Eyokuqala ka‐Samyali 29
29
1KEKALOKU ama‐Filistiya ebehlanganisile yonke imikosi yawo e‐Afeki; nama‐Sirayeli wona abete waca ngasemtonjeni ose‐Yezerele. 2Zaza inkosi zama‐Filistiya zadlula ngamakulu nangamawaka; kodwa u‐Davide namadoda ake badlula ngasemva kunye no‐Akishe. 3Zandula inkosi zama‐Filistiya zati: Afuna nto nina ama‐Hebere la? Wayesiti u‐Akishe kuzo inkosi zama‐Filistiya: Lo asi nguye na u‐Davide, isicaka sika‐Saule ukumkani wo‐Sirayeli, obeko nam ngalemihla, umhlaumbi ngaleminyaka? ndandingafumananga nto kuye, kwa semhleni wokupongoma kwake kwada kwanamhla nje. 4Koko inkosi zama‐Filistiya zaqumba ngakuye; zaza inkosi zama‐Filistiya zati kuye: Buyisa londoda, iye ibuyele endaweni yayo, apo uyimisele kona, ukuba ingehli nati ukuya ekulweni, ize ingabi ngumalane kuti ekulweni; ngokuba kunganto nina aya kuzikolekisa lo enkosini yake? akungazo intloko zalamadoda na? 5Lo asi nguye na u‐Davide, ababevuma ngaye emidudweni, besiti: u‐Saule ubulele amawaka ake, kodwa u‐Davide amawaka ake alishumi?
6Wandula u‐Akishe wambiza u‐Davide, wati kuye: Ehleli nje uyehova, ulungelelene wena; kanjalo ukupuma kwako nokungena kwako kunye nam emkosini kulungile emehlweni am; ngokuba ndingafumananga inkohlakalo kuwe, kwa semhleni wokuza kwako kum kude kwanamhla nje: noko emehlweni azo inkosi akulungile wena. 7Ngako kaloku buya, uhambe ngoxolo, ukuba ungenzi okubi emehlweni enkosi zama‐Filistiya. 8Waza u‐Davide wati ku‐Akishe: Yinto nina pofu endiyenzileyo? yinto nina kanjalo uyifumeneyo kwisicaka sako, kwa semhleni bendisebusweni bako ngawo kude kwanamhla nje, ukuba ndingayi ndilwe ngakuzo intshaba zenkosi yam ukumkani? 9Wapendula u‐Akishe wati ku‐Davide: Ndiyazi ukuba ulungile wena emehlweni am, njengengelosi katixo: kodwa inkosi zama‐Filistiya zite: Akayi kunyuka nati ukuya ekulweni. 10Ngako kaloku, vuka kusasa ngomso, nezicaka zenkosi yako ezibe zisiza nawe; niti nakuba nivukile kusasa ngomso, nxa kunikanyeleyo, nandule nimke.
11Waza u‐Davide wavuka kusasa, yena namadoda ake, ukuba bemke kusasa ukuya kubuyela ezweni lama‐Filistiya. Ati ama‐Filistiya enyuka aya e‐Yezerele.
Currently Selected:
Eyokuqala ka‐Samyali 29: XHO1902A
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Published by the British and Foreign Bible Society in 1902.