Mi cilima 2
2
1Lanwani, U Tienu den tagi tanpoli, ki tinga leni yaala n ye lienni kuli ki gbeni. 2U Tienu n den baa soani yaa tuonli kuli, o den soani ki gbeni li. Li daleleeli, o den fuodi.#Heb 4.4,10. 3U Tienu den seligi li daleleeli ki gagidi li kelima o den cedi o tuonli, wan den tagi ki tieni yaala kuli, ki fuodi landaali.#Ñam 20.11.
Edeni koaŋamu
4Line n tie tanpoli leni ki tinga cilima, o Diedo U Tienu n den tagi la yaa yogunu. 5Fatuuguba kuli daa den ye ki tinga po, muadiba mo kuli daa den pudi. Li den tie kelima o Diedo U Tienu daa den teni ke ki taaga mini ki tinga nni, niloba kuli mo daa den ye ki baa ko ki tinga.
6Ama ku mangu yen fii ki luoni ki tinga po, ki soangi mi tinfanma kuli. 7O Diedo den taa ki tinga tama ki tagi o nisaalo. O den fuo o miani nni li miali fuoma, ke o nisaalo tua yaa miali n fo.#1Kor 15.45. 8Lanwani, o Diedo U Tienu den tieni u koaŋamu Edeni kani, ki tiegi puoli po. O den taa wan tagi yaa nilo ki kuani o lienni.
9Li Miali Diedo U Tienu den teni ke i tiidi buoli kuli pudi ki tinga po, yii ŋani bu nunbu po, ki go mani mi jiema po. Li miali tibu den se u koaŋamu siiga nni leni mi ŋanma leni mi biadima bandima tibu.#Doa 2.7; 22.2,14. 10Yaa kpenu n puubi den ñani Edeni nni, ki baa yaa soangidi u koaŋamu. Likani, u den boagidi ki tua kpentaananaa. 11U kpenkpialu yi Pison, li tie yaa kpenu n lindi Hafila diema kuli, wula n ye naankani. 12Laa diema yaa wula ŋani cain. Yaa tisinma n yi bideliomi leni yaa tanli n pia mayuli, ke li dunga pa ki yi onigisi kuli ye laa diema nne.
13U kpenlielu yi Gihoni, wuni n tie yaa kpenu n lindi Kusi diema kuli. 14U kpentaalu yi Hidekela, wuni n tagi Asiiri yaa puoli po. U kpennaalu mo yi Efrati. 15Li Miali Diedo U Tienu den taa o nisaalo ki kuani Edeni koaŋamu nni, ke wan yaa ko ki go guu u. 16Li Miali Diedo U Tienu den bili o nilo po yaa ñoamabonli n tie ne: «A baa fidi ki ŋmani u koaŋamu yaa tiidi bonluonkaala kuli. 17Ama ŋan da ŋmani mi ŋanma leni mi biadima bandima tibu bonluonkaala, kelima a yaa ŋmani la yaa daali, a baa kpe.»
18O Diedo den yedi: «Laa ŋani ke o nisaalo n yaa ye o bebe. N baa tagi o po o todika yua n naani leni o.» 19Li Miali Diedo U Tienu den taa ti tandi ki tagi ti moayandi leni tanpoli bonyugiditi kuli. O den teni ke bi cua o nisaalo kani, ke wan le wan baa cili ba yaa yela. Lani, bonfuodila kuli baa yaa kubi o nisaalo n baa pa o yaa yeli. 20O nilo den puni ti denyandi, tanpoli bonyugiditi leni ti moayandi kuli a yela, ama waa den laa o yuli po, yaa todika n naani leni o. 21Lanwani, o Diedo U Tienu den teni ke mi guacianma cuo o joa, ke o guani. O den ñani o kalikpaba siiga nni kpabiyenli, ki teni ke ti gbanandi go guani ti kaanu ki ŋanbi. 22Li Miali Diedo U Tienu den taa li kalikpabili, wan den ñani yaali o joa kani ki tagi o pua, ki gedini o o joa kani. 23O joa den yedi:
«Moala wani, diidi ki le yua n tie n kpabili yaa kpabili
Leni n gbanandi yaa gbanandi.
Bi baa cili o yeli o pua,
Kelima bi den ñani o o joa yaa niinne.»
24Li tie lani yaa po yo ke o joa baa ña o baa leni o naa kani, ki ban taani leni o pua, ban tua gbananyendi.#Mat 19.5; 1Kor 6.16; Efe 5.31.
25O joa leni o pua kuli den ye mubima, ke fe ki pia ba lipo.
Currently Selected:
Mi cilima 2: BGP
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Gulmancema Protestant Bible © Bible Society of Burkina Faso, 2013.