Iivesi zeBhayibhile ezithandwayo ezisuka မဿဲ 5

Share

ဆီမီးခွက်ကို ထွန်းရို့ တစ်ယောက်လည်း တောင်းချုပ်ရို့ မထား။ ယင်းထက်ပင် အိမ်ထဲတို့ ဝင်လာသူရို့ အလင်းကို ရကတ်ပတ်စီအတွက် ဆီမီးခွက်ကို ခုံထက်မာရာ တင်ထားရေ။ ယင်းပိုင်တထန် နင်ရို့စာ ကိုယ်ရို့မာ အလင်းကို လူရို့ ရှိက ထွန်းတောက်စီကတ်။ ယင်းပိုင်ဆိုကေ လူရို့စာ နင်ရို့မာ ကောင်းမြတ်စာ အလုပ်ကို မြင်ရို့ နင်ရို့မာ ဂေါင်းခင်ဘုံသျှင် အဖ၏ ဘုန်းတန်ခိုးကို ချီမွမ်းကတ်လိမည်။

“နင်ရို့စာ ဒေ လောက၏ အလင်းနတူကတ်တေ။ တောင်ထက်မာ တည်စာမြို့ကို တစ်ခါလည်း ကွယ်ရို့ မထားနိုင်။

စိတ်နှလုံး စင်ကြယ်သူရို့စာ မင်္ဂလာ ဟိကတ်တေ၊ အကြောင်းကား သူရို့စာ ထာဝရဘုရားကို မြင်ရကတ်လိမည်။

ကောင်းမြတ်စာ အလုပ်ကို လုပ်ဖို့အတွက် တောင်းတသူရို့စာ မင်္ဂလာ ဟိကတ်တေ၊ အကြောင်းကား သူရို့ တောင်းတခြင်း ပြည့်စုံလိမည်။

ယေကေလည်း ငါ နင်ရို့ကို ပြောရေ၊ နင်ရို့စာ ကိုယ်ရို့မာ ရန်သူရို့ကိုလည်း ချစ်ကတ် အရာ နင်ရို့ကို ညှဉ်းဆဲသူရို့အတွက် ထာဝရဘုရားဘားမာ ဆုတောင်းပီးကတ်။

“စိတ်နှလုံး ဆင်းရဲသူရို့စာ မင်္ဂလာ ဟိကတ်တေ၊ အကြောင်းကား ဂေါင်းခင်နိုင်ငံတော်စာ သူရို့ နိုင်ငံ ဖြစ်တေ။

လူရို့အထဲမာ ရန်ငြိမ်းအောင် လုပ်ဖို့အတွက် ကြိုးစားသူရို့စာ မင်္ဂလာ ဟိကတ်တေ၊ အကြောင်းကား သူရို့စာ ထာဝရဘုရား၏ သားသမီး ဟို့ အခေါ် ခံရကတ်လိမည်။

ဝမ်းနည်းသူရို့စာ မင်္ဂလာ ဟိကတ်တေ၊ အကြောင်းကား သူရို့စာ စိတ်အီးချမ်းသာ ရကတ်လိမည်။

ထာဝရဘုရား၏ အလိုတော်အတိုင်း လုပ်ကိုင်ရေအတွက်န ညှဉ်းဆဲခြင်းကို ခံရသူရို့စာ မင်္ဂလာ ဟိကတ်တေ၊ အကြောင်းကား ဂေါင်းခင်နိုင်ငံတော်စာ သူရို့ နိုင်ငံ ဖြစ်တေ။

လူကို သနားကြင်နာသူရို့စာ မင်္ဂလာ ဟိကတ်တေ၊ အကြောင်းကား သူရို့စာ သနားကြင်နာခြင်းကို ခံရကတ်လိမည်။

