Uphawu lweYouVersion
Khetha Uphawu

Luká Lukáay Enjilay pajjár

Lukáay Enjilay pajjár
É ketábay nebisókay nám Luká ent. Á baladén dáktaré butag. Luká wat Esráilié nabutag. Cha áiay é ketáb o anchosh ham cha áiay domi ketáb, Kásedáni Kárá, zánaga bit ke Yunáni zobánay zántkárén nebisóké butag.
Lukáyá é Enjil pa Tiupilos námén Rumay sháhansháhiay kárendahéá#1:0 Kárendah, bezán kárdár, nawkar. nebeshtag. Wati ketábay bongéjá, “sharapdárén Tépilosay” námá gipt, ke á Issáay sará báwarmandé butag o pa wati báwarmandiay mohrter kanagá wáhagdár#1:0 Wáhagdár, bezán lóthók, delmánag, hodónák. butag.
Luká, Hodáwandén Issá Masihá sajjahén donyáay rakkénók o yakk sarjamén ensánéay shekl o dróshomá pésha dárit. Wati é ketábá cha Issá Masihay mátay lápá kapag o pédá bayagá bongéja kant. Jalilay damagá#1:0 Damag, bezán hand, elákah, ostán, subah., Issá Masihay Hodái hezmatkári o padá dém pa Urshalimá áiay sát o saparay sargwastá, pa red o banda gisshénit o kárit. Godhsará, Hodáwandén Issá Masihay mark o padá zendag bayag o gón wati moridán hór bayagay bárawá nebeshtaha kant.

Qaqambisa

Share

Copy

None

Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena