Iindumiso Iindumiso 34

Iindumiso 34

Ngcamlani nibone ukuba uYehova ulungile

1Umhobe kaDavide, ekuphambukeni kwakhe kuAbhimeleki, wamndulula, wemka.

2Uya kuqhayisa umphefumlo wam ngoYehova;

3Mbongeni uYehova kunye nam, siliphakamise kunye igama lakhe.

4Ndamfuna uYehova, wandiva, Wandihlangula kuzo zonke iimbandezelo zam.

5Bakhangela kuye, bakhazimla, baza ubuso babo baba nazintloni.

6Ladanduluka elihlwempu, weva uYehova, wayihlangula kuzo zonke iimbandezelo zayo.

7Ingelosi kaYehova yehla ibajikeleza abo bamoyikayo, ize ibasindise.

8Ngcamlani nibone ukuba ulungile uYehova; Hayi, uyolo lomntu okholose ngaye!

9Moyikeni uYehova, nina bangcwele bakhe, Kuba abaswele nto abamoyikayo.

10Iingonyama ezintsha ziswele, zilambile; ke bona abamfunayo uYehova abasweli nto ilungileyo.

11Yizani, bonyana, ndiphulaphuleni, ndinifundise ukumoyika uYehova.

12Ngubani na umntu obuthandayo ubomi, othanda imihla emininzi, ukuze abone okulungileyo?

13Gcina ulwimi lwakho ebubini, Nomlomo wakho enkohliso.

14Suka ebubini, wenze okulungileyo; funa uxolo, uluphuthume.

15Amehlo kaYehova akumalungisa, uyakuva ukukhalela kwawo uncedo.

16Ubuso bukaYehova bujonge abenzi bokubi, ukuba akuphelise ehlabathini ukukhunjulwa kwabo.

17Amalungisa ayabiza, uyaweva uYehova, Awahlangule kuzo zonke iimbandezelo zawo.

18Usondele uYehova kwabantliziyo yaphukileyo; usindise abatyhafileyo intliziyo.

19Zininzi iimbandezelo zelungisa, kodwa uYehova uyalihlangula kuzo zonke.

20Uyawagcina onke amathambo alo; akukho namnye kubo owaphukileyo.

21Ububi buya kubabulala abangendawo, nabathiyayo amalungisa babe yintlango.

22uYehova uyawukhulula umphefumlo wabakhonzi bakhe, yaye akukho namnye kwabakholose ngaye oya kuba yintlango.

Currently Selected:

Iindumiso Iindumiso 34: CXB24

Qaqambisa

Copy

Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena

Iivesi zeBhayibhile ezithandwayo ezisuka
Iindumiso Iindumiso 34