Iivesi zeBhayibhile ezithandwayo ezisuka युहना 1

Share

ओउःमयःखेइ रोम्आक्‌थाल सुसु मान्‍ताखेइ ओउःकोः मय्‍ङ् पेह्‌ती ङ्‌हाम्‌ती रोम्आथै ओउःकायः परमेस्‍वर्‌इ लयःकोः चोः त तोती बयःआथास।

सबैसै ङ्‌हा यात्‌चाक् नोःराय् त तोओ खेःतो। ओउः नोःराय्‌पाय् परमेस्‍वर्‌कुस् ब्रक्‌त मुती परमेस्‍वर्‌ गतलो ओउः नोःराय् ओउःतलेः खेःतो।

च्‍याक्ओहाङः थोङ्‌तो स्‍याव्आक्‌तीको च्‍याक्ओइ क्‍लीमःसा गलमा खाय्उलु।

ओहाङःसै ओउः नोःराय् त तोओपाय् मान्‍तालेः स्‍याव्‌ती ङीकःहाङः याक्‌ती मुओ खेःतो। ङीकःहाङः याक्‌ती मुतोक्‌हाङः ओउःपाय् दोङ् कुरा स्‍यान्‌ती मान्‍तालम्‌कायः योनःती योती आन बाल्‌ती जाङ्‌ह्आकान्। बेला बेलाहाङः ओउःकायः परमेस्‍वर्‌कोः ल्‍हुङ्‌गोरे चोःलो लेखा अङ्‌ग थङ्‌ग त पेओमा ताङ्‌ह्ओमा च्‍यवःआलाङःसु।

ओउःकुस्इ परमेस्‍वर्‌इ सबै थोक् जाङ्‌ह्आकान्। ओउः नोःराय् नाःमाःत दोह्‌मा जाङ्‌ह्‌ल। फेरी ओउः नोःराय्‌पाय् जीङः दोःताक्ओचाक् खेःतो। जीङः दोःआक्‌तीको मान्‍तालम् ल्‍हुङ् थोङ्‌तो वाह्‌सा खाय्‌नानी।

ओहाङःसैको उनम्‌कोः स्‍याङ्‌ह्‌लोहाङः येसु वाङ्‌धै वाङ्ओलेः युहनाइ च्‍यवःआकान् “लौ इपाय् ल्‍हाव्‍ह्‌दैबाङ्‌कोः मान्‍ताकायः रेव्ओ काम् क्‍युम्‍ह्‌ताक्‌सा चाक् लेःआः। ओउःपाय् परमेस्‍वर्‌कायः ल्‍हाती सात्‌सा भेदाकोः चोःलो लेखा लेःआः।

ओउः दोङ् थोङ्‌ताक्‌सापाय् ल्‍हाव्‍ह्‌दैबाङ्‌हाङः वाङ्‌ती मुओ खेःतो ओउःकुस्इलेः परमेस्‍वर्‌इ ल्‍हाव्‍ह्‌दैबाङ् ङ्‌हा जाङ्‌ह्आकान्। जाङ्‌ह्‌सापाय् जाङ्‌ह्उतो ल्‍हाव्‍ह्‌दैबाङ्‌हाङः मुओलम्इ ओउःकायः तय्‍ह्‌थाल। फेरी लयःकोः मान्‍ताकःताङ् वाङ्‌तो ओउःमयःइ रोम्‌थाल।

ओउः दोङ् थोङ्‌ताक्‌सा चाक्‌पाय् ल्‍हाव्‍ह्‌दैबाङ् वाङ्‌ती सबै मान्‍ताकायः थोङ्‌ताक्‌सा चाक् लेःआः बा।

मोसाकःसै परमेस्‍वर्‌कोः ऐन्‌खे दोःओ खेःतो दोङ् पेओ व्‍हाय्ओ कुराखेमा काङ्‌ती बयःओ कुराखेमा येसु ख्रीस्‌सै दोःनाःतय्‍ही।