Abagwebi 11
11
1KEKALOKU u‐Jefeta, um‐Gileyadi, wabeligoṙa elibuṙoti; kodwa ebengunyana wedikazi. Waye u‐Gileyadi wazala u‐Jefeta. 2Kanjalo umfazi ka‐Gileyadi wamzalela onyana; bada onyana bomfazi wake bakula, bamgxota u‐Jefeta, bati kuye: Akuyi kulidla ilifa endlwini kabawo wetu; ngokuba wena ungunyana womfazi wumbi. 3Wandula u‐Jefeta wesaba ebusweni babazalwana bake, wahlala ezweni le‐Tobe: kwaza kwabutelwa kuye u‐Jefeta amadoda angendawo, apuma naye.
4Kwaye kute emva kwemihla etile, ukuba usapo luka‐Hamoni lwalwa no‐Sirayeli. 5Kwaza kwati, nxa usapo luka‐Hamoni belusilwa no‐Sirayeli, bandula abadala base‐Gileyadi baya ukumzeka u‐Jefeta ezweni le‐Tobe: 6baye besiti ku‐Jefeta: Yiza, ube ngumpati wetu, ukuze silwe nosapo luka‐Hamoni. 7Kodwa u‐Jefeta wati kubo abadala base‐Gileyadi: Aninditiyanga na nina, nandigxota endlwini kabawo? yinina ke ukuba nize kum kaloku, nxa nisebunzimeni? 8Baza abadala base‐Gileyadi bati ku‐Jefeta: Ngako oko kaloku sibuyele kuwe, ukuze uhambe nati, ulwe ngakulo usapo luka‐Hamoni, ube yintloko yetu pezu kwabo bonke abemi base‐Gileyadi. 9Wati u‐Jefeta kubo abadala base‐Gileyadi: Ukuba niyandibuyisa, ndize ndilwe ngakulo usapo luka‐Hamoni, nokuba uyehova uya kulunika ebusweni bam, ndoba yintloko yenu na? 10Bati abadala base‐Gileyadi kuye u‐Jefeta: Uyehova makabe ngumpulapuli pakati kwetu, ukuba asenje njalo njengamazwi ako. 11Wandula u‐Jefeta wahamba nabadala base‐Gileyadi; bati abantu bamenza intloko nompati pezu kwabo: waye u‐Jefeta wateta onke amazwi ake ebusweni bukayehova e‐Mitsipa.
12Waza u‐Jefeta watuma izigidimi kukumkani wosapo luka‐Hamoni, ukuti: Uyinto nina kum, ukuba uze ngakum ukulwa ezweni lam? 13Wayesiti ukumkani wosapo luka‐Hamoni kuzo izigidimi zika‐Jefeta: Ngokuba u‐Sirayeli, ekunyukeni kwake e‐Jipete, etabatile ilizwe lam, kwa se‐Arenone kude kwase‐Yaboki, nakude kwase‐Yoredane: ngako kaloku libuyisele elo ngoxolo.
14Walekela kanjako u‐Jefeta watuma izigidimi kukumkani wosapo luka‐Hamoni; 15wati kuye: Utsho u‐Jefeta ukuti: u‐Sirayeli akatabatanga ilizwe le‐Mowabi, nelizwe losapo luka‐Hamoni; 16ngokuba, bakunyuka e‐Jipete, nxa u‐Sirayeli wahamba entlango kude kwaselwandle olubomvu, wada wafika e‐Kadeshe; 17wandula u‐Sirayeli watuma izigidimi kukumkani we‐Edome, ukuti: Makendicande elizweni lako; kodwa ukumkani we‐Edome ebengenakupulapula: kanjako watuma nakuye ukumkani we‐Mowabi, kodwa ebengavumi: kwa njalo u‐Sirayeli wahlala e‐Kadeshe. 18Waza wahamba entlango, wazekelela ilizwe le‐Edome, nelizwe le‐Mowabi, wafika ngecala lasempumalanga lelizwe le‐Mowabi, wati waca pesheya kwe‐Arenone; kodwa babengezi pakati kwomda we‐Mowabi, ngokuba i‐Arenone ibingumda we‐Mowabi. 19Waza u‐Sirayeli watuma izigidimi ku‐Sihone ukumkani waba‐Amori, ukumkani we‐Heshebone; waye u‐Sirayeli esiti kuye: Makesicande elizweni lako, kude kube sendaweni yam. 20Kodwa u‐Sihone ebengatembi u‐Sirayeli, ukuba acande emdeni wake; koko u‐Sihone wahlanganisa bonke abantu bake, baya bati waca e‐Yahetsa; waza walwa no‐Sirayeli. 21Wandula uyehova utixo wo‐Sirayeli, wanikela u‐Sihone nabo bonke abantu bake esandleni so‐Sirayeli: baza bababeta: kwa njalo ke u‐Sirayeli wabamba lonke ilizwe laba‐Amori, abemi belozwe. 