Iivesi zeBhayibhile ezithandwayo ezisuka Baroma 1

Share

Ha ni swabi ku bulela Litaba ze Nde. Ki maata a Mulimu a ku pilisa ba ba lumela kaufela, Majuda pili, kono ni bona balicaba.

Kakuli mwa Litaba ze Nde ku patuluzwi mw'a ezeza Mulimu kuli batu ba kone ku kutisana ni yena. Ki ka tumelo, ku zwa kwa makalelo mane ku isa kwa mafelelezo. Sina mo ku ñolezwi kuli, “Yena ya eziwa ya lukile ka tumelo, u ta pila.”

Ku zwa kwa simuluho ya lifasi, za Mulimu ze sa bonwi, ili ona maata a hae a kamita ni bumulimu bwa hae, li bonahezi hande-nde. Batu ba kona ku li bona ka misebezi y'a ezize. Cwalehe, ha ba na buitatulo ni hanyinyani!

Ba ziba Mulimu, kono ha ba mu fi likute le li mu lukela. Ku itumela ku yena, ha ba itumeli. Mihupulo ya bona i fetuhile ye si na tuso. Minahano ya bona ya mbango i unsufezi.

Ba fetula niti ya Mulimu ku i eza buhata. Ba lapela ni ku sebeleza ze ezizwe ki Mulimu, bakeñisa ku lapela ni ku sebeleza yena Mubupi kasibili, ya swanezi ku lumbiwa kamita! Amen.

Kaniti, buhali bwa Mulimu bu bonahala bu zwa kwa lihalimu, ili ku lwanisa sibi ni bumaswe kaufela bwa batu ba ba hanisa ba bañwi ku ziba niti, ka likezo za bona ze maswe.

Kabakala ze ba eza batu, Mulimu u ba tuhelezi ku zwelapili mwa litakazo ze swabisa. Mane, basali ba fetula mikwa ya sipepo ku i eza ye si ya sipepo. Kamukwaoswana ni bona banna ba tuhela mukwa wa sipepo wa ku ina ni basali ba bona, mi ba libisa litakazo za bona kwa banna ba bañwi. Se ba tabela kalombe feela, mi ki fo, Mulimu wa ba nata kabakala likezo ze maswe za bona. Batu ba hana ku buluka zibo ya niti ka za Mulimu. Kacwalo u ba tuhelezi mwa minahano ya bona ye sinyehile, kuli ba eze lika ze sa swaneli ku eziwa.

Ba li ba talifile, kanti ki likuba. Bakeñisa ku lapela Mulimu ya sa shwi, ba lapela maswaniso a lika ze shwa ze cwaleka mutu, linyunywani, lifolofolo, kamba lihahabi.