“နင်ရို့ ငါ့အကြောင်းန လူရို့ဘားမာ အသရေရှုတ်ချခြင်း၊ ညှဉ်းဆဲခြင်း အရာ မဟုတ်မမှန်စာ စစ်စွဲခြင်းကို ခံရရေခါ မင်္ဂလာ ဟိကတ်တေ။ နင်ရို့ ပျော်ကတ် အရာ ဝမ်းသာကတ်၊ အကြောင်းကား နင်ရို့အတွက် ဂေါင်းခင်ဘုံမာ မဟာဆုမြတ် ဟိရေ။ နင်ရို့ထက် အယင်က ရောက်လာလီကတ်စာ ဘုရားသတင်းပို့သူရို့ကိုလည်း လူရို့ ယင်းပိုင် ညှဉ်းဆဲလီကတ်တေ။

နုညံ့ခြင်းစိတ် ဟိသူရို့စာ မင်္ဂလာ ဟိကတ်တေ၊ အကြောင်းကား သူရို့စာ ထာဝရဘုရား ဂတိခံထားစာ ပြည်ကို ရကတ်လိမည်။

“နင်ရို့စာ ဒေ လောက၏ ဆားနတူကတ်တေ၊ ယေကေလည်း ဆားမာ အငန်ဓါတ် ပျက်လားခရေဆိုကေ ယင်းအငန်ဓါတ်ကို အရာတစ်ပြန် ဇာပိုင်ပျင်ရို့ ရနိုင်ဖို့သိလည်း? ထိုဆားစာ တစ်ခုပိုင်လည်း အသုံးမဝင်ဗျာ။ အရာ ထိုဆားစာ သက်သက် ပြင်တို့ ဝဲဘိုက်ခြင်းန လူရို့ အခြီန နင်းခြင်းကိုရာ ခံဖို့ထိုက်တန်ရေ။

ယင်းအတွက်န ငါ ပြောမည်၊ နင်ရို့မာ ဂေါင်းခင်ဘုံသျှင် အဖ အပြည့်အစုံ စင်ကြယ်စာပိုင် နင်ရို့လည်း အပြည့်အစုံ စင်ကြယ်ကတ်။

ယင်းအတွက်န နင်ရို့စာ ‘ဟုတ်တေဆိုကေ ဟုတ်တေ အရာ မဟုတ်ဆိုကေ မဟုတ်’ ဟို့ ပပွင့်လလင်း ပြောကတ်။ ယင်းထက်ပိုစာ စကားတိစာ မာရ်နတ်က လာရေ။

“‘မျက်စိတက်စား မျက်စိ အရာ သွားတက်စား သွား’ ဟို့ ပီးလီစာ ပညှတ်ချက်ကို နင်ရို့ ကြားဖူးကတ်ပျာ။ ယေကေလည်း ငါ နင်ရို့ကို ပြောရေ၊ အသူမဆို နင်ရို့ကို ဆန့်ကျင်ရို့ မကောင်းလုပ်တေဆိုကေ နင်ရို့ ယင်းသူကို လက်စားမဆပ်ကတ်ကေ့။ ယင်းထက်ပင် အသူမဆို နင့် ညာဖက်ပါးကို သတ်တေဆိုကေ ဘယ်ဖက်ပါးကိုလည်း သတ်ပတ်စီ လှည့်ပီးလိုက်။

နင့်မာ ညာဖက်မျက်စိစာ နင့်ကို အပြစ်လမ်းတို့ ဆောင်ယူလားရေဆိုကေ ယင်းမျက်စိကို ထွတ်ရို့ ဝဲဘိုက်လိုက်။ နင့် ခန္ဓာတစ်ကိုယ်လုံး ငရဲမီးအိုင်မာ ကျရဖို့စာထက် မျက်စိတစ်လုံး ပျက်ရဖို့စာပင် နင့်အတွက် ပိုရို့ ကောင်းဖို့သိ။ အရာ နင့်မာ ညာဖက်အလက်စာ နင့်ကို အပြစ်လမ်းတို့ ဆောင်ယူလားရေဆိုကေ ယင်းအလက်ကို ပိုင်းရို့ ဝဲဘိုက်လိုက်။ နင့် ခန္ဓာတစ်ကိုယ်လုံး ငရဲမီးအိုင်မာ ကျရဖို့စာထက် အလက်တစ်ဖက် ပျက်ရဖို့စာပင် နင့်အတွက် ပိုရို့ ကောင်းဖို့သိ။