I‐Levitikusi 10
10
1KEKALOKU onyana baka‐Arone, u‐Nadabi no‐Abihu, batabata omnye ngomnye isiqumelo sake, bafaka kuzo umlilo, babeka pezu kwawo isiqumiso, banikela ebusweni bukayehova umlilo wasemzini, owaengabayalelanga ngawo. 2Kwaza kwapuma umlilo ebusweni bukayehova, wabagqibela; bafa ke pambi kwoyehova. 3Wandula wati u‐Mosesi ku‐Arone: Koku akutetileyo uyehova, esiti: Ngabo basondela kum ndiya kungcwaliswa, nasebusweni babantu bonke ndiya kuzukiswa. Koko u‐Arone wati cwaka. 4Waza u‐Mosesi wabiza u‐Mishayeli no‐Elitsafane, onyana baka‐Huziyeli, uyisekazi ka‐Arone, wati kubo: Sondelani, susani abazalwana benu pambi kweyingcwele indawo niye ngapandle kwomnquba. 5Basondela ke, babasusa besezihempeni zabo baya ngapandle kwomnquba; njengokuba ebetshilo u‐Mosesi.
6Waza wati u‐Mosesi ku‐Arone, naku‐Elezari, naku‐Yitamare, onyana bake: Intloko zenu ningazihlubululi, nezivato zenu ningaziṙazuli, ukuba ningafi, nokuba kungaqunjelwa yonke intlanganiso; kodwa abazalwana benu, kwa yonke indlu yo‐Sirayeli, mabalilele okukutsha uyehova akupembileyo. 7Aniyi kupuma elucangweni lwentente yentlangano, hleze nife; ngokuba ioli yokutambisa kayehova ipezu kwenu. Baye besenza njengelizwi lika‐Mosesi.
8Waza wateta uyehova ku‐Arone, esiti: 9Iveyine notywala akuyi kubusela, kwa wena nonyana bako kunye nawe, xeshekweni niya kungena ententeni yentlangano, ukuba ningafi: ngummiselwa ongunapakade ngezizukulwana zenu: 10nokuba nenze ukwahluka pakati kwokungcwele nokungengcwele, napakati kwokunco̔lileyo nokucocekileyo; 11nokuba nifundise usapo luka‐Sirayeli yonke imimiso ayitetileyo uyehova kulo ngesandla sika‐Mosesi.
12Waye u‐Mosesi wateta ku‐Arone, naku‐Elezari, naku‐Yitamare, onyana bake abaseleyo, esiti: Tabatani umnikelo wokudla oseleyo kuyo iminikelo eyenziwa ngomlilo kayehova, niwutye ungenagwele kufupi nesibingelo; ngokuba uyinto eyingcwelekazi wona: 13naniya kuwutya endaweni eyingcwele, ngokokuba wona usisahlulelwa sako, nesahlulelwa sonyana bako, kuyo iminikelo eyenziwa ngomlilo kayehova: ngokuba kungokunjalo endiyalelweyo. 14Kanjako isifuba sokushukushukunyiswa nomkono wokufunqufunqulwa niya kuzidla endaweni emhlope, kwa wena, nonyana bako, nentombi zako kunye nawe: ngokuba zisisahlulelwa sako, nesahlulelwa sonyana bako, enizipiwe kwimibingo yoxolo yosapo luka‐Sirayeli. 15Umkono wokufunqufunqulwa nesifuba sokushukushukunyiswa baya kuzizisa kunye neminikelo yamanqata eyenziwa ngomlilo, kuze kushukushukunyiswe umnikelo wokushukushukunyiswa ebusweni bukayehova: oya kuba ngowako, nowonyana bako kunye nawe, ngommiselwa ongunapakade: njengokuba eyalele uyehova.
16Waza u‐Mosesi wafuna kunene ibokwe yedini lesono, kekaloku nantsi itshisiwe: waequmbile ngaku‐Elezari nangaku‐Yitamare, onyana baka‐Arone abaseleyo, esiti: 17Kunganina ukuba ningatyanga idini lesono endaweni engcwele? ngokuba liyinto eyingcwelekazi lona, nenilipiweyo ukuba nitwale inkohlakalo yentlanganiso, ize nenzele bona uxoliso ebusweni bukayehova. 18Bona ke, akungeniswanga igazi lalo pakati kweyingcwele indawo; ninge nilidlile ngenyaniso kweyingcwele indawo, njengokuba ndiyalele. 19Waza wateta u‐Arone ku‐Mosesi, wati: Bona ke, namhla nje banikele idini lesono labo nedini lokutshiswa labo pambi kwoyehova, nangona izinto ezinje zindihlile; ukuba bendityile idini lesono namhla nje, bekuya kuba kulungile na oko emehlweni kayehova? 20Wati u‐Mosesi akuva oku, kwakulungile emehlweni ake.
Currently Selected:
I‐Levitikusi 10: XHO1902A
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Published by the British and Foreign Bible Society in 1902.