Iivesi zeBhayibhile ezithandwayo ezisuka MARKUS 6

Share

Kere'e kaul᷊ie taumata musasul᷊e bou masongo dang mapul᷊e hakiu sarang kumang I Yesus l᷊au manga tumatuhu-E seng ta makarea tempo, ual᷊ingu e'e I Yesus nangul᷊i su manga tumatuhu-E, “Mangal᷊ingte i kite makoa sarang tampa dio marumasi tadeau kitang i kite ha dang i kumu botonge makapangindul᷊e singkodo.”

Bou e'e I Yesus nangul᷊i si sire. “Singkatau nabi iadateng su apang tampa, kitang su tampae sisane dang su tal᷊oara ana u simbaue dingang u manga ghe'e i sie ta iadateng.”

Suapang I Yesus nul᷊umintu bou sakaeng, I Sie nakawua taumata maul᷊i. I Sie nukumindaghi i sire, watu'u i sire musul᷊ung u domba ko takoae tataghuange. Inau I Sie nanita nanintiro ngu hal᷊i maul᷊i si sire.

Su se'e I Yesus ta nakapukoa tatia ko makal᷊aherang, kitang nupakaul᷊e ngu taumata masaki pirangkatau dingang namilo u lima-E si sire. I Sie naherang i sire ta mangimang. Bou e'e I Yesus nul᷊umal᷊eng sarang apang soa ko masasandighi se'e, dang nanintiro.

Bou e'e I Yesus nangal᷊a boroti l᷊ima mbau dang kina dua mbua e'e mbuhue nutumingara tarai sarang l᷊angi nutarimakase su Mawu Ruata. Mbuhue I Sie nangangompeng boroti e'e dingang u l᷊ima-Nge dang nangonggo su manga tumatuhu-E, tadeau pakipahia su taumata maul᷊i e'e. Kina dua mbua e'e l᷊ai nipupapahia si sire kaul᷊ie. I sire nukumang sarang nal᷊aeri. Bou e'e l᷊umbei ngu kang e'e nikomol᷊i u manga tumatuhu I Yesus – kaul᷊ie mborong mapul᷊odua su wawewekang.