Iivesi zeBhayibhile ezithandwayo ezisuka Matta 5

Share

Ɗǝm ɓaa nekaa arkumta a liki ma talo ra. Me maaso ɓaakǝ ɗangrǝ ɓoti a mbu ti ɓisa me yǝ na han ɗekɗek ɓa ɗuur siso nsaad. Maso ɗǝm, sǝ lee ɗekɗek to waaso yǝ too handa a wii ɓeta wa, me ɓǝ wǝr tinimse yaɓ yaɓ waaso, me ɓǝ nyoo Paase yǝ sǝ a liura wa.

“Saase sǝ nga tuma put taandi wa ɓa. Ur ɓaa marsǝ a kola wa yǝ nkaa yǝ tomma a nhuukǝra ra.

Saltǝra yǝ kaɗan a ɓaa ɓǝsǝ ma kuti ɗekɗek ɓa, me kǝɓǝ wǝr Kaa.

Saltǝra yǝ kaɗan a ɓaa ɓǝn kurasǝ ɗoora ma mbraa sima a tom mbu yǝsǝ yaɓ a wiiyo a Kaa ni ɓa, me ɓǝkǝ nkwee.

Pa nǝn nkeesǝ me, sǝ yau ɓaataker ɓǝsa, ɗǝm sǝ tom kǝnara ɓaa ɓǝn nasǝsǝ kongsa ɓa

“Saltǝra yǝ kaɗan a ɓaa ɓǝ maasǝ hanoo ɓoso a Wiso ɓa, me kuɓsutu a liura wa ndǝ ɓoso.

Saltǝra yǝ kaɗan a ɓaa ɓǝn tisǝ ɓaa a kaɗ hurhur ɓa, me ɓaa kǝɓǝ yar me em Kaa ɓa.

Saltǝra yǝ kaɗan a ɓan kuɗa teb ra ɓa, me kǝ ɓǝ taa na'nkwiiti wa.

Saltǝra yǝ kaɗan a ɓaa ɓǝ weesǝ kongsa a tom mbu yǝsǝ yaɓ a wiiyo a Kaa ni ɓa, me kǝɓǝ taa kuɓsutu a liura wa.

Saltǝra yǝ kaɗan a ɓaa ɓǝ sǝ ma manyamanyato ɓa, me ɓaa kǝ ɓǝ weɗa manyamanyato kǝn.

“Saltǝra yǝ kaɗan a sani me ɓeta ɓǝn sirsǝ, ɓǝn nasǝ kongsa, ɗǝm ɓǝn nkeen nsaad mbu kwalakwala ɓa a ɗuura sa, u para wa men niina. Sǝ hurkuɗa sǝ kwala, me sǝkǝ kon nsaa kwalari wa ɓoti a liura, me a ɗǝɗa finda ɓǝ nasǝ kongsa ɓannawanto tang ɓa.

Saltǝra yǝ kaɗan a ɓaa ɓǝn yausǝ ee ɓa ni, me put ntaandi wa ndǝ ɓoso.

“Saase sǝ tuma put ntaandi wa ɓa. Pa me tuma ɓaa ma songsongto usun, kiyǝ tomtomni kiya tom songsong ɗǝmǝu? Sem yaɓ ɗǝm a mbuka ra, ndub ɓaa kǝ tuk ndiira a noo ma natsa.

Me maaso, saase sǝ tom kungsǝta nga Paase a liura yǝsǝ kungsǝra ya.

Pa a lee ‘Ee’ yǝ tom ‘Ee’ ɗǝm ‘Awo’ a tom ‘Awo’ pa mbu faɗsǝ u nwa ɓa, fiɗ a ya kwalakwala ya ni.

“Sǝ kuran ɓaa nkee me, ‘Holo nuu nwa a nuu, ɗǝm holo ɗǝmta wa a ɗǝmta.’ Pa nǝn nkeesǝ, sǝ ɓisi yaa yǝsǝ kwalakwala ya ra. Me yaake ɗaktǝngǝ a laura seya ra, aa kǝrtǝ kwasa ɗǝm.

Me nuu nwaango a seya ya, yǝn kwaa ngǝ ngǝ tom tentenato, aa hik ngǝ mudkǝ ndiira. Para ngǝ nyam fin a ɗaaso kakta mabiri nyaange wa, a u nsaad maabiri nyaange kaa mudkǝ a ara wa. Ɗǝm me nem nyaange a seya ya, yǝn kwaa ngǝ ngǝ tom tentenato, a nɗǝm ngǝ muɗkǝ ndiira. Para ngǝ nyam fin a ɗaaso kakta maabiri nyaange wa, a u nsaad maabiri nyaange kaa mudkǝ a ara wa.