Iivesi zeBhayibhile ezithandwayo ezisuka Yaya 6

Share

Nga jawapno dii i Yisus do ka, “Ioku nopo nga irad diri taakanon do kovijau di tongotulun. Isaai nopo iri rumikot siti Dogo om aparsaya Dogo nga auno dino vitilon om tuuvan isido, sabap Iokuno iri sumiliu do taakanon disido.

Tatod nopo do Kinoringan nga popovijau do tulun, do kogiroto nopo do kojuvan do tulun nga auso guna. Iri nopo tinangaran do niabarKu dikovu nga irino mantad di Tatod do Kinoringan om irino i kovijau.

Ada kou karajin kumaraja mogium di taakanon do obimvunos. Nga pogium kouno diri taakanon di au moilo munos do irino manaak do kovijaan diri auso koovion, irino i pataakonKu dikovu. Do Ioku nopo diti nga i Sinumiliu do Tulun, om tinandaan Oku di Kinoringan, Tama, do sinuu Oku Disido om tanda nopo diri nga irino tongokosunduvan vinaalKu,” kadi Yisus.

Do itino kouvangan diAmoKu do pointikid-tikid di tulun mongontong Dogo i TanakJo mivaja do aparsaya nga kaanu do kovijaan diri auso koovion, om Iokuno i momijau disido ontok di kiamat,” kadi Yisus.

Nga jawapno dii i Yisus, “Itino gaagaya diri kouvangan di Kinoringan do vojoon muju do misti aparsaya kouno Dogo, iri sinuu do Kinoringan siti vonuvo,” ka.

Nga kasangkat nopo diri ipasanganu diAmo Dogo om irino rumikot siti Dogo. Om isaai nopo i rumikot siti Dogo om aui tulakonKu.

Nga jawapno dii i Simun Pitrus do ka, “Tuhan, ausono tulun vokon vojoonja. Do Ikano i kitangar do kovijau gosob do auso koovion.

Om Iokuno i minindaau mantad si suruga, nga irad di taakanon do kovijau do tulun. Ii nopo tulun do kaakan do taakanon diti, irino aparsaya Dogo, nga ovijau gosob salaid-laid. Do ii nopo taakanon do pataakonKu om itino kojuvanKu do kovijau di tongotulun siti vonuvo,” kadi Yisus.

do auso iso tulun kadapat do rumikot siti Dogo nong okoniko mantad diAmo do mangangat disido poongoi siti Dogo. Om Iokuno iri momijau disido ontok di kiamat.

Sabap taakanon nopo di mantad do Kinoringan nga irino minindaau mantad silo suruga inontodonJo, om irino i momijau do tongotulun siti vonuvo,” ka.

Om Ioku nopo nga irad di taakanon diri kovijau do tongotulun.

Om onuono dii di Yisus iri kuui, do monorimakasi do Kinoringan om potikido nogi dii i tongotulun do songingogom siri. Om iri sada nga kinaa nogi di Yisus om pangakanno dii iolo kasangkat sogosob-gosob diri kouvangan diolo mangakan. Om kabajak nopo dii i tongotulun toguu om tangaro nogi dii di Yisus ikoi i tongotulunJo do, “Pumpungo mujuno ilo noolu-olu om aui opirubatan,” kaDisido.

Om sinodu nopo dagai do mingalud mantad diri inontodon nga kivarono kama diri do tolu nabatu ko apatpo nabatu sinodu diri. Om kaantangai dii dagai i Yisus minsomok di talud sinakaanja do manau-panau siri soribau do vaig, nga nokorosino dii marong ikoi. Nga kadi Yisus dagai, “Ada kou rumosi do Iokui iti!” ka.