Iivesi zeBhayibhile ezithandwayo ezisuka Jn 3

Share

Qu'n tu'nju' tk'u'jlalil Dyos nimxi'x kyi'ju' xjal, machin tzaj tchq'o'ne' ayine' o'kxku' jun tk'wal, tu'ntzun lalun che naj kkyaqilju' che okslal weye', naq o'kx tu'n tten kychwinqlal tejumajx.

Qu'n minti' ẍin tzaj chq'o'ne' ayine' Tk'wal Dyos tu'n kxi' nq'o'ne' xjal toj tz'e'ysb'il witzb'aj, naq o'kx machin tzajchq'o'ne' tu'n kkletju' xjal wu'ne'.

Atzunte Jesus xitma'n te: —Axxi'x kxe'l nma'n teya qa jun xjal mixti' sitz'ji tkamaji'n, layx tilju' tkawb'il Dyos.

Alkyete matz'okslan weye' ayine' Tk'wal Dyos, lay txi' toj tz'e'ysb'il witzb'aj; atzunju' minti' tajb'il tu'n tokslan weye' kxe'l toj tz'e'ysb'il witzb'aj noqx tu'nju' minti' nokslan weye' ayine' Tk'wal Dyos.

Aye'ju' minti' nchinx kyoksla'ne', ok che xe'l toj tz'e'ysb'il witzb'aj, qu'n tej tulju' spik'un minti' etzalaj ti'j, a kyajb'ilu' tu'n kten toj qlolj tu'n tpaju' kb'inchb'aj myab'a'n.

Ilti'j tu'n tch'iyte toju' toklen, atzunwe' woklen atl junjun q'ij xi' tkub'aj.

Qu'n kkyaqilju' nche b'inchan taq'wix nel kyik'o'nju' spik'un, ex min kyajb'il tu'n kyul lq'e tk'etzju' spik'un, tu'ntzun lalun q'ancha'lixju' kb'inchb'aj myab'a'n.

Alkye matz'okslan teju' Tk'wal Dyos, ati tchwinqlal tejumajx; alkyetzunte' min nokslan teju' K'wa'lb'aj, lay ten tchwinqlal tejumajx, ate tzul q'o'n te aju' tz'e'ysb'il witzb'aj nimxi'x tu'n Dyos.

Iku' se'nte Moyses jawtiq'i'n jun tilb'ilal kan toj chq'ajlaj tib'aj jun tze, ex ikxtzunwe' ayine' Tk'wal Dyos ilti'j tu'n njax q'o'ne' twitz krus

Intk'u'jla'nte Dyos Manb'aj Tk'wal, ex matxi' txi' tq'o'n toklen tib'aj tkyaqilju' ti'xti'.