Kenesis 4
4
1Miyi Adam yĭmokili Iv retepon eni, miyi yisar yumol Kēn; miyi yenūwi memokū, Ya kosī‐ĭmpī neteme marugi Iehōva. 2Penūri iyi yĭmpī Ebel avĭnsī eni: ĭm Ebel yeti nefĭnte ōvun sĭmsĭmak, ĭm Kēn yeti nasĭmnūok.
3Mō metepū ra nĭsah nugkon dan sū Kēn yĭmuriuki pelum tiame nevag ra nemap woresokowar mō metipe nĭsekon Iehōva. 4Im Ebel sugkū yĭmuriuki pelum ōvun nĭtni mampūm ran sĭmsĭmak eni ōvun nūval. Im Iehōva yĭmokū aremī ugi Ebel ĭm sokowar eni; 5miyi yokesĭndi Kēn ĭm sokowar eni. Im Kēn yemelokc ĭm nipmi eni yĭmtevivat.
6Im Iehōva yenūwi pugi Kēn memokū, Irantiē kĭ?-?melokc? 7Irantiē nĭmtum oti nimtevivat. Nagkū kĭm?-?numpi aremī kĭk anti nevīeves kĭk kū? ĭm nagkū otūm numpi aremī nūrah nĭmsĭn sokowar umnalē ra nugon selat; ĭm nĭlasĭvian eni oti tovunok, ĭm kĭk ontantevakepe iran.
8Im Kēn yenūwi pugi Ebel avĭnsī eni memokū, [Kos kūampe ra nūrū wokon;] mō metepū pol sugkū iroran dūrū dūte ra nūrūwokon Kēn itūok mĭmtalugi Ebel avĭnsī eni.
9Im Iehōva yenūwi pugi Kēn memokū, Yēi Ebel avĭnsī kĭk? Miyi yĭmtamsi pugi memokū, Ya kotū kili; ya koti nefĭnte eni avĭnsī yx kū?
10Miyi yōmenūwi pugi memokū. Tiē kĭk umpi? navian ran de eni apmisī umamperugi sah irag marugi nemap. 11Im marima kĭk oti navoret tamas ra nemap mori yasī mamwap woremoneki de eni apmi‐sī marugi nokopmū. 12Kimandūnnokeli nemap, kō otū onteli aremī tovunok; marugi imō nĭmpugon kĭk anti navanavan mō mampe?-?kōrekōrō ra nemap.
13Im Kēn yōmenūwi pugi Jehōva memokū, Tīūwi irag oti tamas sugku ma yx tawi faneteme worelevi. 14Pah, irē pen dan kĭk okosavet yx marugi nemap ĭm ya anti nelasakepon nĭmtum; ĭm ya anti navanavan mō mampekōrekōra ra nemap, mō mantepū ma irōra sū mori wonesoroko‐yx ĭm wontaloko‐yx.
15Im Iehōva yenūwi pugi memokū, Iyi sī mori ontalugi Kēn ontampenĭgi iran seven. Im Iehōva yetipe safi iran Kēn ma sugkū sī umprokokesi iyi, otū ontalugi iyi.
16Im Kēn yetūratumpeni ilat marugi nĭpmi eni Iehōva mō metĭndōwi ra nūrū Nod ūnūru ra Iden, 17Im Kēn yĭmokili retepon eni miyi yisar yumol Inok; miyi yĭmumpi nemote memokū nĭn netni eni, Inok.
18Im Inok yivī Irad; ĭm Irad yivī Mehūyael, ĭm Mehūyael yivī Metūsael, ĭm Metūsael yivī Lemek.
19Im Lemek yĭmetovrugi nasiven en dūrū, nĭn sī Ada, ĭm nĭn eni sī mōmū, Sĭla.
20Im Ada yivī Yēbel; miyi mori yeti ĭtemen en irora sū mori dūmetĭndōwi ra mumpon ōvun tent, mō mūtipe ov nūrah sū en irora. 21Im nĭn avĭnsī eni, Yūbal, miyi yeti ĭtemen en irora sū mori dūumpi narūfo gi harp ĭm nxerugis.
22Im Sĭla yivī Tūbal‐Kēn, miyi mori yĭmtavsok‐onda ōveteme worumpūrah ugi bras ĭm iron; vĭven eni Tūbal‐Kēn yeti Nēama.
23Im Lemek onūwi nam pun ōra ov asiven eni memokū, Ada ĭm Sĭla, ūrĭgi navian enyx; kĭmi ov retepon eni Lemek, ūrĭgi nam enyx, ĭt ya kosī ĭm talugi neteme, miyi ōmtatoto‐yx, sī neviarep miyi yetipe nesorū irag. 24Nagkū ontampenĭgi iran Kēn seven, pah, ontampenĭgi iran Lemek seventi‐seven.
25Im Adam yōmokili retepon miyi yōĭmpī eni nĭtni, miyi yatov nĭn eni memokū. Set, yōmenūwi memokū, Popōwo Iehōva osī movo‐yx nalx tampenum eni Ebel mori Kēn yitalugi.
26Im sī nĭtni yeti numprokomol eni Set, miyi yatov nĭn eni memokū, Enos. Pol ov netevokontū dūbūm worovrugi ran nin eni Iehōva.
Currently Selected:
Kenesis 4: ERGOT
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Published by the British and Foreign Bible Society: Genesis in 1914, and Ruth in 1932.