MATIUS 5
5
PASSALA 5–7
HATO'BA RATE RI BAHO BUTTU
Pau kasungguang
5:1-12
(Luk. 6:20-23)
1Rihattunna Isa lajanjang tau lohe injo, nai'mu ri buttu na rihattunna Ia attolong, riekimu ana'-ana' gurunNa mange ri Ia. 2Jari Isa pakaramulamu a'bisara na ngajara ri iyai, pauNa:
3”Sunggulaloi tau kaasi-asi intu ri a'rakanna Allataala,
saba' iyaimo ampunna Pakkaraengang Suruga.
4 #
Yes. 61:2
Sunggulaloi tau pa'risi intu,
saba' iyaimo larisihi-sihi.
5 #
Mzm. 37:11
Sunggulaloi tau lumu intu nyahana,
saba' iyaimo langampunnai lino.
6 #
Yes. 55:1-2
Sunggulaloi tau pa're na tirere intu ria'ra'na Allataala,
saba' iyaimo laripakala'ju.
7Sunggulaloi tau rie' intu pangamaseanna,
saba' iyaimo languppa pangamaseang.
8 #
Mzm. 24:3-4
Sunggulaloi tau tangkasa intu nyahana,
saba' iyaimo lanjanjang Allataala.
9Sunggulaloi tau ngerang intu dame,
saba' iyaimo lariare' ana'-ana' ri Allataala.
10 #
1 Ptr. 3:14
Sunggulaloi tau ripa'ri'-pa'risi intu kanara anggeokanna a'ra'na Allataala,
saba' iyaimo ampunna Pakkaraengang Suruga.
11 #
1 Ptr. 4:14
Sunggulaloiko, ampa kanara Nakke kau risalla na ripa'ri'-pa'risi na mange ri kau ripitina sikonjo sipa' daa.
12 #
2 Taw. 36:16; Suro-suro 7:52 Te'ne surang rannuilaloko, saba' bakka' sahala'mu ri Suruga, saba' appakonjo todo'i maeng ripa'ri'-pa'risi sikonjo nabbi riolongammu.”
Se'la surang sinara ri lino
5:13-16
13 #
Mark. 9:50; Luk. 14:34-35 ”Kauimo intu se'lana lino. Ampa se'la injo a'jari la'ba, apamo laripake appakapa'ja? Gelemo rie' matu-matunna maraenganna ripela'i na lalisa'i tau.
14 #
Yah. 8:12, 9:5 Kauimo intu sinara'na lino. Kota rie' injo rate ri bonto gele ma'ring latassa'bu. 15#Mark. 4:21; Luk. 8:16, 11:33La'bipa pole tau inni gele lapabola' kanjolina ampai lataro rahangang talle, mingka rate ri bangkeng kanjoli jari lasinari sikuanna tau rie' lalang ri sapo injo. 16#1 Ptr. 2:12Appakonjo sibaji'na sinara'mu assau ri a'rakanna tau, solanna iyai lajanjangi panggeokang baji'mu na lapakala'biri Ammammu ri Suruga.”
Isa na hukkung Tora'
5:17-48
(Luk. 6:27-36)
17”Akolalo a'ngare' ma'nassana Nakke rie' mae laappakatide' hukkung Tora' iyareka kitta'na sikonjo nabbi. Nakke rie' mae gele laappakatide', mingka lanyangkaki. 18#Luk. 16:17Saba' sitoje'na Nakke appau mange ri kaui: Rigelenapa lannya' langi' na lino inni, se're hurupu' ki'di' iyareka manna se're titti' gele laripattide' battu ri hukkung Tora', rigelenapa kajariang ngase'. 19Injomo saba'na inai appattide' sala se'renna parenta ri hukkung Tora' manna injo nukaminang ki'di', na lapangajarang appakonjo mange ri tau maraeng, ia languppa pattolongang kaminang raha lalang ri Pakkaraengang Suruga; mingka inai lageokangi na lapangajarangi languppai pattolongang kaminang rate lalang ri Pakkaraengang Suruga. 20Nakke appau mange ri kaui: Ampa kau gele anggeokang a'ra'na Allataala la'bi battu ripanggeokanna guru Tora' na tau Farisi inni, sitoje'na geleko laantama' ri Pakkaraengang Suruga.
21 #
Kel. 20:13; Ul. 5:17 #Luk. 12:57-59Kau maeng mulangngerei nuripau injo mange ri puwa-puwata Ako muno; inai muno parallui rihukkung. 22Mingka Nakke appau mange ri kaui: Sikuanna tau kuku' mange ri urang siana'na parallui rihukkung; inai appau daa mange ri urang siana'na parallui rierang mange ri Pangadelang Agama, na inai appau: Jahele! parallui ripassareang antama' ri naraka a'bola'-bola' injo.
23Injomo saba'na, ampa lamuerangi passidakkamu mange ri mejang passidakkaang na muu'rangi rie' se're passala lalang ri ati urang siana'mu mange ri kaui, 24bokoi passidakkamu ri a'rakang mejang passidakkaang injo na a'lampako a'dame riolo surangang urang siana'mu, ampako muliang langerang passidakkamu injo.
