U‐Yisaya 10
10
1Kwoba nzima kubo abamisa imimiso ebumenemene, nakubo ababa̔li ababa̔lela ububi: 2ukusonga amahlwempu ekugwebeni, nokuhluta abalusizi babantu bam ibango labo; ukuba abahlolokazi babe lixoba labo, nokuba bapange abazinkedama! 3Seniya kwenza nto nina emhleni wokubuza, nasekutshabalaliseni okuvela kude? niya kusabela kubanina kuncedwe? kupina ke eniya kushiya ababungcwalisa benu? 4Ngapandle kwam baya kuguqa ngapantsi kwababanjwa, baya kuwa ngapantsi kwababuleweyo. Kodwa noko ingqumbo yake ayinqandwa, isandla sake sisolulwa.
5KWOBA nzima kuye um‐Asiriya, uswazi lwengqumbo yam, ontonga esandleni sake iyeyomsindo wam! 6Ngakuso isizwe esibuginwa ndiya kumtuma, nangakubo abantu bokuṙala kwam ndomyalezela; ukutimba amaxoba, nokupanga impango, nokubenza into yokunyatelwa pantsi njengodaka lwezitarate. 7Yena kodwa, akacamangi njalo, nentliziyo yake yona ayiqingi njalo; koko ukutshabalalisa kusentliziyweni yake, nokunqamla izizwe ezingezincinane. 8Ngokuba esiti: Inkosana zam kunye azingabo na okumkani? 9I‐Kaleno ayinjenge‐Karakemishe na? i‐Hamati ayinjenge‐Arapadi na? i‐Samariya ayinjenge‐Damakusi na? 10Njengokuba isandla sam sifumene ubukumkani bezitixo, nemifanekiso eqingqiweyo yazo, ebigqitisele eyase‐Yerusaleme neyase‐Samariya; 11njengokuba ndenzele i‐Samariya nezitixo zayo, andiyi kwenje njalo na kwi‐Yerusaleme namadalo ayo?
12Kwoti ke ngoko, nxa inkosi igqibile wonke umsebenzi wayo entabeni ye‐Ziyone nase‐Yerusaleme, ndiya kwohlwaya isixakato sobukulu bayo intliziyo yokumkani we‐Asiriya, nobungangamsha ber̔atshi lamehlo ake. 13Ngokuba esiti: Kungamandla esandla sam endikwenzileyo, nangobulumko bam; ngokuba ndinokuqonda. Sendishenxisile imida yabantu, nendyebo zabo ndizitimbile; nanjengonamandla ndibawisile abo bahleli eziteroneni. 14Ewe, isandla sam sifumene ubutyebi babantu njengendlu yentaka; nanjengokuba kubutwa amaqanda ashiyiweyo, kwa njalo nam ndibutile umhlaba wonke; kungabangako nanye ewambuzela ipiko, neyakamisa umlomo, neliliselayo. 15Kanene izembe loqa̔yisa na ngakuye ogaula ngalo? nesaṙa yozizukisa na ngakuye oyishukushukumisayo? njengokungati uswazi beluya kushukushukumisa abo balupakamisayo; njengokungati intonga ibiya kupakamisa ongengumti. 16Ngako oko inkosi, uyehova wemikosi, iya kutuma pezu kwabatyebileyo bake ukunqina; nangapantsi kwababungcwalisa bake uya kuvutisa imvuto, njengemvuto yomlilo. 17Ewe, isikanyiso so‐Sirayeli soba ngumlilo, noyingcwele yabo woba lilangatye; wauya kutshisa ugqibe imitolo yake nembobo zake emhleni mnye. 18Nobungcwalisa behlati lake nobomyezo wake, umpefumlo nomzimba yomibini, uya kubugqibela; waeya kuwa njengofayo. 19Kanjalo isisalela semiti yalo ihlati lake soba ngumbalwa, ide iba̔lelwe nangumntwana.
20Kwakuya kuti ngomhla lowo, isisalela so‐Sirayeli, nabasindileyo bendlu ka‐Yakobi, abasayi kupinda ukwayama pezu kwalowo ubabetileyo, baya kwayama pezu kwoyehova, oyingcwele ka‐Sirayeli, ngenyaniso. 21Isisalela, isisalela sika‐Yakobi, soguqukela kutixo ongusomandla. 22Ngokuba nangona abantu bako o‐Sirayeli banjengentlabati yolwandle, isisalela siya kuguqukela kuye. Ukugqityelwa kumisiwe, kukukulisa ngobulungisa: 23ngokuba ukugqityelwa, kwa oko kumisiweyo, iya kukwenza inkosi, uyehova wemikosi, pakati kwelizwe lonke. 24Ngako oko itsho inkosi, uyehova wemikosi, ukuti: Ningoyiki, bantu bam abahleli e‐Ziyone! ngenxa yom‐Asiriya: angaba enibeta ngoswazi, apakamise intonga yake ngakuni, ngesiko le‐Jipete; 25koko kuseko ixeshana elincinanana, wandul’ ukugqitywa umsindo, nengqumbo yam ekutshabalaleni kwabo. 26Ngokuba uyehova wemikosi eya kumvusela izwiniya, njengokubulawa kwama‐Midiyane eweni lika‐Worebe: intonga yake yoba pezu kwolwandle; woyipakamisa ngesiko le‐Jipete. 27Kwakuya kuti ngomhla lowo, kwosuswa umtwalo wake egxalabeni lako, neyokwe yake entanyeni yako; kanjalo iyokwe iya kwonakaliswa ngenxa yokutanjiswa.
28Ufikile e‐Hayati, udlulile nge‐Migrone; e‐Mikimashe ubekele impahla yake. 29Bacandile ingxingwa; i‐Geba yindawo yabo yokulalisa: i‐Rama iyangcangcazela; i‐Gibeha ka‐Saule iyasaba. 30Yenza isikalo esikulu ngelizwi lako, ntombi yase‐Galime! pulapula, Layishe! Haniya! Hanatote! 31I‐Mademena ibalekile; abemi base‐Gebime benzile intsabo. 32Iseko imini nye yokuhlala e‐Nobe, andule avivinye isandla sake ngakuyo intaba yentombi yase‐Ziyone, induli yase‐Yerusaleme. 33Bona ke, inkosi, uyehova wemikosi, iya kunqumla amasebe ngesibeto esoyikekayo: ababude bukulu baya kugaulwa, nabapakamileyo baya kutotyelwa pantsi. 34Iya kuhlahla indada zehlati ngentsimbi, ne‐Lebanone iya kuwa ngonamandla.
Currently Selected:
U‐Yisaya 10: XHO1902A
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Published by the British and Foreign Bible Society in 1902.