APUNG ANYIM 6
6
Khaiuniale Akausai
1Tilai khaiuniathso nou goumchi apemai shingkü khu, ngüso tü menyiuthso nouso chetlut. 2Goathso nousoüh khaiunia menyiuthso nouso aleng meikü epkü, ngüsoüh aiutsün chikü ngüsoüh tsammongnyiu theau lou. 3Nungaih Apaou nou ngiom, “Jü Onthso khaiunia da asaita tsünoi-e, tiautenai apa nyihlu noin, lüko lo nai yakü apa aakihlaiu pon 120 chiai tsükih-e.” 4Nungso ajekhaiu nai goumchi nai akongtinghoi noiküla, naiuso nungphi lüko tilai Goa thsoso khaiunia menyiuthso ko emküta ngüsoüh ngüso thso chetkiu; ngüso peta nai yakü lenghoi niansong eptsün khaiunia noiküla.
5Tilai Apaou nou khaiuniathso aphio angei goumchi nai sungkü naiuso ngüso mongpem mongsai yangtsün asaichi tsümeikü ep; 6nungai khaiuniathso nou tiauta goumchi nai shan ta Apaou mong kiakü yangshi, naiuso apa mongkia. 7Küta Apaou nou ngiom, “Khaiuniathso sübao ngo sheithokü shan, thainian, achinkeitsün, maou nai jeikeitsün, waio nouso, ngo goumchi ainou moisemkü mowani-e; tiautenai ngüso shithosantsün thaiutha jümong kiakü yangsanji.” 8Lüko Noa, Apaou niothapko atsüojinyang epsan.
Noa
9Noa ainou nyimsantsün vetao- ling nungso: Noa asio khaiunia kihküla, naiuso apa vetaoko aphio tsüleptsün tsak noiküla, Noa Goa ko tsakei.
10Naiuso Noa tü melothso süme chetlut: ngüso Shem, Ham, naiuso Japet.
11Naiuso Goa khako goumchi tsüsiokü noiküla, naiuso goumchi nou pha poh-etsün nou miankü noiküla.
12Goa nou goumchi thaplunai, nung tsüsiokü nou miankü noiküla, tititenai khaiuniathso chikü nou apa saisile goumchi nai tsüsiokü iula-i.
13Goa nou Noa tü ngiom, “Khaiuniathso athon ajekhaiu jükhako sungkü noin, tiautenai ngüsoüh goumchi pha poh-etsün nou meankü iula-i-iu, athaplu, ngo ngüso goumchi ko aikü mowani-e.” 14Ni athaiutha Gofer pai nou kheng tsak lüshan, kheng mongai tsampai lüshan, küta amongai naiuso achiai tsanlep nou lülepjei. 15Ni nungti lüshan: kheng nou atheng nai meter 133, apün nai meter 22, naiuso atsok nou meter 13 lüshan. 16Ni kheng nai koukhantso tsak lüshan, küta nung centimeter 44, athat chiai lüshan. Naiuso nung tsai ai koukhan tsak lüshan, nung ni asaothon nai, naiuso müjam nou si samjam nou tsampai sunkü lüshan. 17Tititenai athaplu, ngo aa noitsün chikü, goumchi ainou lomowaniao goumchi nai shelei nou kankü shiji; goumchi ko noitsün chikü ean-e. 18Lüko ngo niko Jü Athalu-etsün shan-e, küta ni kheng nai nappe, ni naiuso athsoso, atsammongnyiu, naiuso athsoso tsammongnyiuso niko nappe. 19Naiuso ni kheng nai aa thainian in pungkü nimeme ngüso niko aa kih-iau thaiutha, nialokü anap, ngüso apong si asang theau noin. 20Thainian in pungkü, naiuso tsam thainian in pungkü, naiuso goumchi nai chinkeitsün in pungkü, ngüso aa kih-iau lümeikü, in pungkü adongai nimeme shi-e. 21Naiuso ni eheshiu in pungkü adongko lükamshi; nung athaiutha si ngüso thaiutha eheshiuau noi-e. 22Noaüh Goa nou apa tü thoiluttsünli alum chhin.
Currently Selected:
APUNG ANYIM 6: KHIABSI
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.