Iivesi zeBhayibhile ezithandwayo ezisuka Matius 5

Share

Whea babe, nimiri timbi agha kau agha niknilamang kom. Nimiri whea timbi agha whea tinina yan iktoba nhonag melamang andarina, nimi ni ae lomag wamang nimiri tibin aneko imnep. Ane saog uro tibin a'unag wamlange neneko nikniban koma, ‘Nimi ni whingag warelamlul,’ aro wali-walia ulamlulom. Walia ulapmunne kembahiikti, A'uni Allah imag wamlange omeklamukang,” aro ambatsiog.

A'un wamlomne mog so'o tibin wareropne a'un wamlom. As yimag soro kalurop as nhon liliro tognobanep kom.

Sindi wanaag sembenga wa'ebi agha seneragtop nimi sembe, Allah sinag lag nenep taleba ibukang ane sembe, awi uro wali wamukang.

Nimi nhondi kwaneng yo mag yori, ‘Tehene,’ senelamloa saog uro sin nimiri wanaag, ‘Porogne agha ulamsebe,’ senerop nimi sembe teko uropne teknero tatsilul ane sembe, awi uro wali wamukang.

Aghana wene nari a'unag yubu ambarelamsin nena, aisa nimi sembe o'ona senelamsululom. Sindi a'un, ‘Seklebaik,’ aro ulamsiik nimi sembe Allahag molona molbarelamsululom.

“Sin wanaag, ‘Teko ulamnelba, Imagneri yepnoho,’ aro seneragtop nimi sembe Imagne ponekori sin paiamsildi, saelba ulamsil ane sembe, awi uro wali wamukang.

Sin nimiri, ‘Nimiap-nimiap aingniro ma'abahisebe,’ aro urop nimi sembe Allah ponekori, ‘Naba namabo,’ sehilul ane sembe, awi uro wali wamukang.

Sin mantuk-tuka engerop nimi sembe wana aingnibahilul ane sembe, awi uro wali wamukang.

Sin nimiri, ‘Wana porogne agha ulamsene,’ aro ulamangne sembe ora nimiri, ‘Seklebaik,’ aro ulamsiang tanena, Imagne ponekori wana porog nimi taneko paiamsildi, saelba ulamsil ane sembe, awi uro wali wamukang.

Sin yareag senehirop nimi sembe yareag sembamsilul ane sembe, awi uro wali wamukang.

A'undi nanag nelepto yubu ka'elamlomne sembe ora nimiri a'un san tiliplamsiikti, ‘Seklebaik,’ aro ulamsiikti, a'un sembe mali aro miniro lelamsiik tanena, awi uro wali wamlulom. Samenag babe a'un anam wamna komag nimi tanekori Allah yubu silimu tiptop nimi tanekoag undo, ‘Seklebaik,’ aro malia ulamsiek. Ane sembe a'undi nanag neleplamnelomne sembe nimiri undo malia ulamsiik tanena, awi senelapmundi, ‘Nuringe kamna imag wamlange nubu uro tatsilul,’ aro yeng uro lolo'oplamlulom,” aro ambatsiog.

Sin wanaag mombolag nenep tangto win-win aro urop nimi sembe mog so'o ene sindi saeag tatsilul ane sembe, awi uro wali wamukang.

Eldi yubu ka'ero neleptop nimiag nen yubu lelamogti, “A'un wamlomne mog so'oag nimi sembe garam emem aropne a'un wamlom. Ot garam aneko, emem arop kom tale tanena, nimiri sa'a agha nen samoro garam sao wali nembanep komdi, teba'en sembanep. Emem aropne neneko kom tan tanena, nimiri tobogsiro ingisaplopnepne mo wamla.

Ane sembe a'undina, A'uni Imagne ponekori nimi ni sembe walia ulamsil saog uro a'undi babe ulapmundi, nimi ni sembe walia ulamsululom,” aro ambatsiog.

Ot a'undi wanaag, ‘Yo sik,’ senelapmun nena, ‘Yo sik,’ sululom. A'undi wanaag, ‘Kom,’ senelapmun nena, ‘Kom,’ sululom. Nimiri nen phelekto lerop tanena, malingeag agha lelamla,” aro ambatsiog.

Nen yubu ambarelamsiogti, “Nunisa yaboag samenag arukto ambatsiog yubu nen nhon a'undi babe ka'ebaomdi, el wamlom. ‘Haing kwhelopkelenge lunuro haing kwheloplulam. Si koroglopkelenge lunuro si korogloplulam,’ aro ambatsiog. Aghana wene nari a'unag yubu ambarelamsin nena, a'unag malia uahiik nimi irikahiseng kom. Nimiri an sirik sip abom opkele tanena, andi whing tangoro, ‘Waneng sip abom babe omnelul,’ aro aombalulam.

Walinge ul palapmenag sae sirik sip haing eneri kemelapmenne agha, malingeag phukul ingkinep tanena, ‘Malia uaneag,’ aro haing wana neneko kwhero tobogloplulam. Andamne nongag wamlange nhon mo kom taho tanena, andamne hae wamnep. Aghana an nong ningki nimi teptoba urobag toboglopkelenge nene mo ikin sirik wamla. Walinge ul palapmenag sae sirikneri uanepne agha malingeag phukul ingkinep tanena, ‘Malia uaneag,’ aro sae aneko karepto tobogloplulam. Andamne nongag wamlange nhon mo kom taho tanena, andamne hae wamnep. Aghana an nong ningki nimi teptoba urobag wa'imunne nene mo ikin sirik wamla,” seog.