Izenzo zabapostile 9
9
1KEKALOKU u‐Saulusi esapefumla ukusongela nokubulala ngakubo abadisipile benkosi, waya kumperisite omkulu, 2wacela kuye incwadi zokuya e‐Damakusi, ziba̔lelwa intlanganiso zakona, ukuze ati, ukuba uyafumana abatile abebengabendlela leyo, kwa namadoda namankazana, abazise benxityiwe e‐Yerusaleme. 3Kekaloku ekuhambeni kwake, kwaye kute nxa ebesoudela e‐Damakusi, kwandula ukuti benge ngakuye ngokwalama inkanyiso ivela ezulwini. 4Waza ewile ngasemhlabeni weva ilizwi lisiti kuye: Saulusi, Saulusi! unditshutshisela nina? 5Wayesiti: Ungubanina, Nkosi? Yayisiti inkosi: Mna ndingu‐Yesu, lowo umtshutshisayo: kunzima kuwe ukukaba ngasezihlabeni. 6Waza engcangcazela enokuti nqa wati: Nkosi! ufuna ukuba ndenze nto nina? Yaza inkosi yati kuye: Suka, ungene esixekweni; wauya kutyelwa oko ufanele ukukwenza. 7Kekaloku amadoda abehamba naye ebemi engenakuteta, esiva okunene ilizwi, engaboni mntu kodwa. 8Waza wesuka u‐Saulusi emhlabeni; kwati kwakuvulwa amehlo ake, akabona mntu; aza emtundeza ngesandla amngenisa e‐Damakusi. 9Wayentsuku ntatu engenakubona; akadla ke, akasela kanjako.
10Kwabekuko umdisipile otile e‐Damakusi ogama lalingu‐Hananiya; yaza yati kuye inkosi embonisweni: Hananiya! Wati yena: Nanku mna, Nkosi! 11Yati inkosi kuye: Suka, uye esitarateni esibizwa ngokuti Sesite‐ntse, ubuzele endlwini ka‐Jude umntu ogama lingu‐Saulusi, um‐Tarese; ngokuba, bona ke, etandaza; 12oyibonileyo embonisweni indoda egama lingu‐Hananiya ukuba yangena yabeka isandla pezu kwake, ukuze abuye abone. 13Waza wati u‐Hananiya ukupendula: Nkosi! ndivile kwabaninzi ngayo indoda le, ukuba zingakanana izinto zobubi izenzileyo kubo abangcwele bako e‐Yerusaleme; 14nalapa inalo igunya livela kubaperisite abakulu, lokuba inxibe bonke ababiza egameni lako. 15Kodwa inkosi yati kuye: Hamba; ngokuba lo eyimpahla enyuliweyo kum, yokupata igama lam pambi kwabaheyideni, nokumkani, nosapo luka‐Sirayeli; 16ngokuba ndiya kumbonisa ukuba zizinto ezingakanana afanele ukuziva ngenxa yegama lam.
17Wemka ke u‐Hananiya, waya wangena endlwini leyo; waza wabeka izandla pezu kwake, wati: Mzalwana Saulusi! inkosi inditumile, kwa u‐Yesu owabonakala kuwe endleleni ubusiza ngayo, ukuze ubuye ubone, nokuba uzaliswe ngumoya oyingcwele. 18Kwandula kwa oko kwawa emehlweni ake zanga zinkwetu, waselekwamkela ukubona ke, wesuka wabapitizeshwa: 19waza akuba etabatile ukutya womelezwa.
Kekaloku u‐Saulusi wayeko nabadisipile abebese‐Damakusi intsuku ezitile. 20Waza waseleshumayela u‐Kristu ezindlwini zentlanganiso, ukuba lo unguye unyana katixo. 21Koko bamangaliswayo bonke ababesiva, bati: Lo asi nguye na owaci̔ta abo babebiza kweligama e‐Yerusaleme, nobezele oku kwa lapa, ukuba abazise benxityiwe pambi kwabaperisite abakulu? 22Kodwa u‐Saulusi womelezeka ngakumbi, wawati piti ama‐Juda abehlala e‐Damakusi, eqinisa ngezizatu ukuba lo unguye u‐Kristu.
