Ivangeli ka‐Maraki 1:23-45

Kwaye kuko endlwini yentlanganiso yabo umntu enomoya onco̔lileyo; waza wadanduluka, esiti: Yeka! siyinto nina kuwe, Yesu wase‐Nazarete? uze kusitshabalalisa na? ndiyakwazi wena ungubanina, ungoyingcwele KATIXO. Waza u‐Yesu wamtetisa, esiti: Yiti cwaka, upume kuye. Waza umoya onco̔lileyo wamṙuzula, wadanduluka ngelizwi elikulu, wapuma kuye. Bati nqa ke bonke, bada babuzisana omnye nomnye, besiti: Yinto nina le? lolwanina ufundiso olutsha olu, ukuba nomoya abanco̔lileyo ebayalela ngegunya, bamve ke? Lwaselusuka lwapuma udumo lwake lwaya kulo lonke ilizwe langase‐Galili. Baza bati kwa oko, bakuba bepumile endlwini yentlanganiso, bangena endlwini ka‐Simone no‐Andreya, kunye no‐Yakobi no‐Johane. Kekaloku umkwekazi ka‐Simone ebelele, esifa licesine; baza basebemxelela ngaye. Wayesiza wabamba isandla sake, wamsukisa; lamyeka icesine kwa oko, wabakonza ke. Kwati kwakuhlwa, lakutshona ilanga, bazisa kuye bonke abafayo nabangenelwa zidemoni. Saye isixeko sonke sibe sibutelene ngasemnyango. Waza wabapilisa abaninzi ababesifa zizifo ngezifo; nedemoni ezininzi waziku̔pa, engazivumeli ke ukuba zitete idemoni, ngokuba zibe zimazi yena. Waza wati kwakuza kusa, wavuka kusesebusuku kanye, wapuma, wemka waya endaweni elubala, watandaza kona apo. Baza bamputuma u‐Simone nabo babenaye. Bemfumene ke, bati kuye: Bonke bayakufuna. Wayesiti kubo: Masihambe siye ezinqilini ezikufupi, ndize ndishumayele nakona; ngokuba ndivelele oku. Waza washumayela ezindlwini zentlanganiso zabo kuyo yonke i‐Galili, waku̔pa nedemoni. Kwati kekaloku kweza kuye ileperi, limbongoza liguqa pantsi kuye, lisiti nokuti kuye: Ukuba uyatanda, ungandihlambulula. Waza u‐Yesu wabetwa lusizi, wasolula isandla, walicu̔kumisa, wati kulo: Ndiyatanda; hlambuluka. Sati nxa abesitsho semka kulo kwa oko isilepero salo, lahlambuluka ke. Waza eliyalile kakulu nje waselelindulula, wati kulo: Lumka ungaxeleli mntu into; kodwa hamba, zibonakalise kumperisite, unikele ngenxa yokuhlanjululwa kwako izinto wabeyalela zona u‐Mosesi, zibe sisinqi̔no kubo. Lati kodwa lakupuma, laqala ukushumayela kakulu, nokuvakalisa londawo, wada u‐Yesu wayengasenako ukuba angangena esixekweni ekuhleni; koko wayengasendle ezindaweni ezilubala, bati abantu beza kuye bevela emacaleni onke.