Iivesi zeBhayibhile ezithandwayo ezisuka मत्‍तयाल 5

Share

बोरे आयिर वेडसि निरिच्‍चि, दान गुल्‍ला हिळु इर्रुर. एत्‍तुने उंदि दीसोडिपोर्रो इर्रंतुर. अस्‍के अद लोतोर अंटोर्कुंक वेल्‍गु हींता. अदुनहाटीं मीवा पिस्वर लोकुल्‍कुना मुन्‍ने इल्‍हा मनना गदा मीवा वेलगुनसोंटा बेसता कबाह्‍कुन हूळसि वेरेतोर स्वर्गमता बाबानद कदर कियानुर.

गुट्‍टापोर्रो मत्‍ता नार दिसाकोंटा मन्‍नो. अल्‍हेने मिमेट दुनियाताहाटीं वेलगु आंदिर.

बोर ओना मनसु पेनदापोर्रो इर्रंतोर, पेन ओन्‍के आसिर्वाद हींता, उंद रोजु ओरे पेनदुन हूळांतोर.

नीतिताहाटीं कर्वु दूपा इनाका कस्‍टम कियानोर्कुंके पेन आसिर्वाद हींता, पेन ओर्के समादानम हींता.

गानि नना मीकु वेहानद बतल इत्‍ते, मीवा पगातोर्कुन पावरम कीम्‍टु. मीकुन तकलिप कियानोराहाटीं मिमेट पारतना कीम्‍टु. अस्‍के मिमेट मीवा स्वर्गमते मनना बाबाना पिलाल्क आंतिर.

“बोर अय्ते आत्माताल गरिब मंतुर पेन ओर्के आसिर्वाद हींता, स्वर्ग राज्येम ओरदे आंद.

पगातोर्कुन उंदि कियानोर्कुंके पेन आसिर्वाद हींता, ओर्कुने पेनदा पिलाल्क इंचि इंतुर.

दुक्‍कमते मत्‍तोर्कुंक पेन आसिर्वाद हींता, अद ओर्क दैरनेम हींता.

पेनदा सत्‍तेमते ताकनाहाटीं तकलिप, दुक्‍कम अर्रानोर्कुंके पेन आसिर्वाद हींता, अद स्वर्ग राज्येम ओराहाटींगे मंता.”

दया कियानोर्कुनपोर्रो पेन दया कींता, पेन ओर्के आसिर्वाद हींता.

“मिमेट नावा सिस्युल्क आताहाटीं लोकुल्‍क मीवा अपमानम कींतुर, तिप्‍पल्‍क कींतुर, मीवा विरोदमते बच्‍चुंगो आबद्‍दम पोल्‍लें वेहांतुर, अस्‍के मीकुगुडा पेन आसिर्वाद हींता. मीकन्‍ना मुन्‍नेटा पेनदा कबुरतोर्कुनगुडा लोकुल्‍क इल्हेने तकलिप कीतुर. अदुनहाटीं मिमेट कुसिते मंटु, आनंदमते मंटु. स्वर्गमते मीकु पेद्‍दा इनाम दोर्कंता.”

सादा सिंपल गुनम मत्‍तोर्कुंके पेन आसिर्वाद हींता, अद ई बूमि ओर्के हीसींता.

मिमेट दुनियातोराहाटीं होव्वोरतसंटोर आंदिर. ओक्‍कला होव्वोर, होव्वोरलेसीं रुसि वायाकोंटे अव्टे मर्रा बल्हा होव्वोर रुसि तरा परांतोम? अस्‍के अद बता कबळ्‍क ओज्‍जो. अद पलाते पोहचियना कबळ्‍के ओज्जंता, लोकुल्‍क दान जारसेके दांतुर.

अदुनहाटीं स्वर्गमते मंदना मीवा पेनबाबाल बल्हा पुरागा मंतोर अल्हे मिमेटगुडा मंटु.

दानहाटीं नीवा वळ्‍कुमळ हो इत्‍ते हो, हिलाकोंटे हिल्‍ले इत्‍ते हिल्‍ले इंचि मन्‍नि. नीवा पोल्‍लेतुन निजम कियालय ओट्‍टु तिनानय्ते अद देय्यमताहेंदाल वाता.

कळदुक बदला कळु, पलदुक बदला पल्‍लु तेंडाना इंचि मूसाना नियमते वेहता पोल्‍लेतुन मिमेट केंजतिर गदा. गानि नना मीकु वेहासेके मंतन गदा, मिमेट मीवा पगातोरकुंक एदुर तिरियमटु. ओक्‍कला बोरन्‍ना नीकुन तिना सेंपापोर्रो तंते निमे इंकुंदि सेंपागुडा तिरहा.

अदुनहाटीं तिना कळुगिंटा पापम किया वेहते, दान तेंडसि पोहतेने नीकु बेस मनंता. बारित्‍ते पूरा मेंदुल नरकमते होननदानकन्‍ना उंदि कळु होत्‍ते होन्‍नि. अल्हेन ओक्‍कला नीवा तिना कय नीकुन पापम किया वेहते, दान नर्किसि पोहतेने बेस मनंता. बारित्‍ते नीवा पूरा मेंदुल नरकमते होननदानकन्‍ना मेंदुलता उंदि कय होत्‍ते होन्‍नि.