Iivesi zeBhayibhile ezithandwayo ezisuka Luku 8

Share

Nu sisi te soru kau glose te keli igre eidi iheire te fanomho ka cheke na, eghuteuna loku famaku ka nagnafadi te klino nei tutuani teure. Eghuteuna mare leghuni chekegna God na ne heta ghedi ne ghilei au sisi te keli.”

Eghuteuna sisi te soru farihoteidi glathi gnarho te fachuchuru igre, eidi iheire te nomhini cheke na nu nanga nodi fara eidi kmana nafnata glepo. Mare namha dila dedei gna nauthoglu igne ba glepo te keli kau nakarha igne kolho. Aonu cheke igne ginauna theome kotu fakeli nei au kaisei sisi ikoi eghu kolho.

Eghuteuna sisi te soru ka glose te saesape ka thina igne, eidi iheire te nomhini cheke na eghuteuna hata balu gleale'a. Nu ruma lamna ka gaoghathodire kolho. Mare fatutuani katha vido kmoꞌei kolho, eghuteuna kate thoke mei vido te ninhigrana igre, mare ginauna na lisa lao kolho gobigna lepore.

Ke leghugna igne, mae Jisas ne cheke eghu ka mae fanomhore, “Ba, tore, aheva si nomi fatutuani ghotilo na ia?” Nu hatimare ne mhaghu nei jaglo nodi ne cheke eghu fari thedi, “Tore, unha nafnata mae si ignea? Nuri ba ne galo ne faꞌuveni ngala chekegna mana na!”

Eghuteuna sisi te soru ka nabrou na igre eidi iheire te nomhini cheke na, nu mae Satan mei hata fadelei ka nagnafadire cheke igre mala theome fatutuani, nei theome hatani eghu mare thofno nakarha na.

Eghume jateula tuana eghu gobigna lepo te au poru teu gognaro gre, gobigna lepo tuare na thakleu ka vido te snagla. Eghuteuna gobigna lepo te poru ka naiknore ginauna na filo fakelini kate jifla mei kate snagla.

Kate laseni nate filo deni mare na, naꞌa mhaghu nogna fara ne mei balu fififri ne tuturupuku soru ke ulugna mae Jisas. Kate kafe fanomho teu naiknore, naꞌa ne cheke thakleni eigna unha te mei naꞌa te haboni mae Jisas na. Naꞌa ne chekeni la kate haboni mae Jisas na, naꞌa ghosei neke keli fapulo nogna. Mae Jisas ne cheke eghu ka naꞌa, “Naikno biꞌo, iagho kela keli fapulo naugna iagho ne fatutuani. Iagho tangomana te tei na, eghuteuna thosei nanga nou eghu.”

Mae fanomhore mhaghu ne tei fadofrani mana, ne cheke eghu ka mana, “Mae funei, mae funei, tahati la namo lehe!” Aonu mae Jisas kegra haghe ne cheke faheta ka nuri na, nei ke jaola ka galore. Eghuteuna nuri na ghosei ne snoto, nei kholo na neke beata.