लूका 13
13
पश्चाताप डाए बानकी नाशोयु
1डी टेमो अदा कुरकू आदिरजे, एठा यीशु सेंग्गोन गलील जिल्हान थंदळ मिंकू कुरकू गा बारेन चर्चा दडा लज्जे। दिकुगा डी रोमी राज्यपाल पिलातुस नी घोच्केकु डा जब दिकु यरूशलेम गा मंदिर गेन बलिदान जिऊ लक्के डा। 2चोच आपे येनोगो समझातिंजेवा होय, कि येनोगो गलील जिल्हा गा कुरकू बाकी गलील जिल्हा गा कुरकू टे पापी डा, इनिघल्जी दिकु लिंजेन येनोगो मुसीबत बोचोके? 3कि बिलकुल बाने, इंज आपेटे मंडीवा मेना, पेनो अगर आपे मन बान बबादला टासो मेटे आपे भी सेबाईकु इनी रिती टे नाशोऊवा। 4या आपेन सामजातिंजूवाकी, “डी अठारह कुरकू के यादो डोकी, जो मेटे गोएन डा, जब यरूशलेम शहर गा मेरान शीलोह गा ठुम्बी दिकु लिंजेन बोचोएन एठा दिकु दबातिंजटे गोएन। चोच दिकु यरूशलेम शहर गा थंदळ मिंकूटे एठाभी अपराधी डा? 5कि बिलकुल बाने, इंज आपेटे मंडीवा। पेनो आपे अगर मन बान बबादला टासो मेटे आपे भी सेबाईकु इनी रिती टे नाशोऊवा।”
बिना फल मिनी अंजीर गा सिंज
6डाबोलटे यीशु नी येटेन उदाहरण भी मंडीके, “तुनिका म्या कोरो गा अंगूर गा बागीचा गेन म्या अंजीर गा सिंज येंडाके डा। देटेन हार साल डेन फल घगाटा हेजे डा, पेनो फल बान घटाडुका। 7मेटे डीचनी बागीचा गा जागली मिठाजा टे मंडीके, डोगे आफाई साल टे इंज इनी अंजीर गा सिंज गेन फल घगाटा हेजेवा, पेनो बान घाटाऊ, इनिके म्हागे चोयाकी येटेन अच्छा ओटे के बर्बाद डे लक्के होय।” 8डीचनी डीचके जवाब जीके, कि हे स्वामी, इनिके म्या एठा साल टाएन एठा थंदळ डाए, कि इंज येनेगा उफुन भी कोने लाटे खाट्टो येंडाएवा। 9अगर इनी सिंज जाऊ बाने टासो मेटे डीके म्हाकी।
कुबडी जापाए के ससाजा
10परमेश्वर गा चोखरा दिन यीशु म्या आराधना जगा गेन शिक्षा जिऊ लक्के डा। 11देटेन म्या जापाए डा, दियेन अठारह साल टे लूला लंगळाकोम गा भूतो घैय्ये डा, दियागा मयांग ठायका झुकातिंजे डा एठा तुनिका रिती टे सीधाऊ बाने डा। 12यीशु नी डीचके धोटे हाकोकेनेच एठा मंडीके, “हे तराई, आम आमगा काम्जोर टे आराएन।” 13मेटे यीशु नी दिया लिंजेन टी डोके, एठा देटेन तुरुटो सीधायेन एठा परमेश्वर गा आराधना दडा लज्जे। 14इनिघल्जी कि यीशु नी परमेश्वर गा चोखरा दिन डीचके सजाकेनेच डा, आराधना जगा गा मुख्या चिळतिंजटे कुरकू टे मंडी लज्जे, “हफ्ता गेन छे दिन होय, डेन आलेन कामय अनुमति होय। डी दिनेनका हेजे साजायु, पेनो परमेश्वर गा चोखरा दिन गेन बाने।” 15इनी आजुमटे प्रभु यीशु नी जवाब जीके, हे ढोंगोकु, चोच परमेश्वर गा चोखरा दिन आपेटे तलाटे हार म्याखोम खुद डोबा या गदळा के खोठा टे आराटे डा आनु बान सा? 16चोच इनी सही बाऊ डा, येटेन जापाए जो अब्राहम गा पीढी टे होय, डीचके शैतान नी आठरा साल टे टोलकेनेच डा। परमेश्वर गा चोखरा दिन हेजा गा बंधन आरागुवा होय? 17जब डीचनी इनी बातो मंडीके, मेटे दियागा खिलाफ मिंकू सेरोम्जे मेना, एठा सेबाई गर्दी डी अचम्बो कामय टे जो देटेन दडा अच्छा होय, खुशोएन।
राई गा दाना एठा मैदा गा उदाहरण
