Š. Matéu 1
1
Krie I.
1Ljiber dženeratsiúnes Džesúit Krištit birit Daviδit, birit Abramit.
2Abrami beri Isakun. Isaku prana beri Džakobin. Džakobi prana beri Juδen, e vlézerit e tîje.
3Juδa prana beri Fáresin, e Dzarân ka Tamara. Fáresi prana beri Esromin. Esromi prana beri Aramin.
4Arami prana beri Aminaδabin. Aminaδabi prana beri Naasonin. Naasoni pra beri Salmonin.
5Salmoni prana beri Boodzin ka Rraχaba. Boodzi prana beri Obeδin ka Rruta. Obeδi prana beri Džessên. Džesséu pra beri Daviδin rregjin.
6Daviδi rregji pra beri Salamunin ka ajó, tše kje e Urîs.
7Salamuni pra beri Rroboamin. Rroboami prana beri Abîn. Abía prana beri Asân.
8Asáu prana beri Džosafatin. Džosafati prana beri Džoramin. Džorami prana beri Odzîn.
9Odzía prana beri Džoatamin. Džoatami prana beri Akadzin. Akadzi prana beri Edzekîn.
10Edzekía prana beri Manassin. Manassi prana beri Amonin. Amoni prana beri Džosîn.
11Džosía pra beri Džekonîn, e vlézerit e tîje nde te vatur Babilôn.
12Po te váturit prana Babilôn: Džekonía beri Salatielin. Salatieli prana beri Dzorobabelin.
13Dzorobabeli prana beri Abiúδin. Abiúδi prana beri Eliakimin. Eliakimi pra beri Adzorrin.
14Adzorri prana beri Saδokun. Saδoku prana beri Akimin. Akimi prana beri Eliúδin.
15Eliúδi prana beri Eliádzarin. Eliádzari prana beri Matanin. Matani pra beri Džakobin.
16Džakobi prana beri Sepen šokjin e Maríes, kaa ljeu Džesúi, i θẽn Krišti.
17Keštú gjiθ dženeratsiúnat ka Abrami njera te Daviδi, dženeratsiúna katermbeδiét: e ka Daviδi njera vatur Babilôn, dženeratsiúna katermbeδiét: e ka te váturit Babilôn njera te Krišti, dženeratsiúna katermbeδiét.
18Te ljerit e Krištit prana kje keštú: Martúar jema tîje Maríeja me Sepen, mê pâr se te rrijen bašk, u‐gjẽnt nde barkut me bârr ka Špirti šéit.
19Sepa prana i šokji asâje, po tše iš i dréit, e se dúaje te buθtoneje te turperúar, dúaje te ljeréneje kjeteljê.
20Tue tundur prana nde krie kto šurbise, njô nj’ ẽngjel i Tinzoti ju‐buθtúa nd’ ẽnderr, tue θẽn: Sep biri Daviδit, mos u‐trẽmbše te mbiéδše Maríen šokjen tẽnde: pse tše u‐bê te barku sâje, ešt ka Špirti šéit.
21Kat bẽnje prana nje bîr: e ti i θerrét émerin e tîje Džesús: pse aí kat salvônje gjíndien e tîje ka mekatet e tire.
22Gijθ prana kî šurbés u‐bê, se t’ iš e bẽn e θẽna ka Inzót per profeten tše θot:
23Šiχ vírgjera kat dâlje me bârr, e kat bẽnje nje bîr: e kân ti θerresen émerin e tîje Manuêl, tše vién me θẽn: Inzót me nê.
24Sgjúar prana Sepa ka gjumi, beri si i θa ẽ́ngjeli Tinzoti, e mbióθ grúan e tîje.
25E nẽng e ngau njera kûr beri te birin e sâje te parin: e i θerriti émerin e tîje Džesús.
Currently Selected:
Š. Matéu 1: AAE1869
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Përktheu nga greqishtja 1869.