Iivesi zeBhayibhile ezithandwayo ezisuka Mateo 15

Share

Mawũãmina yedꞌauba ze bꞌʉra sodꞌeba ze bꞌʉa, Daizeze kĩrãbitara dazhira maʉ̃ba mitia obꞌʉa. Sodꞌebara ze bꞌʉa krĩchata bia ẽãta, miã beaita, kĩma ẽãta erukꞌãĩta, nezrʉgaita, sewa nebʉrʉita, zhãrã ikꞌazhirua jaraita.

Zhikota yedꞌa wãbʉrʉbara dazhira mitia o ẽã, mawũãmina yedꞌauba ze bꞌʉbara Daizeze kĩrãbitara dazhira mitia obꞌʉa.

Za bꞌebara bari iba mʉrã wawidea, aramaʉ̃ne ãzhi sora wawara nʉmʉã mʉnebara. Mʉrã bari ibia jara bꞌeba mʉ ũrãgꞌa kĩrãkꞌa jaradia bꞌea aribꞌaemarẽã jara bꞌeta beubari bꞌeba.

Mawũãĩ Jesúsbara panaʉ̃ mawũãsia: Wũẽrã, bʉra kꞌãbãẽã soidꞌu kꞌobꞌʉdꞌeba aribꞌae nʉmaẽdaya bʉa krĩñane. Izhi kꞌaura bꞌesia aramaʉ̃ta.

Aramaʉ̃ne wũẽrã zepe izhi kĩrãbita sãkꞌokꞌodꞌe kꞌobꞌepe mawũãsia: ¡Nokꞌó, mʉrã kꞌarebarua! Mawũãĩ izhara panaʉ̃ mawũãsia: Mʉã bʉta kꞌarebaira biga ẽã, mawũãrã zhiko warrarãneta jiraedape diabʉrʉkaya usarãã. Mawũãĩ izhara mawũãsia: Ããjã Nokꞌó, mawũãmina usarãbidꞌa ãzhi zhibarirã mesadꞌeba zhiko jarra bꞌaedꞌata kꞌobada. Mawũẽ mʉrã judía ẽmina kꞌarebarua.