KWABASEKOLOSE 3:16-17
KWABASEKOLOSE 3:16-17 IBHAYIBHILE (XHO96)
Maluhlale ngokupheleleyo ezintliziyweni zenu udaba lukaKrestu. Fundisanani, niyalane ngobulali. Culani iindumiso, nihlabele amaculo, nivuma iingoma zoMoya, nibulela uThixo ngentliziyo. Nantoni na ke eniyenzayo, nokuba niyathetha, nokuba niyenza, yenzeleni egameni leNkosi uYesu, nibulela uThixo uYise ngayo.
KWABASEKOLOSE 3:16-17 IZIBHALO EZINGCWELE (XHO75)
Ilizwi likaKristu malihlale ngaphakathi kwenu ngokobutyebi; nifundisana, nilulekana ngabo bonke ubulumko; nithi, ngeendumiso neengoma nezango ezizezomoya, nivume kamnandi entliziyweni yenu kuyo iNkosi. Nako konke enisukuba nikwenza ngelizwi, nokuba kungomsebenzi, yenzani izinto zonke egameni leNkosi uYesu, nibulela ngayo kuye uThixo uYise.
KWABASEKOLOSE 3:16-17 Contemporary Xhosa Bible 2024 (CXB24)
Ilizwi likaKristu malihlale ngaphakathi kwenu ngokobutyebi; nifundisana, nilulekana ngeendumiso neengoma nezango ezizezomoya, nivume kamnandi entliziyweni yenu kuyo iNkosi. Nako konke enisukuba nikwenza ngelizwi, nokuba kungomsebenzi, yenzani izinto zonke egameni leNkosi uYesu, nibulela ngayo kuye uThixo uYise.
KWABASEKOLOSE 3:16-17 Incwadi Yeziba̔lo Ezingcwele 1864, 1902 (Xhosa Appleyard) (XHO1902A)
Ilizwi lika‐Kristu malikolise ukuma kuni, nifundisana nilulekana ngobulumko bonke, ngamaculo, nangengoma zokudumisa, nangezivumo ezibumoya, nivuma ngofefe ezintliziyweni zenu ENKOSINI. Nako konke enisukuba nikwenza ngelizwi umhlaumbi ngesenzo, zonke izinto zenzeni egameni LENKOSI u‐Yesu, nibulela kuye UTIXO noyise ngayo yona.
