Mphattuwelo 4
4
Kayini ni Apeli
1Atamu ahaathukumanana amwaarawe yeehaninya Eva, ni ale yahorupala irukulu ni yahonnyara Kayini. Ale yaheera: Ni nkavihero na Mwanene Nluku kihomphwanya nlopwana. 2Ahorupala tho irukulu. Ula nkwaha ula ahonnyara Apeli, nhimawe Kayini. Apeli aari nhakheli o'khontwaa, ni Kayini aari mayolima.
3Unaphilene ukati, Kayini ahowaana mihokorokho co mmattani wiira anveleelihere Mwanene Nluku. 4Apeli ahowaana nlipu no mihuwo cawe cootepa uneneva ni Mwanene Nluku ahomwaakhelela Apeli ni itthuvo cawe. 5Nanso ayo khayaamwaakhelenle Kayini ni itthuvo cawe. Vaavale Kayini ahorusiya ni ahotthuka iyuuci. 6Vano Mwanene Nluku ahomwiirela Kayini: Nlattuni we urusiyaka? Untthukelani iyuuci aa? 7We wapankaka yoorera, khunhala ukupaliya? Nanso waahipankeke yoorera, ucuwele wiira itampi inoowiipithela wankhora. Iyo imphavela wutthema, nanso we unlamuliya usintta.
8Wahoolo, Kayini ahomwiirela Apeli nhimawe: Nrwee umattani. Ukati wakhalacilyaya umattani, Kayini ahontuphela nhimawe n'umwiiva.
9Vano Nluku ahonkoha Kayini: Nhimaa Apeli ri vayi? Uyo ahaakhula eeraka: Akincuwela. Mi kihokhala mayosunka nhimaaka?
10Vano Nluku ahonkoha eeraka: Ipankilyaa ila isiyani? Ukiviriyane: Ukhuma watthayani, iphome ya munnaa inakhuwela. 11Vano uholaphiya we ni itthaya ihunle malaku wiira yaakhelele mmatatani mwaa iphome ya munnaa. 12Ukati unkelaa ulima watthayani, ila khinkela yoovahaka tho icaayira. We unkokhala namatthawatthawa ni nannyatha umwiilaponi.
13Kayini aheerela Apwiya: Uttarusiya waka nwo uhotepa. Nkilevelele. 14Ilelo nnakoomola mwiilaponi mu, kiwiipithakani ni kitthawatthawaka toko nannyatha, kontha ntthu phi ntthu nohala ukikumanana uyo nokokiiva.
15Nanso Mwanene Nluku ahomwaakhula: Khunhala ukhala commo. Ntthu amwiivaka Kayini, nokolivyaaniheriya imaara saapa. Ni Mwanene Nluku ahomweesera Kayini ikanyero, wiira ntthu phi ntthu nohala unkumanana uyo himwiive. 16Vano Kayini ahokhuma wamiithoni wa Mwanene Nluku ni ahorwaa ukhala ilapo yo'Nooti, mphantte unkhuma ncuwa wo wEeteni.
Ucuulu wa Kayini
17Kayini ahaathukumanana amwaarawe ni yahorupala irukulu ni unnyara Enoki. Wahoolo Kayini ahoteka iparasa awe, yaavahilyawe ncina na mwamwanawe Enoki.
18Enoki ahonnyara Iraati. Iraati ahonnyara Mewucayeli. Mewucayeli ahonnyara Metusayeli ni Metusayeli ahonnyara Lameki.
19Lameki ahaathela athiyana eeli. Amoca ayo yeehaninya Aata ni akina ayo, Silaa. 20Aata ahonnyara Yapaali. Yaari athumwanaya atthu ankhalakhalaca mmaheemani ni mayohuwa inama. 21Ncina na munnawe neehaninya Yupaali, yaari athumwanaya atthu othene ammoopa ceece ni mpetta. 22Siila ciicammo ahonnyara mwana mmoca eehaninya Tupalakayimi, ahaana ikaruma cothene co ncukhuma ni co'yuma. Tupalakayimi ahaana mwanrokorawe eehaninya Naama.
23Lameke aheerela asaarawe yeehaninya:
Aata ni Silaa, nkiiwace asaara a Lameki,
mwiiwelele moolumo aka:
Mi kihomwiiva nlopwana kontha hookirakaliha,
ni mmirawo mmoca kontha hookinyakela.
24Wakhalaka wiira Kayini naalivyaaniheriya imaara saapa,
Lameki wanwookhala sapini (70) uyo umwaakulelaca imaara saapa.
Uyaryaa wa Seeti
25Atamu ahaathukumanana tho amwaarawe ni ale yahonnyara mwana nkina, yaanvahilyaya ncina na Seeti, yiiraka: Nluku hokivaha mwana nipuro na Apeli, yoole Kayini mwiivilyawe. 26Seeti ciicammo ahonnyara mwana anvahile awe ncina na Enosi. Vano yooyo ukati uyo, phapaceriyaya ulapeliya ncina na Mwanene Nluku.
Currently Selected:
Mphattuwelo 4: NNI
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2021, Wycliffe Bible Translators, Inc. All rights reserved.