S. Mat 12
12
Krie XII.
1Tek’ aí kj𝑒ró Dz̆esúi vate nj𝑒 e s̆tún𝑒j𝑒 n𝑒mes𝑒 t𝑒 mbjéγavet: e dis̆ípuj𝑒t’ e tîγj𝑒 kis̆𝑒n ûr, e zûn t𝑒 χílkji𝑒n kaγinje, e t𝑒 χáij𝑒n.
2E Farisénj𝑒t𝑒, t𝑒 pârit ts̆𝑒 i pân, i θan atîγj𝑒: Ši dis̆ípuj𝑒t𝑒 tat𝑒 b𝑒nj𝑒n até ts̆𝑒 ng’ ê mir𝑒 t𝑒 bénet𝑒 te t𝑒 s̆túniat𝑒.
3E aí θa atíre: Ng𝑒 kini sgléδur𝑒 ts̆𝑒 buri Dáviδi, kur𝑒 pati ûr, eδé atá ts̆𝑒 is̆𝑒n bas̆k𝑒 me té:
4Si χiri te s̆pia e Per𝑒ndîs, e χ𝑒ngri búk𝑒t’ e próθesit𝑒, ts̆𝑒 ng𝑒 i ngisj𝑒 atîγj𝑒 t’ i χâγj𝑒, e mê pak atire, ts̆𝑒 is̆𝑒n me té, se po príftravet vet𝑒m?
5Ô ng𝑒 kini sgléδur𝑒 te ligja se te t𝑒 s̆túniat𝑒 príftrat𝑒 te klis̆a ts̆aj𝑒n t𝑒 s̆túni𝑒n, e ng𝑒 ftesj𝑒n?
6Eδé ju θom𝑒, se ktu is̆t𝑒 nj𝑒 mê i maθ𝑒 se klis̆a.
7E n𝑒 kís̆𝑒t𝑒 njóχur𝑒, ts̆𝑒 is̆t𝑒: Lipisî dua, e jo sagrifitsj𝑒: ng𝑒 gjikóij𝑒t’ atá ts̆𝑒 ng𝑒 i ftesj𝑒n:
8Se i Biri i njeríut𝑒 is̆t i zoti eδé t𝑒 s̆túni𝑒s.
9E si u‐nis andis̆𝑒, vate te sinagóg𝑒t’ e tire.
10E s̆i nj𝑒 njerî ts̆𝑒 kis̆ dor𝑒n e θât𝑒, e i píej𝑒tin, e i θan atîγj𝑒: N𝑒 te t𝑒 s̆túniat𝑒 mund𝑒 i jipej kuides𝑒? sâ t’ e ngalési𝑒n.
11E aí θa atíreve: Ts̆ili do jêt𝑒 ka‐k𝑒 jû, ts̆𝑒 t𝑒 kêt𝑒 nj𝑒 dele, e n𝑒 kjô i raft𝑒 tek’ e s̆túnia te ndô grop𝑒, mos t’ e rr𝑒mbênj𝑒, e t’ e ngrênj𝑒?
12Sâ i vete njeríu p𝑒r v𝑒rtet𝑒 mê s̆um𝑒 se nj𝑒 dele? P𝑒randái te t𝑒 s̆túniat𝑒 mund𝑒 búnet’ e mira.
13Aχiérra i θot𝑒 njeríut𝑒: Ndêχj dor𝑒n t𝑒nde. E e ndéiti, e u‐prúar e s̆𝑒ndos̆𝑒 si jatra.
14E t𝑒 dal𝑒t Farisénj𝑒t𝑒, mbáitin kundzij𝑒 kontra atîγj𝑒, si t’ e vrísij𝑒n.
15E Dz̆esúi, ts̆𝑒 e dîγj𝑒, u‐γarγar𝑒 atéi: e disâ van𝑒 pas atîγj𝑒, e s̆𝑒rói gjiθ atá:
16E i urδurói t𝑒 mos e vúij𝑒n mb𝑒 gluχ𝑒.
17Sât𝑒 streksj𝑒 até ts̆𝑒 u‐θa ka Isaía profeti, ts̆𝑒 θot𝑒:
18Ši djali jim𝑒, ts̆𝑒 ú sgloδa, i dás̆uri jim𝑒, te ku u‐pré gjeγa ime. Kat𝑒 vû s̆pirtin tim𝑒 mbi até, e kâ t𝑒 rr𝑒fíenj𝑒 gjikimin gjíndevet.
19Ng𝑒 ka zéχet𝑒, e ng𝑒 ka θrés𝑒nj𝑒, e mosnjerî kat𝑒 gjégjet𝑒 te kjáts𝑒t𝑒 z𝑒rin e tîγj𝑒:
20Káγ𝑒min e s̆típur𝑒 ng𝑒 kat’ e ts̆ânj𝑒, e lirin ts̆𝑒 kamnís ng𝑒 kat’ e s̆úanj𝑒, njera ts̆𝑒 ligja ménd’ e munj𝑒:
21E te ém𝑒ri i tîγj𝑒 gjíndet𝑒 kat𝑒 kên𝑒 sp𝑒réndz𝑒.