23Kwati kwakuzaliseka imihla yamininzi, acebisana ama‐Juda ukuba ambulale: 24kodwa ingcebo yawo yazeka ku‐Saulusi. Aza alalela amasango nasemini nasebusuku, ukuze ambulale. 25Kodwa abadisipile bamtabata ebusuku, bamhlisela pantsi ngodonga, bemhlisile engobozini.
26Kekaloku akuba u‐Saulusi ebefikile e‐Yerusaleme, wabelinga ukukolana nabadisipile: kanti bonke bebemoyika, bengakolwa ukuba ungumdisipile. 27Kodwa u‐Banabasi wamtabata naye, wamzisa kubapostile, wababalisela okokuba ebebonile inkosi endleleni, nokuba yateta kuye; nokokuba ebetetile ngokukalipa egameni lika‐Yesu e‐Damakusi. 28Waye eko nabo e‐Yerusaleme engena epuma nokupuma, 29eteta ngokukalipa egameni lenkosi u‐Yesu: kanjalo wateta wabuzisana naba‐Girike; koko bona bebelinga ukumbulala. 30Kodwa abazalwana, bakwazi oku, bamkapela e‐Kesareya, bamsusa ukuya e‐Tarese.
31Zandula zati ke iṙemente kuyo yonke i‐Judeya, ne‐Galili, ne‐Samariya, zanoxolo, zakiwa; zaza zihamba ekwoyikeni inkosi, naselwonwabisweni lwo?-? moya oyingcwele, zandiswa.
32KWAYE kute, akuba u‐Petrosi ebecanda kuzo zonke indawo wehlela nakubo abangcwele abebehlala e‐Luda. 33Kekaloku wafumana apo umntu otile ogama lingu‐Eneya, obelele eluku̔kweni iminyaka yasibozo, obenesifo sokushwabanisa. 34Waza u‐Petrosi wati kuye: Eneya! u‐Yesu ongu‐Kristu uyakupilisa; suka, uzandlalele. Waselesuka kwa oko. 35Baza bambona bonke abebehlala e‐Luda nase‐Sharone, abati baguqukela kwinkosi.
36Kekaloku bekuko e‐Jopa umdisipilekazi otile ogama lingu‐Tabita, o‐kutiwa ngokukunyushwa ngu‐Dokasi: yena lo ebezele yimisebenzi elungileyo nemilizo abeyenza. 37Kwaye kute kwezontsuku ke, wabesifa, wabuba: bati bakuba bemhlambile, bambeka enkambilini yapezulu. 38Kekaloku i‐Luda ikufupi nje ne‐Jopa, bati abadisipile bakuva ukuba u‐Petrosi ukona, batuma amadoda amabini kuye, bembongoza ukuba makanganqeni ukuza kwa kubo. 39Wesuka ke u‐Petrosi waya nawo. Oyena akuba efikile bamnyusela kulonkambili yapezulu: baza bema ngakuye bonke abahlolokazi belila, bebonakalisa izivato nengubo abezenza u‐Dokasi, nxa ebesenabo. 40Kodwa u‐Petrosi wabaku̔pela pandle bonke, waguqa ngamadolo, watandaza; waza wajikela ngasemzimbeni, wati: Tabita! suka. Wawavula ke amehlo ake: wati akubona u‐Petrosi, wesuka wahlala. 41Waza wamnikela isandla, wamsukisa; wati akuba ebabizile abangcwele nabahlolokazi, wammisa ebusweni babo ehleli. 42Kwati ke oku kwazeka kuyo yonke i‐Jopa; baza abaninzi bakolwa enkosini. 43Kwaye kute kekaloku wahlala imihla yamininzi e‐Jopa ku‐Simone otile umsuki wezikumba.
Currently Selected:
Izenzo zabapostile 9: XHO1902A
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Published by the British and Foreign Bible Society in 1902.