Matthaisioi Phrinzangpo 2
2
1Ni, Yeshu, rgyalpo Herodosi Jaquniang Yudayapi Bethlehemiang skyesena ltashik; Magyanpa khachik sharkhana Yerusalema dyu zeren yongs 2"Skyese yodkhan Yudayapauni rgyalpo gar Juksed ? Chiazerbana ngacha-a sharkhiangna khoe skarmao thong, yang kho rchorba yongsed." 3Amma rgyalpo Herodes la dyu goana Yerusalempaun Jung nanyambo ḵẖolṯo song. 4Yang khos kohenuni gowaun nang sharbi chhos zbrikhanun saq rangi shitia zdamse khyongsena Masih-yu gar skyecha chhok zere khpngunla tris. 5Ni, khongunis khoa zes: Yudayapi Bethlehemiangnuk! Chiarzerbana khyenkhanpoe laqkhas dyu zbrise yod: 6YANG KHYERANG YUDAYAPI SAKHYAD PEANG BETHLEHEM! YUDAPI GOWAUNIANG KHYERANG SAQ BASANG BRISE MEN; CHIAZERBANA NGI SHARBA ISRAELPAWALURDZI BE PHYA LAMSTANKHANCHIK KHYERIANGNA BINGSE SKYODCHA IN" (zere zbrise yod). 7Dekana Heroiesis de Magyanpaun phaqa yong zere khyere skarmao ngonskhan tho khonga trise chhadkha bas. 8Yang khonga dyu zere Bethlehemiang tangs: Khyentang songse de buthsi rshmangeang rgyala base rshtaḵẖspa bashik, yang nga-ang yongse khoa rchoruk zere khyentanga rshtaḵẖspao songsona nga-a-angphrin khyongshik. 9Ni, khong rgyalpoa nyanena bings yang ltosang skarmao sharkhiangna khonga thongse yodkhanpo buthsao yodkhan malsika hlebhlebpo khonti snanla drule de katodpeka skils. 10Yang khong skarmao thongsena mangmo thade rgamochan song. 11Dekana de khangmeangnuk yongse khonga buthsao rangi amao Maryam nadrese thong, yang seka zguse kho rchor yang serauni zgromun phese skyes phuls; ser nang sposkar nang trijimi mar khoe dunla jaqs. 12Yang Herodesis shitia loqse masongshik zere Ashipas khonga nyilama ltsabse khong yang lam chikchigis rangi yuliangnuk loqse song.
13Ni, khong bingsena, ltosang, Ashipi skokhan chikchigis Yosepha nyilam stane zes: Langsena Buthsao nang rangi arnao nanyambo khride Eguptosiangnuk shor! Yang khyeranga spera molmol thsaqpa der duk chiazerbana Herodesis Buthsao sadchi phraluks ba chhetaq yod. 14Ni, kho langsena, buthsao nang khoe amao, thsanla nyambo khride Eguptosiangnuk song. 15Yang Ashipaos khyenkhani lches molskhan sperao "Eguptosiangna ngas ngari buthsaola yong zes" malla hleb-tukzere Herodes shishi thsaqpa der duks. 16Dekana Herodes la Magyanpaunis ranga thsalchhaspao thongmana khaloq song, yang Magyanpauni shitiana ranga chhadkha songskhan jaqi rtsispo na zomse Bethlehemiang yang de khridkhorla yodkhan buthsaun lo nyis paun nang dobasang brise yodkhanun jung (mi) tangse sadchuks.
17Dya thoa Yeremyas khyenkhani lches molcha songskhanpo: 18Rameang skadchik thsor nguchao nang qo nang chhopo zdukspo: "Rakhelis rangi phru-uni phya nguin duks yang khong medpi phya snyingrshtur ba ranma medpin" zerchao gangrgya song.
19Herodes shisena ltosang Eguptosiang Ashipi skokhan chikchigis Yosepha nyilamiang stane mols: 20"Langsena thsuntse buthsao nang khoe amao nyambo khride Israelpi yuliang song! Chiazerbana buthsi stroq shikpi phraluks bakhanun shise med. 21Ni, kho langsena buthsao nang khoe amao khride Israelpi yuliang yongs. 22Amma Arkhelaos rangi atao Herodesi malsika Yudapi yulika rgyalchos ben yod zere khoa thsorbana der chha jiks; ni, nyilama Ashipas khoa ltsabsena kho Galilye choyoquniangnuk song. 23Yang khoa Nazarethpa taḵẖsha chhok zerchi khyenkhani lches molcha songskhan tamun malla hlebcha Nazaret zerkhan grongdusiangnuk yonse malduks bas.
Currently Selected:
Matthaisioi Phrinzangpo 2: SOMA
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Société Biblique de Genève