22Babamba yonke imida yaba‐Amori, kwa se‐Arenone kwada kwase‐Yaboki, nasentlango kwada kwase‐Yoredane. 23Ngako kaloku uyehova, utixo wo‐Sirayeli, ugqogqile aba‐Amori pambi kwabantu bake o‐Sirayeli; kekaloku wena uya kubamba ilizwe labo na? 24Akuyi kubamba na elalowo ulinikwayo ngu‐Kemoshe, utixo wako, ukuba ulibambe? Kwa njalo lowo usukuba egqogqiwe nguyehova, utixo wetu, pambi kwetu, siya kubamba ilizwe lake. 25Nakaloku uka umgqitise ngokulunga na u‐Balaki, unyana ka‐Tsipore, ukumkani wama‐Mowabi? waka wapika no‐Sirayeli na, waka walwa nabo na, 26nxa o‐Sirayeli bahlala e‐Heshebone nakuwo amagxamesi ayo, nase‐Harohere nakuwo amagxamesi ayo, nakuzo zonke izixeko ezisemacaleni ase‐Arenone, iminyaka imakulu matatu? kunganina ke ukuba ningazihlangulanga pakati kweloxesha? 27Ngako mna andikwonanga wena, nguwe ke owenza kum okukohlakeleyo, ngokunga ungalwa nam. Uyehova, umgwebi, makagwebe namhla pakati kwosapo luka‐Sirayeli nosapo luka‐Hamoni.
28Kodwa ukumkani wosapo luka‐Hamoni akapulapula amazwi ka‐Jefeta abewatumile kuye.
29Wandula umoya kayehova weza pezu kwo‐Jefeta, waza wacanda e‐Gileyadi nase‐Manase; wacanda nase‐Mitsipe yase‐Gileyadi, wesuka e‐Mitsipe yase‐Gileyadi, wadlulela kulo usapo luka‐Hamoni.
30Waye u‐Jefeta wabambisa ngesibambiso kuye uyehova, wati: Ukuba uya kugqibela ukunikela usapo luka‐Hamoni esandleni sam; 31kuya kwandula ukuti, oko kusukuba kupuma elucangweni lwendlu yam ukuza kundikaulela, ndakubuya ngoxolo kulo usapo luka‐Hamoni, kwoba ko kukayehova, ndandiya kukunikela kube lidini lokutshiswa.
32Kwa njalo u‐Jefeta wadlulela kulo usapo luka‐Hamoni ukulwa nalo; waza uyehova walunikela esandleni sake. 33Walubeta ke kwa se‐Harohere kude kwafikwa e‐Minite, izixeko ezimashumi mabini, nakude kwase‐Abele‐keramime, ngesibulalo esikulu kunene. Lwaza lwatotyiswa usapo luka‐Hamoni pambi kwosapo luka‐Sirayeli.
34Wada u‐Jefeta weza e‐Mitsipa endlwini yake; kekaloku bona ke, intombi yake yapuma ukuza kumkaulela inentambula nemidudo; yona ibikupela kwomntwana wake; kwaye kungeko kuye omnye evela kuye, unyana nantombi. 35Kwabe kute, akuyibona, waṙazula ingubo zake, wati: Au, ntombi yam! unditobisile kakulu; ungowapakati kwabo bandikatazayo: ngokuba ndivulile umlomo wam kuye uyehova, ndikohlwa kukubuya. 36Yaza yati kuye: Bawo! ukuba uvulile umlomo wako kuye uyehova, yenza kum njengoko kupumileyo emlonyeni wako; emveni kwokuba uyehova ukwenzele impindezelo ezintshabeni zako, elusatsheni luka‐Hamoni. 37Yati kanjalo kuyise: Makundenzelwe lendawo: ndiyeke inyanga zibe mbini, ukuba ndiye ndihlele ezintabeni, ndililele ubuntombi bam, mna nabalinganekazi bam. 38Wayesiti: Yiya. Waza wayindulula iye inyanga zibe mbini. Yasuka yaya nabalinganekazi bayo, yalilela ubuntombi bayo ezintabeni. 39Kwaye kute ekupeleni kwenyanga ezimbini, yandula yabuyela kuyise, owenza kuyo isibambiso abebambisile ngaso; yaingayazi ke indoda. Kwaza kwaba lisiko kwa‐Sirayeli, 40ukuba intombi zakwa‐Sirayeli zaya iminyaka ngeminyaka ukudumisa intombi ka‐Jefeta um‐Gileyadi, imihla yamine emnyakeni mnye.
Currently Selected:
Abagwebi 11: XHO1902A
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Published by the British and Foreign Bible Society in 1902.