25Lassirilaloko a'dame surangang balimmu ampa assurangang juapako ia ritangnga lalang, solanna balimmu injo andako lapassareang mange ri hakking na hakking injo lapassareangko mange ri pagahena na kau lapamballung antama' ri pattarungkuang. 26Sitoje'na Nakke appau mange ri kaui: Geleko laansulu' battu ri injo, rigelenapa maeng mubajara inrammu sa'genna lappasa.
27 #
Kel. 20:14; Ul. 5:18 Kau maengi mulangngere nuripau injo: Ako assangkili. 28Mingka Nakke appau mange ri kaui: Sikuanna tau anjanjang bahine na lakasinnai, assangkilimu surangang ia lalang ri atina. 29#Mat. 18:9; Mark. 9:47Ampa mata kanammu lapassabakiko doraka, su'bi'lalo na pela'i, saba' la'bi bajikangi ri kaui ampa se're bageang ri kalemmu panra', nasibatu batangkalemmu ripantama' lalang ri naraka. 30#Mat. 18:8; Mark. 9:43Ampa lima kanammu lapassabakiko doraka, pappa'laloi na pela'i, saba' la'bi bajikangi ri kau ampa se're bageang battu ri kalemmu panra' nasibatu batangkalemmu antama' ri naraka.
31 #
Ul. 24:1-4; Mat. 19:7; Mark. 10:4 Maeng ripau todo'i: Inai lapela' bahinenna parallui assare sura' talla' mange ri ia. 32#Mat. 19:9; Mark. 10:11-12; Luk. 16:18; 1 Kor. 7:10-11Mingka Nakke appau mange ri kaui: Sikuanna tau lapela' injo bahinenna passangadinna passabakang sangkili, ia lapaa'jari bahinenna assangkili; na inai labontingi bahine ripela' injo, ia assangkili todo'i.
33 #
Im. 19:12; Bil. 30:2; Ul. 23:21 Kau maeng mulangngere todo'i nuripau injo mange ri puwa-puwata: Ako assa'bi bura, mingka tetengi sapattamu mange ri Karaeng Allataala. 34#Yak. 5:12; Yes. 66:1; Mat. 23:22Mingka Nakke appau mange ri kaui: Akolalo assapatta, baji' injo passabakang langi', saba' langi' intu pammariang Allataala, 35#Yes. 66:1; Mzm. 48:3iyareka passabakang tana, saba' tana intu pa'lisakang bangkenNa, iyareka passabakang Yerusalem, saba' Yerusalem intu kota Karaeng Bakka'; 36ako todo' assapatta passabakang ulummu, saba' kau tide' kahasamu laappakapute iyareka laappakaetang manna silahara uhu'mu. 37Ampa ya, sibaji'na kaui appau: Ya, ampa gele, sibaji'na kaui appau: Gele. Ampa rie' nula'bi battu ri injo assala'na nubattu risipa' daa.
38 #
Kel. 21:24; Im. 24:20; Ul. 19:21 Kau maeng mulangngerei nuripau injo: Mata assambe mata na gigi assambe gigi. 39Mingka Nakke appau ri kaui: Akolalo baliangi tau a'geo' daa injo mange ri kau, mingka inai-inai jua latampiling pilisi kanammu, sareang todo'i pilisi kairimmu. 40Mange ri tau a'ra' injo laparapa'ko saba' lakaa'raki bajummu, sareanglalo baju bakka'mu. 41Inai jua lapassako a'lingka se're kilo derena, a'lingkalaloko surangang ia rua kilo pole derena. 42Sarelalo tau ngera injo ri kau na akolalo pahuliangi tau a'ra' injo nginrang ri kau.
43 #
Im. 19:18
Kau maengi mulangngere nuripau injo: Kamaseangi parammu rupatau na kalikkingangi balimmu. 44Mingka Nakke appau mange ri kaui: Kamaseangi balimmu na pangera dowaanglalo iyai tuma'ri'-ma'risi injo ri kaui. 45Saba' ri appakonjonamo kaui a'jari ana'-ana' ri Ammammu nurie' injo ri Suruga, nuappakaambua' matanna allo mange ri tau daa na tau baji' sipa'na na appaturungi bosi mange ri tau naba na tau gele injo naba. 46Ampa ngamaseang ri tau ngamaseang injo jua ri kau, apamo sahala'mu? Gelejua manna palele sima ngowa injo a'geo' appakonjo todo'i? 47Ampa assareiko barasallang sangga mange jua ri urang siana'mu, apamo kala'bianna battu ripanggeokanna tau maraeng? Gelejua manna tau maraeng gele injo tappa' ri Allataala a'geo' appakonjo todo'i? 48#Im. 19:2; Ul. 18:13Injomo saba'na, sibaji'na kaui sangka', assimpole sangka'na Ammammu ri Suruga.”
Currently Selected:
MATIUS 5: LAI_SLY
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
@LAI 2012 Indonesian Bible Society (Lembaga Alkitab Indonesia)