Iivesi zeBhayibhile ezithandwayo ezisuka Johnga 3

Share

Hisgexji Maura managre wogixetera deshesgena, Eshana Hinigra herera wogarna, higu peshe harnaxgungi inke d’arnikjanena, eshi wankshighoi hisgeja unkjanena.

Maura Hinigra manegi howahugigira, inke managre washinohire howekje wagiu jinina, eshi managre E wankshighi‐inekjege esge.

Jesus horniharna egi wagena: Hisgexjina, hisgexjina hinigena, inke shige wankshigrisha wankshig‐inigi, inke Maura hungma harnira hajarnikjanena.

Hisha harnaxgungi inke washinohire howanikjanena. Eshi hisha inke harnaxgunigi washinohire howagininana, Maura Hinigra eshana herera rashra inke harnagixgu‐hiranige esge.

De‐e washoirohire howera herena, hohambra manegi jira egi wankshigra hokawasra e hiraijera wogixete hirena, hohambra hagkererena, woshga warninera shishighirege esge.

Hiraijera rokana harekjanena hophina, nunige deshi hiraijera wakurujis hatekjanena hophina.

Higu jarnaga washawowonk u‐nankhi, hohambra hosh’ighirena, egi inke hohambeja hajiranina, woshgara inke wagijairanikjege esge.

Hisha Hinigra harnaxgungishi, wankshighoi‐hisgeja unkjanena, egi hisha Hinigra inke harnaxgunigi inke wankshighoira hajarnikjanena, eshi Maura wogiteg harnira eja hiwushakjanena.

Egi Mosesga ura hisgera wakhaisha wangeja howaara mojainainja, shesgegigiregi Wankshig‐hinigra wangeja howa‐ainegi phinana.

Hianjihiwira Hinigra wogixetena, egi washara harnaji nabeja hogishuna.