22Aχiérna u‐prû p𝑒rpara atîγj𝑒 nj𝑒 i spirdârm𝑒, i verb𝑒r eδé i s̆urδur, e e s̆𝑒rói as̆tú se i vérb𝑒ri e i s̆úrδuri flisj𝑒, e s̆íχ𝑒j𝑒.
23E kj𝑒ndróij𝑒n me goj𝑒 χapt𝑒 gjiθ𝑒 gjíndet𝑒, e θos̆𝑒n: Mos is̆t𝑒 kî i biri i Dáviδit𝑒?
24E Farisénj𝑒t𝑒, ts̆𝑒 e gjegj𝑒n, θan𝑒: Kî ng𝑒 ndzíer t𝑒 maχkúamit𝑒 p𝑒r jatr𝑒 se p𝑒r Beldzebubin, ts̆𝑒 ê i pari i t𝑒 maχkúamvet.
25E si pâ Dz̆esúi até ts̆𝑒 i s̆koγj𝑒 te trût’ e tire, i θa: Ngâ mbret𝑒rî e ndáitur𝑒 nd𝑒 vet𝑒χen𝑒 t𝑒 sâγj𝑒, s̆katarrónet𝑒: e ngâ χor𝑒, o s̆pî e ndáitur𝑒 nd𝑒 vet𝑒χen𝑒 t𝑒 sâγj𝑒, ng𝑒 m𝑒nd𝑒 rrie s̆túara.
26E n𝑒 satanassi s̆tie jas̆ta satanassin, u‐kâ ndáitur𝑒 nd𝑒 vet𝑒χen𝑒 t𝑒 tîγj𝑒: as̆tú si kat𝑒 rrie s̆túara mbretría e tîγj𝑒?
27E n𝑒 ú paj𝑒 t𝑒 Beldzebúbit𝑒 ndzíer𝑒 t𝑒 maχkúamit𝑒, bíj𝑒t𝑒 tâj𝑒 paj𝑒 t𝑒 kúit𝑒 i ndzíerj𝑒n? Andái atá kate jên𝑒 gjíkj𝑒t𝑒 túaj𝑒.
28E n𝑒 ú nd𝑒 s̆pîrt’ i Per𝑒ndîs𝑒 p𝑒rzé t𝑒 maχkúamit𝑒, me ftet𝑒 mbi jû jerθ𝑒 p𝑒rpara kj𝑒róit𝑒 mbretría e Per𝑒ndîs.
29E si mund𝑒 χînj𝑒 njerî te s̆pia e t𝑒 fukjís̆mit𝑒, t𝑒 vjéδ𝑒nj𝑒 pétkat’ e tîγj𝑒, n𝑒 mos líθ𝑒t𝑒 mê para t𝑒 fukjis̆min? e aχiérra m𝑒nd𝑒 rjép𝑒nj𝑒 s̆pîn e tîγj𝑒.
30Aí ts̆𝑒 ng𝑒 is̆t𝑒 me mua, ê kontra meje: e aí ts̆𝑒 ng𝑒 mbjeθ me mua, s̆p𝑒ris̆𝑒.
31P𝑒r k𝑒té s̆𝑒rbes𝑒 ju θom𝑒: Ngâ m𝑒kat𝑒, eδé vγastimî do nd𝑒jénet𝑒 njérz𝑒vet, po vγastimía e Špírtit𝑒 ng𝑒 do t’ i nd𝑒jénet𝑒.
32E kus̆ t𝑒 θêt𝑒 ndô fjal𝑒 kontra Bírit𝑒 njeríut𝑒, kat’ i nd𝑒jénet𝑒: e aí ts̆𝑒 t’ e θêt𝑒 kontra Špírtit𝑒 s̆éit𝑒, ng𝑒 kat’ i nd𝑒jénet𝑒 te kjô jet𝑒, e miδé tek’ ajó ts̆𝑒 ka vinj𝑒.
33N𝑒 buni lisin t𝑒 mir𝑒, eδé t𝑒 mir𝑒 buni pem𝑒n e tîγj𝑒: n𝑒 buni lisin t𝑒 lik𝑒, eδé t𝑒 kálb𝑒t𝑒 pem𝑒n e tîγj𝑒: se ka pema njíχet𝑒 lisi.
34J𝑒nî víparas̆𝑒, si m𝑒nd𝑒 flini mir𝑒, n𝑒 jini t𝑒 likj𝑒? se goja flet p𝑒r burimin e z𝑒mr𝑒s.
35Njeríu i mir𝑒 ka t𝑒rsori i mir𝑒 i zémr𝑒s𝑒 ndzíer s̆𝑒rbise t𝑒 mira: e njeríu i lik𝑒 ka t𝑒rsori i lik𝑒 ndzíer s̆𝑒rbise t𝑒 liga.
