Iivesi zeBhayibhile ezithandwayo ezisuka Yowana 6

Share

Yeesu ˆnaabhasubhya ati, “Ni anye ekyokurya kinu ekiyaana abhaanu obhurame bhunu bhutakuweera. Omuunu woonewoone unu kaanyiija-ko okunyiikirisha, atarirumwa omweko kimwi, amwi ati okuungwa obhwiro kweki.

Mwoyo wa Nyamuwanga niwe unu kaayaana abhaanu obhurame. Omuunu atakutura okukora kyonekyone kwa bhuturo bhwaye omwene era. Amangʼana gayo naabhabhwira ni ga Mwoyo wa Nyamuwanga, na nigo agareeta obhurame bhunu bhutakuweera.

Musige okukorera emirimu ebhyokurya bhinu ebhimara mbinyamuka, tari mukorere emirimu ebhyokurya bhinu bhitakunyamuka, bhinu ebhiyaana abhaanu obhurame bhunu bhutakuweera. Omwana wa Adaamu kaaja okubhayaana ebhyokurya bhiyo, kwa okubha uyo niwe ayaaywe obhuturo bhwa okukora kutyo na Raata, Nyamuwanga.”

Enaaika kutyo kwa okubha kinu Raata keenda ni ati, abhaanu bhoone kutyo bhanu bhamenyere Omwana waaye mbamwikirisha, bhabhe na obhurame bhunu bhutakuweera. Anye noone niribhasuura ku-rusuku rwa obhuteero.”

Yeesu ˆnaabhasubhya ati, “Amangʼana ganu Nyamuwanga keenda mukore, ni kwikirisha unu ꞉aatumirwe nawe.”

Abhaanu bhoone kutyo bhanu Raata kaanaana, abhaaja okuuja ku-anye okunyiikirisha. Woonewoone unu kaanyiija-ko nitarimweseranya wuri.

Simooni Peetero ˆnaamusubhya ati, “Raatabhugenyi, kigende kuuga? Awe uri na amangʼana ganu agakiyaana obhurame bhunu bhutakuweera.

Anye ni anye ekyokurya kinu kiikire okusooka mu-rwire, kinu ekiyaana abhaanu obhurame bhunu bhutakuweera. Omuunu woonewoone unu kaarya ekyokurya kiyo, kaabha na obhurame bhunu bhutakuweera. Ekyokurya kiyo ni mubhiri gwani, enigusoosha ku-nsonga ya abhaanu bhoone kutyo abha mu-kyaro kinu, bhabhe na obhurame bhunu bhutakuweera.”

Atariwo omuunu unu kaatura okuunyiija-ko atafutirwe na Raata unu antumire. Anye noone nirimusuura ku-rusuku rwa obhuteero.

Ekyokurya kya Nyamuwanga ni kinu ekiika okusooka mu-rwire nkiyaana abhaanu bhoone kutyo abha mu-kyaro kinu obhurame bhunu bhutakuweera.”

Ni anye ekyokurya kinu ekiyaana abhaanu obhurame bhuyo.

Kimwi Yeesu ˆnaagega emikaate giyo, ˆnaakumya Nyamuwanga, ˆnaabhuturabhutura emikaate giyo, ˆnaagabhira abhaanu bhoone kutyo bhanu ꞉bhaariga bheekaaye ayo. ˆNaakora kutyokutyo na ginswi giibhiri gyone, ˆnaabhagabhira. Abhaanu bhoone kutyo mbarya kutyo ꞉bhaariga mbeenda. Bhunu ꞉bheegutire, Yeesu ˆnaabhwira abheeyigira bhaaye ati, “Mukumanye ebhisigara bhyone kutyo, kisige okubhura na kimwi.”

Bhunu abheeyigira bhayo ꞉bhaariga bhaafugire muna kiromiita etaanu kutya, mbarora Yeesu ˆnaaribhataga ku-nyanja aarebhereeye okuyika ku-bhwato bhwebhwe. Mboobhaya muno. Niwe, Yeesu ˆnaabhabhwira ati, “Musige okuubhaya! Ni anye!”