یارادیلیش 28
28
ائسحاقین یعقوبو لابانین یانینا گؤندَ‌رمه‌سی
1ائسحاق یعقوبو چاغیریب اونا برکت وردی و اونا امر اتدی: «کَنَعان قیزلاریندان آرواد آلما. 2قالخیب پَدّان‌اَراما، بؤیوک آتان بِتوعِلئن اِوئنه گت. اورادان دایین لابانین قیزلاریندان اؤزونه آرواد آل. 3قادئری‌موطلق تاری سنه برکت ورسئن، سنی ثمره‌لی ادئب نسلئنی چوخالتسین، اِله کی، سندن چوخلو خالقلار تؤره‌سئن؛ 4ائبراهئمئن برکتئنی سنه و سنئنله بئرلئکده نسلئنه ورسئن کی، تارینین ائبراهئمه وردئیی تورپاغی، قرئب کئمی یاشادیغین تورپاغی، مئراث اولاراق آلاسان.» 5ائسحاق یعقوبو یولا سالدی. او، پَدّان‌اَراما، لابانین یانینا گتدی. لابان یعقوبلا عئسونون آناسی رئبقانین قارداشی و اَراملی بِتوعِل اوغلو ائدی.
6عئسو گؤردو کی، ائسحاق یعقوبا برکت وردی و اؤزونه آرواد آلماق اوچون اونو پَدّان‌اَراما گؤندَ‌ردی؛ هم ده اونا برکت ورن زامان «کَنَعان قیزلاریندان آرواد آلما» دیئب امر اتدی، 7یعقوب دا آتا-آناسینا قولاق آسیب پَدّان‌اَراما گتدی. 8عئسو گؤردو کی، کَنَعان قیزلاری آتاسی ائسحاقین خوشونا گلمئر. 9عئسو ائسماعئلئن یانینا گتدی. او، ائبراهئم اوغلو ائسماعئلئن قیزی ماخَلَتی آروادلارینین اوستونه آرواد آلدی. ماخَلَت نِبایوتون باجیسی ائدی.
یعقوبون بِیت‌ائلده یوخو گؤرمه‌سی
10یعقوب بئرشئبادان چیخیب، خارانا طرف گتدی. 11بئر یِره چاتیب، اورادا گجه‌نی قالدی، چونکی گونش باتمیشدی. او یردن بئر داش گؤتوروب، باشینین آلتینا قویدو و اورادا یاتدی. 12او، یوخودا گؤردو کی، یِرئن اوستونده بئر نَردئوان دورموش و اونون باشی گؤیلره چاتیب. تارینین مَلَکلری اوندان چیخیب-اِنئردئلر. 13رب نَردئوانین اوستونده دوروب ددی: «من آتان ائبراهئم و ائسحاقین تاریسی ربّم. اوستونده یاتدیغین تورپاغی سنه و سنئن نسلئنه وره‌جیم. 14سنئن نسلئن یِرئن توزو کئمی چوخ اولاجاق و سن قربه، شرقه، شئمالا و جنوبا یاییلاجاقسان. یِر اوزونون بوتون طایفالاری سنئن و نسلئنئن واسئطه‌سی‌ائله برکت آلاجاق. 15باخ، من سنئنله‌یم، گده‌جَیئن هر یرده سنی قورویاجاغام و بو تورپاغا قایتاراجاغام. ددئیئمی ادنه قدر سنی ترک اتمیه‌جیم.» 16یعقوب یوخوسوندان اویانیب ددی: «دوغرودان دا، رب بورادادیر. آمّا من ده بونو بئلمئردئم.» 17سونرا قورخوب ددی: «بو یِر نجه ده قورخولودور. بو، تارینین اِوئندن باشقا بئر یِر اولا بئلمز، بورا گؤیلرئن قاپیسی‌دیر.»
18یعقوب سحر تزدن قالخدی. او، باشینین آلتینا قویدوغو داشی گؤتوروب سوتون اولاراق قویدو و اوستونه زیتون یاغی تؤکدو. 19او یِرئن آدینی بِیت‌ائل#28:19 «بِیت‌ائل» - عئبرانی دئلئنده «تارینین اِوی» قویدو، آمّا اوّلجه شهرئن آدی لوز ائدی. 20یعقوب نذر ادئب ددی: «اگر تاری منئمله اولسا، گتدئیئم بو یولدا منی قوروسا، منه یمک اوچون چؤرک و گِیمک اوچون پالتار ورسه، 21صاغ-سالامات آتامین اِوئنه دؤنسم، او زامان رب منه تاری اولاجاق. 22سوتون کئمی قویدوغوم بو داش دا تارینین اِوی اولاجاق و منه وره‌جیئن هر شیئن اوندا بئرئنی آرخایین سنه وره‌جیم.»
Currently Selected:
یارادیلیش 28: موقدس کتاب
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Elam Ministries 2013. All rights reserved.