Iivesi zeBhayibhile ezithandwayo ezisuka Záan 6

Share

Zozíi anɩ́: «Mɔ́ɔ ɔ̀ ŋwɔ́ɔ flɔ́ɔɔ́ ʋ̀ ŋwɔ́ɔ kɔ́ɔ́ ʋ̀ nɩ́ bhɩada ka a. Nyɔ nɩ yi mɔ́ɔ mʋ́ a, kleé nɩ́ kɔɔ́ kɔ́ɔ̀kɔ́ bhlá. Lé ɔ̀ nɩ̀ kà sáà ná fádùò a, mnátʋ nɩ́ kɔɔ sáà kɔ́ɔ̀kɔ́ bhlá.

Blɔ̀blɔ̀zùzùò ɔ́mɔ́ ʋ̀ nyɛ́ nyɔ kɔ́, yɛ́kɛ́ a pʋpʋ́ɔ́ nɩ́ nɩ nyɔ lɛ́. Wɔlíɛ́ ɩ́ srʋɛ lɛ́ amɔ a, ɩ́mɩ́ ŋwɔ́ɔ blɔ̀blɔ̀zùzùò lé ɩ́mɩ́ ŋwɔ́ɔ kɔ́.

Lelilɩ ɩ̀ ŋátɔ a, a ná yɛ́ ɩ wlú a kalɩmɛɛ́, mà lelilɩ ànɩ̀ɛ̀ ɩ̀ nɩ́ ŋátɔ lé ɩ̀ yi amɔ kɔ́ɔ́ ʋ̀ nɩ́ bhɩada ka a nyɛ́ a, ɩ́ nɔnʋ a nɩ zrɩɩ̀! Cémʋ́ Nyɔɔ́ a Yuwliyʋɔ́ ɔ́mɔ́ à Tʋ́ Lagɔ nyɛ́ pɔ́wa a, ɔ́mɔ́ nà kà amɔ bhʋ́anɩ lelilɩɛ́ nyɛ́.»

Wɔlíɛ́ ɩ Tʋ́ yrá a, ɩ́mɩ́ ŋwɔ́ɔ mà, nyɔɔ́ nɩ à yɛ́ Lagɔ a Yuwliyʋɔ́ a, lé ɔ̀ kà ɔ́ fádùò a, ɔ yɛ́ kɔ́ɔ́ nɩ́ɩ bhɩada ka a, lé bɩ́kʋ́bhɩayruó kʋ́ɔ́, mɔ́ɔ kɔ́ɔ́ galà.»

Zozíi anɩ́: «Wɔlíɛ́ Lagɔ yrálɛ amɔ mʋ́ a, ɩ́mɩ́ ŋwɔ́ɔ mà, a ka nyɔɔ́ ɔ́ cíe lé ɔ̀ yi a ɔ cɩ́cása.»

Nyʋaá fɩ́ɛ́ ɩ Tʋ́ nyɛ́ mɔ́ a, á na ká mɔ́ mʋ́ yi. Lé nyɔ nɩ yi mɔ́ mʋ́ a, nɩ́ kɔɔ́ kɔ́ɔ̀kɔ́ jɩ́ɩ.

Simɔ́ Pɩ́ɛ́lɩ anɩ́: «Kanyɔɔ̀, bhè nyɔ gbá gɔ̀ à yi lɛ́ sɔ́kʋ́ mʋ a, ɛ̀ nɩ̀ nɩ́ mɔ̀ ŋwɔ́ɔ a? Máà nà cícíwɔlɩ nyɛ́ kɔ́ɔ́ ʋ̀ nɩ́ bhɩada ka a.

Mɔ́ɔ ɔ̀ ŋwɔ́ɔ flɔ́ɔbhuó à ŋwɔ́ɔ kɔ́ a, lé à wlʋ́ lagɔɔ́ lé à kwlíi a. Nyɔɔ́ nɩ̀ li bhʋ́anɩ flɔ́ɔbhuó a, ɔ yi kɔ́ɔ́ ʋ̀ nɩ́ bhɩada ka a, yɛ́. Lé flɔ́ɔbhuó ná ká nyɛ́, lé à kà ʋ́ kɔ́ a nyʋa neé sa a, ná yɛ́kɛ́ kʋ̀ʋ.»

Tʋ́ɔ́ ɔ̀ cíe mɔ́ɔ a, ɔ nɩ nɩ́ nyɔ tíe lé ɔ ká mɔ́ɔ mʋ́ yi a, nyɔ mɔ̀glʋ̀ nɩ́ ka míi lé ɔ ká yi. Nyɔɔ́ nà kà mɔ́ɔ mʋ́ yi a, ɔ́mɔ́ na ká bɩ́kʋ́bhɩayruó kʋ́ kúyraá saà.

Lagɔ á nɩ flɔ́ɔɔ́, ʋ́mʋ́ ʋ̀ wlʋ́ɛ́ ɔ́ gɔ̀ lé a kwlíe, ʋ́mʋ́ ʋ̀ nyɛ́ nyʋa kɔ́ɔ́ ʋ̀ nɩ́ bhɩada ka a.»

Mɔ́ɔ ŋwɔ́ɔ flɔ́ɔbhuo à ŋwɔ́ɔ kɔ́ɔ́ a.

Lé Zozíi bháʋ́ flɔ́ɔ lé ɔ́ bhibhie, lé ɔ́ bhábhalʋʋ́ nyʋa fɩ́ɛ́ kʋ̀ ʋ́ a, céamúó ɩ́mɩ́ ɔ́ nɩ sáà zrìyuolɩɛ́ a zà, ɔ́ bhábha á lɔ̀fɩ́ɛ́ nyɔ nɩ́ kʋ́ ji, cémʋ́ nyɔ yrá a, ɔ́ yɛ́ sɩ́tɛ̀. Tányɩɛ́ mʋ́ á li lé á lʋ a, bhʋ́ Zozíi srʋ ɔ́ kʋjɩ̀nyʋ̀àà mà: «A gʋ́gwlà flɔ́ɔdrìè ɩ̀ tuo ʋ́ kʋ́, lɛ́ ná tuo ʋ́!»

Zozíi a kʋjɩ̀nyʋ̀àà ya lú á ya dá trʋma à, á ya kilóoyuo gbɩ́ yà gbɩ́flɔ́ sɔ́ bhísakʋ́ bɩ́ pá, lé a yɩ́ bhli Zozíi jɩ̀ ɔ́ námnɩlɛ nyíéé klʋ́ ɔ́ yile gɔ́lʋ́ɔ́ mʋ́. Mà á yɛ́ ɔ́ a, duo wlʋ́ á mnɩ́. Lé Zozíi srʋ á mà: «Ŋanɩmɛ ná bhlá amɔɔ mà mɔ́ɔ kʋ̀ʋ!»