Markás 12
12
Badén bágpánáni mesál
(Mattá 21:33–46; Luká 20:9–19)
1Issáyá, randá pa darwar o mesál wati habar gón áyán bongéj kort o gwashti: “Mardéá anguri bágé addh kort. Áiay chapp o chágerdá pallé basti, pa anguráni shiragay geragá kallé jati o pa negahpániá borjé ham basti. Randá bági pa konandakári#12:1 Konandakári, bezán paymánkári, thékah. lahtén bágpánay dastá dát o wat saparéá shot. 2Wahdé anguray mósom but, áiá hezmatkáré bágpánáni kerrá ráh dát ke cha bágay angurán mani bahrá byár, 3bale bágpánán é hezmatkár gept o latth o kotth kort o gón hórk o háligén dastán ráh dát. 4Gorhá hodábondá#12:4 Hodábond, bezán wájah, wáhond, málek, sáheb. dega hezmatkáré dém dát. Áyán, é ham béezzat kort o sar prósht. 5Padá dega hezmatkáré rawáni dát o bágpánán é jat o kosht. Hamé dhawlá, áiá dega bázén hezmatkáré ráh dát, bale bágpánán lahtén latth o kotth kort o lahtén kosht. 6Nun pa ráh dayagá áiay kerrá yakk kasé pasht kaptagat, áiay dóstigén mardénchokk. Godhsará, wati hamé chokki rawán dát. Gwashti mani chokkay ezzatá kanant. 7Bale bágpánán watmánwatá gwasht: ‘Bágay mirásdár#12:7 Mirásdár, bezán mirás barók, mirásá sharikdár, wáres. hamesh ent. Byáét eshiá koshén o bág may mirása bit.’ 8Gorhá gept o koshtesh o jónesh cha bágá dhann dawr dát.”
9Issáyá jost kort: “Nun shomay hayálá bágay hodábond ché kant? Á kayt, bágpánána koshit o bágá dega bágpánáni dastá dant. 10Záná, shomá Pákén Ketábay é habar nawántag ke gwashit:
Á seng ke bánbandán # 12:10 Bánband hamá ent ke lógay bandagá zántkár ent. nápasond kort o nazort
hamá seng bonhesht # 12:10 Bonhesht, bezán lógay awali hesht yá seng. but.
11 É Hodáwanday kár ent o
may chammán porkamál ent.” # 12:11 Zabur 118:22–23.
12Nun áyán lóthet ke Issáyá dazgir bekanant, chéá ke zántesh Issáyá é mesál may bárawá dátag, bale cha mardomán torsetesh. Gorhá Issáesh esht o shotant.
Máliátay bárawá
(Mattá 22:15–22; Luká 20:20–26)
13Randá, áyán lahtén Parisi o Hirudi Issáay kerrá rawán dát ke cha áiay jenday habarán áiá mán begisshénant. 14Nun átkant o jostesh kort: “Oo ostád! Má zánén ke taw tachk o rástén mardomé ay o hechkasay némagá nageray, chéá ke sajjahénán yakk hesábá cháray o Hodáay ráhay sójá pa rástia dayay. Bárén, Rumay bádsháh Kaysará,#12:14 Kaysar Rumay bádsháháni lakab butag, hecch bádsháhay jenday nám nabutag. Rumay har bádsháh Kaysar gwashag butag. song o máliát dayag rawá ent yá na? Áiá máliát bedayén yá madayén?” 15Issáyá áyáni é dotal o dopósti zánt o gwashti: “Chéá maná chakkásagá ét? Dináré byárét ke becháráni.” 16Áyán dináré áwort. Josti kort: “Eshiay sará kai naksh o nám per ent?” Áyán passaw dát: “Kaysaray.” 17Nun Issáyá gwasht: “Gorhá Kaysaraygá Kaysará bedayét o Hodáaygá Hodáyá.” Cha é passawá, á hayrán o habakkah mantant.
Áheratay róch o sáng o sur
(Mattá 22:22–33; Luká 20:27–40)
18-19Randá lahtén Saduki Issáay kerrá átk. Sadukia namannant ke mordag padá zendaga bant. Jostesh kort: “Oo ostád! Mussáyá pa má nebeshtag: Agan kaséay sur kortagén bráté bé awládá bemerit o janózámi zendag bebit, gorhá áiay brát báyad ent gón á janózámá sur bekant tánke chokk o awládé pa wati brátá pédá bekant.#12:18–19 Mussáay Wáz 25:5 o rand. 20Hapt brát atant. Awali brátá jané gept o bé awládá mort, 21gorhá domi brátá gón á janózámá sur kort, bale á ham bé awládá mort. Sayomi brát ham, hamé dhawlá. 22Haptén brátán, kassá chokk nabut. Sajjahénán o rand á janén ham mort. 23Nun áheratay róchá é janén kojám brátayga bit? Chéá ke haptén brátáni jan butag.” 24Issáyá gwasht: “Shomá gomráh naét? Shomá na cha Pákén Ketábán chizzé sarkecha warét#12:24 Sarkech warag, bezán sarpad bayag, póh bayag. o na Hodáay wák o zórá sarpada bét. 25Mordag ke jáha janant, na sura kanant o na sur dayaga bant, ásmáni préshtagáni dhawlá bant. 26Mordagáni zendag bayag o jáh janagay bárawá, záná shomá Mussáay ketábá bon geptagén dhólokay#12:26 Dhólok gyábáni konthagi jarré. kessah nawántag ke Hodáyá gón Mussáyá chón habar kort? ‘Man án, Ebráhémay Hodá o Esákay Hodá o Ákubay Hodá.’#12:26 Darraw 3:6. 27Bezán á, mordagáni Hodá naent, zendagénáni Hodá ent. Shomá sakk rad wártag.”