18डाबोलटे डीचनी मंडीके, “परमेश्वर गा राज्य जेगा रोंगो होय? एठा इंज डेगा तुल्न तुनी चीजो टे डाए? 19परमेश्वर गा राज्य ओटे लिंजेन राई गा सनी बीजो गा रोंगो होय। पेनो जब बीजो बिटजे, मेटे खिटीन वोटजेडो खाटबेळे सिंज आरोएन, डेगा एंगो खापेट डंगोल वोटजे, बदळा भूरिकु भी डेगा साईलीन थंदळ मिंकू डांगोलेन दिकुगा बुदिली आरोए सकतावा।” 20यीशु नी डाबोलटे मंडीके, “परमेश्वर गा राज्य गा तुल्न टोने डाए। 21देटेन खामीर गा रोंगो होय, डीके तुनिका जापाएनी साटे आफाई पासा कोलोमेन बेल्लाके, एठा गुगीली-गुगीली सेबाई कोलोम खामीर आरोयेन।”
सकळा दराजो
22देटेन हेजा गा चेलाकू सेंग्गोन पूरा-पुरान, एठा गाँव-गाँवेन टेका शिक्षा जिऊ लठ्ठाका यरूशलेम शहर कोनेन चेल्के डा। 23एठा जेकानी दियाटे कोम्बारा, हे गुरु, चोच अदा कुरकू केका बान स्यागु दण्डो टे बचातिंजकुवा? 24यीशु नी दिकुटे मंडीके, “सकडा दरोजो टेका परमेश्वर गा राज्यन मुवा होय, चोयाकी इंज आपेके मंडीवाकी घोनेच्कुका मुगा कोशिसबा, एठा बान डाऊ।” 25जब परमेश्वर जो उरा गा स्वामी होय, बिटटे दारोजो बांदोके टासो एठा आपे बल्लान टेंगेनटे एठा बिनती डाटे, मंडी लज्जे, “हे प्रभु आलेगा घल्जी दारोजो खुल्लाकी, एठा देटेन जवाब जे कि इंज आपेके बान हाडाई, आपे टोनेगा होय?” 26मेटे आपे मंडीवा कि, “आलेनी अमा जीमू टे जोवे-नुवे एठा आमनी आलेगा चौगेन शिक्षा जीके।” 27पेनो देटेन मांडेवा, इंज आपेटे मंडीवा कि, “इंज बान हाडाई आपे तोनेटे मेना। हे पापो दडामिंकू, आपे सेबाईकु इंजाटे लेंक्कीन सेंजू।” 28देटेन जाम एठा तिळींज रिरीगिटका डाऊबाका, जब आपे अब्राहम एठा इसहाक एठा याकूब एठा सेबाई परमेश्वर गा कोनेटे मंडीमिठाच के परमेश्वर गा राज्य गेन सुबानके, एठा आम खुदके बल्लान ओटटे डोगेवा। 29एठा पूर्व एठा पश्चिम जवाब एठा दक्षिण टे अलग्गो जाटो कुरकू हेन डो परमेश्वर गा राज्यन दावत गेन सुबनबा। 30इनी समझातिंजे, “डी टेमो जो कुरकू महत्वपूर्ण बान होय, दिकु महत्वपूर्ण कुवा एठा जो महत्वपूर्ण होय दिकुगा तुनिका महत्वपूर्ण बन थंदळ।”
हेरोदेस गा दुश्मनी
31डीका दिन चोटो फरीसि कुरकू नी हेंडो यीशु टे मंडीके, “येटे टे ओटजू डो सेंजू चोयाकी राजा हेरोदेस आमके घोगेच चहतावा होय।” 32यीशु नी दिकुटे मंडीके, डी कोरो के जो म्या कोल्या रोंगो चालाकी होय दियाटे मंडे, कि इंज टैंज एठा गाफान भूतोकुके ओटबा एठा बेमारी कु के साजाकुवा मेना एठा आफाई दिन इंज इंजागा कामय पुराएवा। 33येठाभी इंजेन, टैंज गाफान एठा म्यांग सेंदरा गा यात्रा दडा जरुरी होय, चोयाकी यरूशलेम शहर के आराटे तोनेन काभी, तुनिका परमेश्वर गा कोनेटे मंडीमिठाच के घोगेच साही बाऊ।
यरूशलेम गा घांजी खाटे का जाम
34हे यरूशलेम शहर हे यरूशलेम शहर कुरकू! आम परमेश्वर गा कोनेटे मंडीमिठाच मिंकू गा गोघेच्बा एठा दिकुके लेचाकुबा होय, दिकुके अमा घल्जी कुलकूबा होय। चोटो बार इंज येटेन कोशिश डाके, कि अमागा कोणकूके म्या जगानकू, डेनोगोका सिम हेजा कोणकूके हेजा कफा इटान जमाकुवा पेनो आमनी इनी बान मेनडुका। 35एठा पक्का रुपोटे इंज आपेटे मंडीवा मेना, आपेगा उरा आपे घल्जी उजाळका आरागेवा होय। चोयाकी इंज आपेटे मंडीवाकी, जब टाएन आपे बान मंडी, “धन्य होय देटेन जो प्रभु जीमू टे हेजेवा होय, मेटे टाएन आपे इंज्के डाबोलटे चोलाकाभी बान दोडो।”
Currently Selected:
लूका 13: GOKNT
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.