E’doza 5
5
Adamu ma ori
1 #
1 Sur 1:1; Mat 1:1; Luk 3:38; Efe 4:24; Kol 3:10; E’do 1:27-28 Buku a’bianzi Adamuni eri ’di. O’du Munguni ’ba ’bazurisi Mungu ede eri i ma wura vusi. 2#Mat 19:4; Mar 10:6Eri ’ba yi, agupi azini oku, fe asi ndriza yi dri, ’da runi Adamu’i o’du erini yi ’bazurisi. 3Adamu ovu ndra idriru eli turu alu drini kali na, nga mva ti i ma ngulupi ma wurasi e’daza ini vusi, nga runi ’da Seti’i. 4O’du Adamuni ovuzu idriru erini Setini tizu ’bori ma vutia ’diyi eci yi eli turu aro; oti agianzi ezoanzi be. 5#E’do 3:19; Yob 30:23; Zab 49:7-9; 89:48; Rum 5:12; 1 Kor 15:21; Ebra 9:27O’du ndra Adamuni ovuzu idri be ’diyi dria eli turu oromi drini kali na; dra di ra.
6Seti ma eli ka ca turu alu drini towi, eri nga Enosini ti ra. 7Seti ovu idriru erini Enosini tiria ’boria eli turu aro drini aziri, nga agianzi oti ezoanzi be. 8O’du Setini dria ovu eli turu oromi drini mudri drini iri; dra di ra.
9Enosi ma eli ka ca kali oromi, eri nga di Kenanini ti ra. 10Enosi ovu idriru erini Kenanini tizu ’boriari ma vutia eli turu aro drini mudri drini towi, nga agianzi oti ezoanzi be. 11O’du Enosini dria ovu eli turu oromi drini towi; dra di ra.
12Kenani ma eli ka ca kali aziri, eri nga Mahalalelini ti ra. 13Kenani ovu idriru erini Mahalalelini tizu ’bori ma vutia eli turu aro drini kali su, nga agianzi oti ezoanzi be. 14O’du Kenanini dria ovu eli turu oromi drini mudri; dra di ra.
15Mahalaleli ma eli ka ca kali azia drini towi, eri nga Yaredini ti ra. 16Mahalaleli ovu idriru erini Yaredini tizu ’bori ma vutia eli turu aro drini kali na, nga agianzi oti ezoanzi be. 17O’du Mahalalelini dria ovu turu aro drini kali oromi drini towi; dra di ra.
18 #
1 Sur 1:3; Lip 14:15 Yaredi ma eli ca turu alu drini kali azia drini iri, eri nga Enokani ti ra. 19Yaredi ovu idriru erini Enokani tizu ’bori ma vutia eli turu aro, nga agianzi oti ezoanzi be. 20O’du Yaredini dria ovu eli turu oromi drini kali azia drini iri; dra di ra.
21Enoka ma eli ka ca kali azia drini towi, eri nga Metuselani ti ra. 22#E’do 17:1; 2 Opi 20:3; Zab 16:8; Mik 6:8; Mal 2:6; 1 Tes 2:12Enoka aci Mungu be erini Metuselani tizu ’bori ma vutia eli turu na, nga agianzi oti ezoanzi be. 23O’du Enokani dria ovu eli turu na drini kali azia drini towi. 24#2 Opi 2:11; Ebra 11:5; Yud 1:14Enoka aci Mungu be; avi ra, Munguni eri ’dulenirisi.
25Metusela ma eli ka ca turu alu drini kali aro drini aziri, eri nga Lamekini ti ra. 26Metusela ovu idriru erini Lamekini tizu ’bori ma vutia eli turu aziri drini kali aro drini iri, nga agianzi oti ezoanzi be. 27O’du Metuselani dria ovu eli turu oromi drini kali azia drini oromi; dra di ra.
28Lameki ma eli ka ca turu alu drini kali aro drini iri, eri nga mva ti ra, 29#E’do 3:17; 4:11eri nga runi ’da Noa’i, kini, Mva ’diri nga ama asi omi azi amani pi ma e’yosi, azi maturu amani ’yele ama drisiri be dria, nyaku Yehovani trile ’bori ma e’yosi. 30Lameki ovu idriru erini Noani tizu ’bori mavutia eli turu towi drini kali oromi drini towi, nga agianzi oti ezoanzi be. 31O’du Lamekini dria ovu turu aziri drini kali aziri drini aziri; dra di ra.
32Noa ma eli ca turu towi ra; Noa nga Semi pi oti, Hamu pie, Yafeti pie.
Currently Selected:
E’doza 5: LB66
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Bible in Lugbara © United Bible Societies, 1966.