U‐Yisaya 57
57
1Olungileyo uyabuba, kanti akuko mntu okubekelayo intliziyo; abantu abanobubele bayasuswa nabo, kungeko oqondayo ukuba olungileyo uyasuswa elishweni. 2Uyangena eluxolweni; bayapumla ezililini zabo; bonke abalungisa ukuhamba kwabo.
3Nina kodwa, sondelani apa, bonyana besanusekazi! nina nzalo yomṙexezi nengnawokazi! 4Kungakubanina nizifeketisa? kungakubanina niwakamisa umlomo, nilwolulise ulwimi? asi nini na abangabantwana besigqito, inzalo yobuxoki, 5nitshiswa yinkanuko ngezitixo pantsi kwayo yonke imiti eluhlaza, nibulala abantwana ezintilini, ngapantsi kwamaṙoba amawa? 6Pakati kwawo amatye agudileyo asentilini kuko isahlulelwa sako; ngawo wona aliqashiswa lako; uwutululele kwa kuwo umnikelo wokusela, wawenza umnikelo wokudla. Sendiya kututuzeleka pezu kwezizinto na? 7Pezu kwentaba ende epakamileyo uwubekile umandlalo wako; ewe, unyukele kona ukuya kubinga umbingo. 8Kanjalo ngasemva kwalo ucango, nomgubasi, uyibekile inkumbuzo yako; ngokuba uzityilele ongendim; unyukile; uwenze banzi umandlalo wako; uzenzele ucebano nabo; utandile umandlalo wabo; wafuna indawo. 9Wahambela kukumkani neoli, wazandisa izinukamnandi zako; watuma izigidimi zako ziye kude, watobela pantsi kude kube sehadesi. 10Ubudiniwe ngokuba kude kwendlela yako; noko, akutshongo ukuti: Akuko itemba; ubomi besandla sako ubufumene; ngako oko akuncamanga. 11Ngubanina umxa̔leleyo wamoyika, ukuba uxokisile, ungakumbulanga mna, ungandibekelanga nentliziyo yako? bendingati cwaka kwa kade na, ungandoyikanga noko? 12Ndiya kuxela ubulungisa bako, nezenzo zako: ngokuba zingayi kukunceda nto. 13Xeshekweni ukalayo, mazikukulule imbuto zako! kodwa zona zonke umoya wozimkisa; impepeto iya kuzisusa.
Kodwa lowo utembela kum wolifuya ilizwe, adle ilifa lentaba yam eyingcwele. 14Kwakuya kutiwa: Poselani, poselani; lungisani indlela; dedisani isiku̔bekiso endleleni yabantu bam. 15Ngokuba esitsho yena opezulu opakamileyo, ohleli kunapakade, ogama liyingcwele, ukuti: Ndihleli kwepezulu neyingcwele indawo, kwa nalowo omoya ugqobokileyo notobekileyo; ukuba kupiliswe umoya wabatobekileyo, nokuba kupiliswe intliziyo yabagqobokileyo. 16Ngokuba ndingayi kuba ngunapakade ndipika; kanjalo andiyi kuba ngamaxesha onke ndiqumbile: ngokuba umoya ubuya kucubuka pambi kwam, nemipefumlo endiyenzileyo. 17Ngenxa yenkohlakalo yenzuzo yake engalungileyo bendiqumbile, ndambeta; ndazimela, ndaqumba ke; waza wamana ejikajika endleleni yentliziyo yake. 18Ndizibonile indlela zake, ndandiya kumpilisa; ndiya kumkokela kanjalo, ndibuyekeze izonwabiso kuye, nakubalili bake; 19ndisenza isixakato somlomo: uxolo, uxolo kulowo ukude nakulowo ukufupi, utsho uyehova; ndandiya kumpilisa.
20Kodwa abakohlakeleyo banjengolwandle olulwayo, nxa lukohliwe kukuzola, olumanzi aku̔pa inkunkuma nodaka. 21Akuko uxolo, utsho utixo wam, kwabakohlakeleyo.
Currently Selected:
U‐Yisaya 57: XHO1902A
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Published by the British and Foreign Bible Society in 1902.