Xhosa Bible 2024 (CXB24)
Ozeka kade umsindo unengqondo eninzi; Bubomi benyama intliziyo epholileyo; Inomona ke wona ukubola kwamathambo. Ocudisa isisweli ukhanyela uMdali wakhe; Ke yena omhlonelayo unenceba kumahlwempu. Ongendawo utshatyalaliswa bububi bakhe; Ke lona ilungisa lilinda ukufa kwalo. Entliziyweni yonengqondo buyahlala ubulumko; Ke yona intliziyo yesinyabi iyaziwa.
IMIZEKELISO 14:29-33 Incwadi Yeziba̔lo Ezingcwele 1864, 1902 (Xhosa Appleyard) (XHO1902A)
Oqumba kade unokuqonda okukulu; kodwa oqumba msinya uyapakamisa ubugeza. Intliziyo elulamileyo ibubomi benyama; kodwa umona ukukubola kwamatambo. Obandezelayo ihlwempu, uyamtuka umenzi walo; kodwa uyambeka, owenza ngofefe kosweleyo. Okohlakeleyo uyagxotwa esekukohlakaleni kwake; kodwa olungileyo unetemba ekufeni kwake. Ubulumko buyapumla entliziyweni yonokuqonda; kodwa okupakati kwazo izidenge kuya kwaziwa.