Iivesi zeBhayibhile ezithandwayo ezisuka SAN JUAN 10

Share

Yaltzen te alakꞌ, tzul nuk tuꞌn talkꞌan, bix te byol, bix tuꞌn t-xiꞌ cykilca tuj il. Pero weya, in ula tuꞌn tten cychunkꞌlal, bix tuꞌn tnoj cychunkꞌlal tuyaj baꞌn.

Inayena jcylel baꞌn. Jun cylel baꞌn ctkꞌaꞌ tiib tuꞌn tcyim tuꞌn cyclet carnel.

N-oc cybiꞌn ncarnela nwiꞌya, bix ntzkiꞌna ejeeꞌ, bix nchi oc lpe wiꞌja.

Bix nxiꞌ nkꞌoꞌna cychunkꞌlal te junx maj. Miꞌn chi cyaj tuj cyamecy. Bix min-al baꞌn cyel kꞌinte tuj nkꞌaba.

Junx ttziiꞌ penwen at, bix inayen tzunja junx ttziiꞌ penwen. Alcye ma tzꞌoctz wuꞌna, ccꞌojleteltzen, bix ckꞌojel te tuꞌn tex, tuꞌn tcnet twa.

Pero inayena, jcylel baꞌn kena. Ntzkiꞌna ke ncarnela, bix cytzkiꞌn ncarnela inayena.

O tzaj tkꞌoꞌn Nmana ejeeꞌ weya, bix at mas tipemal Nmana cywitz cykilca. Juꞌ tzunj, min-al baꞌn cyel kꞌinte tuj tkꞌab Nmana. Inayena tuya Nmana, junx koꞌya―tz̈i Jesús.

Ntzkiꞌna ke ncarnela tisen Nmana ttzkiꞌn inayena, bix cytzkiꞌn ncarnela inayena tisen ntzkiꞌna Nmana. Bix cnkꞌaꞌ wiiba tuꞌn ncyima tuꞌn cyclet ncarnela.

Min-al baꞌn tel kꞌinte nchunkꞌlala. Oj tpon tumel tuꞌn ncyima, tuꞌnj weya wajbil chin cymeela. At wipemala tuꞌn ncyima, bix at wipemala tuꞌn njaw itzꞌja juntl maj. Bix cbinel wuꞌna cuma juꞌ taj Nmana―tz̈i Jesús cye fariseo.

Juꞌ tzunj, e xiꞌ tkbaꞌnxin juntl yol cyexin: —Jaxxix cxeꞌl nkbaꞌna cyey, inayena jjaxxix cylel.

Pero jxjal yaaꞌn cylel, bix yaaꞌn cyaaw carnel, sino nuk jun tmaan cylel, oj tlonte jun xoꞌj, miꞌn tcꞌojla ke carnel, sino cyjel tcyeꞌyen ke carnel tuꞌn tel ok. Bix cꞌulel tzul xoꞌj te tzyul ke carnel, bix chi elel tz̈itjjil.

Bix e xiꞌ tkbaꞌntl Jesús cye fariseo: —Jaxxix cxeꞌl nkbaꞌna cyey, ejeeꞌy yaaꞌn cylel jaxxix cye xjal. Cꞌoquel cycꞌuꞌja tiꞌj jun techel. Alcye cylel tcyꞌi tzꞌocx ttziiꞌ cypenwen carnel, sino juꞌ n-ocx twiꞌ penwen, jatzen xjalja yaaꞌn jaxxix cylel, sino jun alakꞌ.