Iivesi zeBhayibhile ezithandwayo ezisuka iZenzo iZenzo 5

Yabelana

Waphendula ke uPetros nabapostile, bathi, Simelwe kukuthi sive uThixo kunokuba sive abantu.

Baye bangayeki ukufundisa nokushumayela iindaba ezilungileyo zikaYesu Kristu, imihla yonke etempileni, nasemizini ngemizi.

Uthe ke uPetros, Hananiya, kungani na ukuba uSathana azalise intliziyo yakho, ukuba umxokise uMoya oyiNgcwele, ushinte kulo ixabiso lomhlaba? Xa ihleliyo, ibingeyakho na? Wakuba uyithengisile, ibingabisemandleni akho na? Yini na ukuba uyibeke le nto entliziyweni yakho? Akuxoke ebantwini, uxoke kuThixo. Ewavile ke uHananiya la mazwi, wawa, waphuma umphefumlo; kwabakho ukoyika okukhulu kubo bonke ababezivile ezi zinto.

Kungoku ke ndithi kuni, Khwelelani kwaba bantu nibayeke; ngokuba eli cebo, nalo msebenzi, ukuba lingaba lelabantu, lotshitsha. Ukuba ke lelikaThixo, aninakulitshitshisa; hleze nifunyanwe ningabalwa kwanoThixo.