ULUKA 21:25-38
ULUKA 21:25-38 IZIBHALO EZINGCWELE (XHO75)
Kuya kubakho imiqondiso elangeni nasenyangeni nasezinkwenkwezini; nasemhlabeni kubekho ukuxinezeleka kweentlanga, zithingaza; lugquma ulwandle namaza; abantu besifa kukoyika nakukulindela izinto ezilizelayo elimiweyo; kuba amandla ezulu aya kuzanyazanyiswa. Baya kwandula ke ukumbona uNyana woMntu, esiza ngelifu, enamandla nobuqaqawuli obukhulu. Ke kaloku, zakubon' ukuba ezi zinto ziyaqala ukuhla, sukani nime, niziphakamise iintloko zenu, ngenxa yokuba iyasondela inkululeko yenu. Wathetha umzekeliso kubo, wathi, Wukhangeleni umkhiwane nemithi yonke; xa iselithe yavelisa amagqabi, niyabona nazi ngokwenu ukuba ihlobo selikufuphi. Kwangokunjalo nani, xa nithe nazibona ezi zinto zisihla, yazini ukuba bukufuphi ubukumkani bukaThixo. Inene ndithi kuni, Asiyi kukha sidlule esi sizukulwana, zide zihle zonke ezi zinto. Liya kudlula izulu nehlabathi; ke wona amazwi am akasayi kudlula. Zilumkeleni ke, hleze zisindwe iintliziyo zenu kukuzingxala, nakukunxila, nangamaxhala obu bomi, ize loo mini inifikele ngebhaqo. Kuba iya kubazela njengomgibe bonke abahleliyo phezu kwehlabathi lonke. Phaphani ngoko, amaxesha onke nikhunga, ukuze kuthiwe nikufanele ukuzisaba zonke ezo zinto ziza kuhla, nokumiswa phambi koNyana woMntu. Ke kaloku, emini ebefundisa etempileni; athi ngobusuku aphume, aye kulala entabeni ekuthiwa yeyemiNquma. Bonke ke abantu babesiza kuye kwakusasa etempileni, ukuba beve ukuthetha kwakhe.
ULUKA 21:25-38 IZIBHALO EZINGCWELE (XHO75)
Kuya kubakho imiqondiso elangeni nasenyangeni nasezinkwenkwezini; nasemhlabeni kubekho ukuxinezeleka kweentlanga, zithingaza; lugquma ulwandle namaza; abantu besifa kukoyika nakukulindela izinto ezilizelayo elimiweyo; kuba amandla ezulu aya kuzanyazanyiswa. Baya kwandula ke ukumbona uNyana woMntu, esiza ngelifu, enamandla nobuqaqawuli obukhulu. Ke kaloku, zakubon' ukuba ezi zinto ziyaqala ukuhla, sukani nime, niziphakamise iintloko zenu, ngenxa yokuba iyasondela inkululeko yenu. Wathetha umzekeliso kubo, wathi, Wukhangeleni umkhiwane nemithi yonke; xa iselithe yavelisa amagqabi, niyabona nazi ngokwenu ukuba ihlobo selikufuphi. Kwangokunjalo nani, xa nithe nazibona ezi zinto zisihla, yazini ukuba bukufuphi ubukumkani bukaThixo. Inene ndithi kuni, Asiyi kukha sidlule esi sizukulwana, zide zihle zonke ezi zinto. Liya kudlula izulu nehlabathi; ke wona amazwi am akasayi kudlula. Zilumkeleni ke, hleze zisindwe iintliziyo zenu kukuzingxala, nakukunxila, nangamaxhala obu bomi, ize loo mini inifikele ngebhaqo. Kuba iya kubazela njengomgibe bonke abahleliyo phezu kwehlabathi lonke. Phaphani ngoko, amaxesha onke nikhunga, ukuze kuthiwe nikufanele ukuzisaba zonke ezo zinto ziza kuhla, nokumiswa phambi koNyana woMntu. Ke kaloku, emini ebefundisa etempileni; athi ngobusuku aphume, aye kulala entabeni ekuthiwa yeyemiNquma. Bonke ke abantu babesiza kuye kwakusasa etempileni, ukuba beve ukuthetha kwakhe.