36Viδé ju θom𝑒, se ngâ fjal𝑒 e mbráz𝑒t𝑒, ts̆𝑒 t𝑒 θên𝑒 njérzit𝑒, p𝑒r até kat𝑒 jápj𝑒n𝑒 kunt𝑒 dit𝑒n e gjikímit𝑒.
37Se ka fjál𝑒t𝑒 tote kat𝑒 kês̆ bûr𝑒 likj𝑒, e ka fjál𝑒t𝑒 tote kat𝑒 jês̆ mundúar𝑒.
38Aχiérna i u‐p𝑒rgjegj𝑒n ditsá ka Skríbrat’ e ka Farisénj𝑒t𝑒, tue θ𝑒n𝑒: Mjes̆tr𝑒, dúam𝑒 t𝑒 s̆óχ𝑒j𝑒m𝑒 ka‐k𝑒 ti nj𝑒 sinjâχ.
39E aí si u‐p𝑒rgjekj𝑒 θa atire: J𝑒nía e lig𝑒, eδé kurv𝑒tore k𝑒rkón sinjâχ: e jatr𝑒 sinjaχ𝑒 ng𝑒 i jípet𝑒 asâγj𝑒, se po sinjaγi i Dz̆ón𝑒s𝑒 profétit𝑒.
40Se as̆tú si Dz̆ona kle te barku i balén𝑒s𝑒 trî ditt𝑒, e trî natt𝑒, k𝑒s̆tú kat𝑒 rrie i Biri i njeríut𝑒 te gjiri i δéut𝑒 trî ditt𝑒, e trî natt𝑒.
41Búrrat𝑒 Ninivítrat𝑒 kat𝑒 ngréχen𝑒 te gjikimi me kt𝑒 j𝑒nî, e kat’ e mundónj𝑒n𝑒, se atá bûn pendes𝑒 te ligjirata e Dz̆on𝑒s. E s̆i k𝑒tú is̆t𝑒 nj𝑒 mê i maθ𝑒 se Dz̆ona.
42Mbret𝑒res̆a e miesdít𝑒s𝑒 kat𝑒 ngréχet𝑒 dit𝑒n e gjikímit𝑒 me k𝑒té j𝑒nî, e kat’ e mundonj𝑒: se ajó jerδi kaa sos𝑒 jeta, sât𝑒 gjegjej urt𝑒sîn e Salomúnit𝑒, e k𝑒tú is̆t𝑒 nj𝑒 mê i maθ𝑒 se Salomuni.
43Kur𝑒 s̆pirti i s̆kríem𝑒 t𝑒 dalnj𝑒 jas̆ta njeríut𝑒, jets𝑒 p𝑒r vende t𝑒 têrm𝑒, tue k𝑒rkúar𝑒 t𝑒 préitur𝑒, e neng𝑒 e gjên.
44Aχiérra θot𝑒: Do k𝑒θénem𝑒 te s̆pia ime, kaa doγa. E kur𝑒 jerδi, e gjeti mbráz𝑒t𝑒, fs̆îtur𝑒, eδé stolísur𝑒.
45Aχiérra vete, e merr𝑒 me té njatr𝑒 s̆tat𝑒 s̆pírt𝑒ra mê t𝑒 likj𝑒 se aí, e posi χîtin ndenj𝑒n atjé: e t𝑒 sprásmet𝑒 ditt𝑒 t𝑒 atîγj𝑒 njeríu kat𝑒 jên𝑒 mê t𝑒 liga se t𝑒 párat𝑒. As̆tú i kloft𝑒 ksâγj𝑒 j𝑒níe t𝑒 kékjie.
46Kur aí flisj𝑒 gjíndes𝑒, s̆i e j𝑒ma, e t𝑒 vγéz𝑒rit’ e tîγj𝑒 rrîj𝑒n jâs̆ta, ts̆𝑒 k𝑒rkóij𝑒n t’ i flísij𝑒n.
47E ts̆𝑒‐njeri i θa: Ši se jot’ êm𝑒, e tû vγez𝑒r kan𝑒 rrîtur𝑒 jas̆ta, ts̆𝑒 k𝑒rkonj𝑒n t𝑒 t𝑒 s̆óχ𝑒j𝑒n𝑒.
48E aí u‐p𝑒rgjekj𝑒, e i θa atîγj𝑒 ts̆𝑒 ia θos̆𝑒: Kus̆ is̆t𝑒 m𝑒ma ime, e kus̆ jan𝑒 tim𝑒 vγez𝑒r?
49E t𝑒 ndéiturit dor𝑒n mbi dis̆ípuj𝑒t’ e tîγj𝑒, θa: Ši m𝑒ma ime, e vγéz𝑒rit𝑒 tim𝑒.
50Prandái aí ts̆𝑒 t𝑒 b𝑒nj𝑒 vulem𝑒n e Tat𝑒s tim𝑒, ts̆𝑒 is̆t𝑒 te kjí𝑒γiat𝑒: kî m’ ê vγâ, eδé motr𝑒, 𝑒δé êm𝑒.
Currently Selected:
S. Mat 12: AAE1868
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Përktheu nga greqishtja 1868.