Iivesi zeBhayibhile ezithandwayo ezisuka uHezekile uHezekile 7

Share

Isilivere yabo baya kuyiphosa ezitratweni, negolide yabo ithinjwe; isilivere yabo negolide yabo ayiyi kuba nako ukubasindisa ngemini yokuphuphuma komsindo kaYehova; abayi kwanelisa umphefumlo wabo, bazalise izisu zabo ngokuba sisono sabo eso.

Ukumkani uya kulila, nesikhulu sibe senkangala, ziyekelele izandla zabantu belizwe eli; zazi ukuba ndinguYehova.

Aliyi kuba nanceba kuwe iliso lam, ndingakucongi; ke ndiya kuzibuyisela phezu kwakho iindlela zakho, abe phakathi kwakho amasikizi akho; nazi ukuba ndinguYehova.

Aliyi kuba nanceba iliso lam, ndingabi nanceba; ke ndiya kuwabeka phezu kwakho ngokweendlela zakho, nangamasikizi akho phakathi kwakho; nazi ukuba ndinguYehova owohlwayayo.