ULUKA 21:25-38 IBHAYIBHILE (XHO96)
“Kuya kubakho imiqondiso elangeni nasenyangeni nasezinkwenkwezini; emhlabeni kubekho iintlanga ezicinezelekileyo, zididekile kukugquma kolwandle namaza. Abantu boba besifa luloyiko, bexhalabele izinto ezilifikelayo ihlabathi, kuba konke okunamandla esibhakabhakeni kodunga-dungeka. Baya kumbona ke *uNyana woLuntu esiza ngelifu, enamandla nobuqaqawuli obukhulu. Ke kaloku zakuqala ukubakho ezi zinto, yimani nkqo, niphakamise iintloko zenu, kuba isondele inkululeko yenu.” Wabenzela umzekeliso uYesu, esithi: “Khangelani umkhiwane nayo yonke imithi. Xa seyivelisa amagqabi, nithi nakukubona oko, nazi ukuba ihlobo lithwasile. Kwangokunjalo nani, xa nithe nazibona ezi zinto zisenzeka, yazini ukuba ulawulo lukaThixo lusemnyango. “Ndithi kuni, inene, asiyi kudlula esi sizukulwana zingadanga zenzeke zonke ezi zinto. Liya kudlula izulu nehlabathi; ke wona amazwi am akasayi kuze adlule.” “Zilumkeleni ke, hleze iintliziyo zenu zenziwe buthuntu buburhovu, nakukunxila, nangamaxhala obu bomi, ize loo mini inifikele ngebhaqo; kuba iya kubafikela ngokomgibe bonke abahleliyo phezu kwehlabathi lonke. Ke ngoko phaphamani maxa onke, nikhunga, ukuze nibe namandla okuziphepha zonke ezi zinto ziza kwenzeka, nize nibe nokuma phambi *koNyana woLuntu.” Ke kaloku emini uYesu ebefundisa *endlwini kaThixo, athi ngokuhlwa aye kulala eNtabeni yemiNquma. Kwakusasa bonke abantu babesiza kumphulaphula endlwini kaThixo.
ULUKA 21:25-38 Contemporary Xhosa Bible 2024 (CXB24)
Kuya kubakho imiqondiso elangeni nasenyangeni nasezinkwenkwezini; nasemhlabeni kubekho ukuxinezeleka kweentlanga, zithingaza; kugquma ulwandle namaza; Abantu besifa kukoyika nakukulindela izinto ezilizelayo elimiweyo; kuba amandla ezulu aya kuzanyazanyiswa. Baya kumbona ke ngelo xesha uNyana woMntu esiza ngelifu, enamandla nobuqaqawuli obukhulu. Ke kaloku, zakubon’ ukuba ezi zinto ziyaqala ukuhla, sukani nime, niziphakamise iintloko zenu; kuba iyasondela inkululeko yenu. Ke kaloku wathetha umzekeliso kubo; Wukhangele umkhiwane nemithi yonke; xa iselithe yavelisa amagqabi, niyabona nazi ngokwenu ukuba ihlobo selikufuphi. Kwangokunjalo nani, xa nithe nazibona ezi zinto zisihla, yazini ukuba bukufuphi ubukumkani bukaThixo. Inene ndithi kuni, Asisayi kudlula esi sizukulwana, zide zihle zonke ezi zinto. Liya kudlula izulu nehlabathi, kodwa amazwi am akayi kudlula. Zilumkeleni ke, hleze zisindwe iintliziyo zenu kukuzingxala, nakukunxila, nangamaxhala obu bomi, ize loo mini inifikele ngebhaqo. Kuba iya kubazela njengomgibe bonke abahleli phezu kwehlabathi lonke. Phaphani ngoko, amaxesha onke nikhunga, ukuze kuthiwe nikufanele ukuzisaba zonke ezo zinto ziza kuhla, nokumiswa phambi koNyana woMntu. Ke kaloku, emini ebefundisa etempileni; waphuma ebusuku, waya wahlala entabeni ekuthiwa yeyemiNquma. Baye bonke abantu besiza kuye kwakusasa etempileni, ukuba bamve.
ULUKA 21:25-38 Incwadi Yeziba̔lo Ezingcwele 1864, 1902 (Xhosa Appleyard) (XHO1902A)
Kwakuya kubako imiqondiso elangeni, nasenyangeni, nasezinkwenkwezini; napezu kwomhlaba usizi olunzima lwentlanga ekuxakekeni; lugquma ulwandle namaza; zibohla intliziyo zabantu ngokwoyika nokukangela izinto ezizayo emhlabeni: ngokuba amandla asezulwini eya kuzanyazanyiswa. Bandule ukubona unyana wesintu esiza elifini, enamandla nobungcwalisa obukulu. Kekaloku zakuba ezizinto ziqala ukuhla, bekani pezulu, nipakamise intloko zenu; ngokokuba kusondela ukukululwa kwenu. Waza wateta umzekeliso kubo: Kangelani umkiwane, nayo yonke imiti. Xeshekweni isel’ itwasa, niyabona nazi ngokwenu ukuba lise likufupi ihlobo: kwa njalo nani, xeshekweni nibona ezizinto zisihla, yazini ukuba bukufupi ubukumkani BUKATIXO. Ngokwenene nditi kuni: Asiyi kuza sidlule isizukulwana esi, zingekenzekanga zonke. Kwodlula izulu nomhlaba; kodwa amazwi am akayi kuza adlule. Zilumkeleni ke, hleze kezenzwe nzima intliziyo zenu ngokudikwa, nangokunxila, nangezitukutezi zobubomi, ize iti imini leyo inifikele ngokwalama: ngokuba njengomgibe iya kuza pezu kwabo bonke abahleli pezu kwobuso bomhlaba wonke. Papamani ngoko ngamaxesha onke nitandaza, ukuze nibalwe ngokuba nifanele ukusinda kwezizinto zonke eziza kuhla, nokuma pambi kwake unyana wesintu. Waye kekaloku ngemini efundisa etempileni; wati ngobusuku epuma walalisa entabeni ebizwa ngokuti yeyeminquma. Baye bonke abantu besiza kusasa kuye etempileni, ukuza kumva.