JOHANE MALAGHO GHEZOYA

MALAGHO GHEZOYA

Ilagho Jiboie ja Johane jamfunukua Jesu kukaia Ilagho ja kala na kala ja Mlungu, “Uo uwurie mdamu ukakaia aghadi kodu.” (1.14) Sa iji koni chuo cheni chighambagha. Ilagho Jiboie ijo jedeandikwa eri awo wichishomagha wipate kurumiria kukaia Jesu ni Mkiri uo orelaghiriloghe, Mwana wa Mlungu, na kwa irumirio jawo kwake, wikaie na irangi ja kala na kala (20.31).

Nyuma ya malagho ghezoya ghiwonyeragha kukaia irangi ja kala na kala ni Jesu, ifungu ja imbiri ja Ilagho Jiboie jawonyera weke mwakilimbiti wazima-wazima wiwonyeragha kukaia Jesu ni Mkiri, Mwana wa Mlungu uo orelaghiriloghe. Maza iri ranughwa ni malagho ghiwonyeragha niki weke mwakilimbiti wawuyafunukua.

Ifungu iji ja chuo jawonyera seji wandu wamu wererumirieghe kwa Jesu, wikawuya wanughi wake, ingelo wamu weresimaneghe nao wikalegha kurumiria. Mnyango ghwa 13-17, ghwawonyera malagho gha wungara ghwa ndenyi ghwa Jesu na wanughi wake icho kio cha kuwadwa kwake, na malagho ghake ghewiwika nicha na kuwikumba ngolo luma lwakenyi imbiri ya kusulubishwa kwake. Mnyango ghomeria ghwaja malagho gha kuwadwa kwa Jesu, na mwandu ghwake, na kusulubishwa, na kuruka, na kuwoneka kwake kwa wanughi wake nyuma ya kuruka.

Lughano lwa muka uwadilo ukilaka (18.1-11) loofungwa na braketi kwa kukaia maandiko mengi na tafsiri ra kala reelusigha na rimu ralungirie andu kumu.

Johane wazutira malagho gha inosi ja irangi ja kala na kala kwa chia ya Kristo, inosi jizoyagha idakoni, jiwicheagha awo wimmbusagha Jesu kukaia chia, na loli, na irangi. Ilagho ja maana jiwonekagha kwa Johane ni kutumia vilambo va kawaida viwonekagha ituku ituku, kuwonyera wuloli ghwa kiroho, sa machi, na mkate, na mwengere, na mlisha na ng'ondi rake, na mzabibu na matunda ghake.

Malagho ghiko andenyi

Malagho gha imbiri 1.18

Johane M'baputizi na wanughi wa imbiri wa Jesu 1.19-51

Wudumiki ghwa Jesu kwa wandu 2.1–12.50

Matuku gha kutua, na andenyi ya Jerusalemu 13.1–19.42

Kuruka na kuwoneka kwa Bwana 20.1-31

Malagho gha kutua: kuwoneka sena Galilaya 21.25

Currently Selected:

JOHANE MALAGHO GHEZOYA: TAITA

Qaqambisa

Copy

Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena

Funda Ngakumbi Malunga Biblia Ilagho Jiboie Kwa Wandu Wose

JOHANE MALAGHO GHEZOYA

Iivesi zeBhayibhile ezithandwayo ezisuka
JOHANE MALAGHO GHEZOYA

IBhayibhile:

Taita

Inguqulelo: Biblia Ilagho Jiboie Kwa Wandu Wose - TAITA