प्रेरितों के काम भूमिका
भूमिका
कलामके मिंकू चेलाकू गा कामय गा वर्णन लूका ठहरातिंज्के अच्छा खाबोर टे सम्मा गा वर्णन होय। येनेगा मेन मकसद इनी घागल होय कि यीशु गा सुरुवात गा सोपतीकुनी पवित्र आत्मा गा अगुवाई गेन, यीशु गा बारेन अच्छा खाबोर के “यरूशलेम एठा सेबाई यहूदिया जिल्हा एठा सामरीया जिल्हा गेन, एठा पृथ्वी गा कोपरा टाएन” (प्रेरित 1:8) टोनोगो फैलातिंजे। इनी मसीही आन्दोलन गा विवरण होय जो यहूदी कुरकू गा तालान सुरोएन। एठा बळातिंजटे पूरा दुनिया गा कुरकू गा विश्वास आरोएन। ओलमिठाच इनी बातो गा भी ध्यान दोडोवा होय कि दियागा फाटकनौर के इनी पक्कायु कि मसीही कुरकू रोमी साम्राज्य गा घल्जी म्या गुनेगार राजनईतिक शक्ती बाने डा, एठा मसीही विश्वास यहूदी धर्म गा पूर्ति डा। कलामके मिंकू चेलाकू गा कामय गा पुस्तक के आफाई भागोन कटिंज सकतावा होय, जो हर टेमो बळातिंजू ईरिया के दर्शातिंजेवा होय डेन यीशु मसीह गा अच्छा खाबोर गा प्रचार डाके मेना एठा मसीह गा मंडलीनौर आरुके :
(1) यीशु गा स्वर्ग गेन सेने बादोन यरूशलेम शहर गेन मसीही आन्दोलन गा सुरुवात,
(2) पलस्तीन गा अलग्गो भागो गेन येनेगा फैलातिंजू, एठा
(3) ताला गा समुद्र गा देशो गेन रोम शहर टाएन इनी फैलातिंजे।
कलामके मिंकू चेलाकू गा कामय गा म्या महत्वपूर्ण विशेषता होय पवित्र आत्मा गा कामय दडा। दिकु पिंतेकुस्त गा दिन यरूशलेम गेन गोलाऊ विश्वासीकु लिंजेन खाट शक्ती गा सेंग्गोन आगुरुवा होय, एठा इनी पुस्तक गेन डाएन घाटनानौर गा दौरान मसीह गा मंडली एठा दियागा अगुवाकु गा कोरा घालेवा एठा दिकुके शक्ती जिऊ लक्कूवा होय। कलामके मिंकू चेलाकू गा कामय जीकेमिनी चोटोका शिक्षानौर गेन सुरुवात मसीही खाबोर गा सार घाल्के मेना होय, एठा येनेन डाऊ मिनी घाटनानौर गा जीवन गेन एठा मसीह गा मंडली गा बेल्लाऊ गेन इनी खाबोर गा शक्तीके ओडेवा होय।
रूप-रेखा :
गवाही गा घल्जी तैयारी 1:1-26
क. यीशु गा आखरी हुकूम एठा वादा 1:1-14
ख. यहूदा गा उत्तरधिकारी 1:15-26
यरूशलेम शहर गेन गवाही 2:1-8:3
यहूदिया जिल्हा एठा सामरीया जिल्हा गेन गवाही 8:4-12:25
पौलुस गा सेवा कामय 13:1-28:31
क. पेला प्रचार-यात्रा 13:1-14:28
ख. यरूशलेम शहर गेन सम्मलेन 15:1-35
ग. दूसरा प्रचार-यात्रा 15:36-18:22
घ. तिसरा प्रचार-यात्रा 18:23-21:16
च. यरूशलेम, कैसरिया जिल्हा एठा रोम राज्य गेन बंदी पौलुस 21:17-28:31
Currently Selected:
प्रेरितों के काम भूमिका: GOKNT
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.