Masterén parmán
(Mattá 22:34–40; Luká 10:25–28)
28Cha Sharyatay zánógerán yakké áyáni é habarán gósh dáragá at. Áiá dist ke Issá sharr passaw dayagá ent, nazzikká átk o josti kort: “Sharyatay masterén parmán kojám ent?” 29Issáyá passaw dát: “Sharyatay masterén parmán esh ent: ‘Oo Esráil! Gósh dár: May Hodáwandén Hodá yakké. 30Wati Hodáwandén Hodáyá cha delay johlánkiá o gón sajjahén ján o sáh o gón sajjahén pahm o pegr o gón sajjahén was o wáká dóst bedár.’#12:30 Mussáay Wáz 6:4 o rand. 31Domi parmán esh ent: ‘Wati hamsáhegá wati jenday paymá dóst bedár.’#12:31 Láwián 19:18. Cha é doénán, dega masterén parmán nést.” 32Gorhá, Sharyatay zánógerá gwasht: “Oo ostád! Taw sakk sharr gwasht, pa rásti ke Hodá yakké o abéd cha áiá Hodáé nést. 33Hodáyá cha delay johlánkiá o gón sajjahén pahm o pegr o sarjamén was o wáká dóst dárag o hamsáhegá wati jenday paymá dóst dárag cha sajjahén hayrát o sóchagi korbánigán sharter ent.” 34Wahdé Issáyá dist ke áiá dánáén passawé dát, gwashti: “Taw cha Hodáay bádsháhiá dur naay.” Cha ed o rand, hechkasá del nakort ke cha Issáyá josté bekant.
Masih kai chokk ent?
(Mattá 22:41–46; Luká 20:41–44)
35Wahdé Issá mazanén parasteshgáhá tálim dayagá at, josti kort: “Sharyatay zánóger che paymá gwashant ke Masih Dáud bádsháhay chokk ent? 36Dáudá wat cha Pákén Ruhay elhámá gwashtag:
Hodáwandá gón mani Hodáwandá gwasht
mani rástén kashá tán hamá wahdá benend
ke man tai dozhmenán tai pádáni chérá dawra dayán. # 12:36 Asligén Yunáni nebeshtánka gwashit: “tai pádáni chéray tahtoké bekanán”. # 12:36 Zabur 110:1.
37Agan Dáuday jend Masihá wati Hodáwanda gwashit, gorhá á chón Dáuday chokk buta kant?” Mazanén mocchián pa wasshi Issáay habar gósha dáshtant.
Issá Sharyatay zánógerán páshka kant
(Mattá 23:1–36; Luká 20:45–47)
38Issáyá wati tálimáni tahá gwasht: “Cha Sharyatay zánógerán hozzhár bét ke áyán drájén kabáhay gwará kanag dósta bit o bázáráni tarr o garday wahdá cha mardománi salám o drótay lóthók ant. 39Kanisaháni awali red o dáwatáni sharterén jágahesh dósta bit. 40Janózámán rada dayant o polant o pa pésh dáragá wati dwáyán drájkassha kanant. Eshán ganterén sezá rasit.”
Janózáméay shogránah
(Luká 21:1–4)
41Issá mazanén parasteshgáhay shogránaháni pétiay#12:41 Péti, bezán sanduk. dém pa démá neshtagat o hamá mardomán cháragá at ke é pétiá zarresh mána kort. Bázén zardáréá báz zarr dát. 42Garibén janózámé átk o do paysahi#12:42 Asligén Yunáni nebeshtánka gwashit: “do lepton ke yakk kodrantesay arzeshi hast”. Lepton á zamánagay gwandhterén zarr. pétiá mán kort, ke hecchay kárá nayátkant. 43Gorhá Issáyá morid wati kerrá lótháént o gwashtant: “Shomárá rásténa gwashán, é béwasén janózámá cha á sajjahénán géshter zarr pétiá mán kort. 44Chéá ke á degarán cha wati géshén málá chizzoké dát, bale é janózámá gón wati nézgári o garibiá harché ke áiá hastat dáti, bezán wati sajjahén rózig o gozarán.”
Currently Selected:
Markás 12: HPKB
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2015-2022, Wycliffe Bible Translators, Inc. and the Balochi Bible Translation Team. All rights reserved.